मुंबई, 14 मे 2024

भारतीय नौदल नौकानयन असोसिएशन  (आयएनएसए), नौदल मुख्यालयद्वारे समर्थित इंडियन नेव्हल वॉटरमॅनशप ट्रेनिंग सेंटर (आयएनडब्लूटीसी), मुंबई द्वारे 12 ते 18 मे 24 पर्यंत भारतीय नौकायन संघटनेने (वायएआय) ' सिनियर नॅशनल्स नौकानयन स्पर्धा - 2024' चे आयोजन केले आहे.

हा कार्यक्रम सर्व वरिष्ठ ऑलिम्पिक वर्गांसाठी राष्ट्रीय मानांकन कार्यक्रम आहे. या शर्यती मुंबई बंदरात होत आहेत ज्यात राष्ट्रीय क्रमांकामध्ये अव्वल स्थान मिळविण्यासाठी देशातील नौकाधारकांना योग्य नौकानयनासाठी अनुकूल परिस्थिती उपलब्ध असेल. या स्पर्धेसाठी देशभरातील 10 नामांकित सेलिंग क्लबमधील 82 स्पर्धकांनी नोंदणी केली आहे. सहभागी ILCA 7 (पुरुष), ILCA 6 (महिला), 470 (मिश्र), 49er (पुरुष), 49er FX (महिला), IQFoil (पुरुष), IQFoil (महिला), फॉर्म्युला काइट (पुरुष) आणि फॉर्म्युला काइटमध्ये स्पर्धा करत आहेत. (महिला) वर्ग. 13 मे पासून सुरू होणाऱ्या स्पर्धा  एकाच मालिकेत आयोजित केल्या असून त्यानंतर 18 मे 24 रोजी पदकांची शर्यत होणार आहे.

जगभरातील नौकानयनाची प्रशासकीय संस्था असलेल्या जागतिक  नौकानयनने नियुक्त केलेल्या आंतरराष्ट्रीय स्पर्धा  अधिकारी आणि आंतरराष्ट्रीय  परीक्षकाद्वारे या शर्यती आयोजित केल्या जात आहेत. भारतीय स्पर्धा अधिकाऱ्यांसह, आंतरराष्ट्रीय ज्युरीमध्ये  ऑस्ट्रेलिया, कोरिया आणि सिंगापूरच्या  न्यायाधीशांचा समावेश आहे. खेळाची निष्पक्षता आणि अत्यंत व्यावसायिकतेने शर्यतींचे आयोजन सुनिश्चित करण्यासाठी ते त्यांच्या सेवा प्रदान करतील.

N.Chitale/G.Deoda/P.Malandkar

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

 

(Release ID: 2020549) Visitor Counter : 122