سائنس اور ٹیکنالوجی کے مرکزی وزیر مملکت(آزادانہ چارج )، وزیراعظم کے دفتر،عملے ، عوامی شکایات ، پنشن، ایٹمی توانائی اور خلاء کے وزیر مملکت   ڈاکٹر جتیندر سنگھ نے آج کہاہےکہ آدتیہ ایل 1 مشن اور چندریان 3 وغیرہ جیسے اہم سائنسی پروجیکٹوں میں خواتین قیادت کررہی ہیں۔

لوک سبھا میں ستارے والے سوال کا جواب دیتے ہوئے وزیرموصوف نے کہاکہ خواتین نے سائنس کے منصوبوں میں قائدانہ کردار سنبھالنا شروع کر دیا ہے۔ چندریان-3 اور آدتیہ- ایل 1 مشن جیسے جدید خلائی تحقیق کے پروگراموں میں پراجیکٹ ڈائریکٹر سمیت اہم عہدوں پر خواتین سائنسدان ہیں۔

ڈاکٹر جتیندر سنگھ نے ایوان کو مزید بتایا کہ خواتین ، اب اعلیٰ تعلیم کی سطح پر سائنس، ٹیکنالوجی، انجینئرنگ، ریاضی اور طب (ایس ٹی ای ایم ایم ) کے سلسلے میں 43 فیصد اندراج کرتی ہیں، جن سے اگلے چند سالوں میں پیشہ ورانہ سائنسی کردار ادا کرنے کی توقع ہے۔

ڈاکٹر جتیندر سنگھ نے کہا کہ آنے والے سالوں میں، یہ رجحان بالآخر سائنس اور ٹکنالوجی کےاداروں، صنعت اور اسٹارٹ اپس میں خواتین کی اعلیٰ نمائندگی میں ظاہر ہوگا۔

ڈاکٹر جتیندر سنگھ نے کہا، عام احساس یہ ہے کہ سائنس برادری میں خواتین پہلے ہی شراکتی کردار سے قائدانہ کردار تک ترقی کر چکی ہیں۔

ایوان کو یقین دلاتے ہوئے کہ ترقی میں کوئی صنفی تعصب نہیں ہے، انہوں نے کہا،سائنس اورٹکنالوجی ملازمتوں میں خواتین کی مجموعی نمائندگی جلد بہتر ہو جائے گی۔

 انہوں نے کہا کہ ‘‘خواتین سائنس دانوں کی تعداد مردوں کے مقابلے میں اب بھی کم ہے، قطعی طور پر یہ 18.6فیصد ہے، خواتین کے ذریعے چلائے جانے والےتحقیق اورترقی  کےپروجیکٹوں کی شرح 25فیصد تک ہے، لیکن اعلیٰ تعلیم کے اندراج میں پچھلے کچھ سالوں میں زبردست اضافہ ہوا ہے اوریہ تعداد 43 فیصد تک پہنچ گئی، جس کا مطلب ہے کہ کل جب یہ لڑکیاں ان عہدوں پر فائز ہوں گی، کام کرنے والے سائنسدانوں کی یہ متناسب تعداد بھی مزید بڑھ جائے گی۔

ڈاکٹر جتیندر سنگھ نے کہا، ڈبلیوآئی ایس ای اسکیم وزیر اعظم اٹل بہاری واجپائی کے دور میں شروع کی گئی تھی، اسے عبوری طور پر نظر انداز کر دیا گیا تھا اور وزیراعظم مودی نے جب  2014 میں عہدہ سنبھالا تھا تو اسے ڈبلیو آئی ایس ای- کرن  (پروان کے ذریعے تحقیقی طورپر آگے بڑھنے میں علم کی شمولیت ) اسکیم کے طور پر بڑھایا گیا تھا۔

‘‘یہ حکومت پہلے ہی ہر شعبے میں خواتین کے کردار کو بڑھانے کو اولین ترجیح دے رہی ہے۔ جب بھی ان کے پاس بولنے کا پلیٹ فارم ہوتا ہے تو وزیر اعظم مودی اکثر اس بات کا اعادہ کرتے رہے ہیں۔’’

ڈاکٹر جتیندر سنگھ نے کہا، ڈبلیوآئی ایس ای اسکیم کے بجٹ میں 15-2014  کے بعد سے تین بار اضافہ ہوا ہے۔ انہوں نے کہا کہ 2014 میں، اس کی لاگت 44 کروڑ روپے تھی، جو اب تقریباً 135 کروڑ روپے تک پہنچ گئی ہے۔

ڈبلیو آئی ایس  ای  -کرن اسکیم کے تحت پچھلے پانچ سالوں اور موجودہ سال میں 2,153 خواتین سائنسدانوں نے فائدہ اٹھایا ہے۔

سائنس اور  ٹیکنالوجی  کے محکمے  (ڈی ایس ٹی ) کی سائنس اور انجینئرنگ-کرن (ڈبلیو آئی ایس ای –کرن ) اسکیم  میں خواتین، تکنیکی ماہرین اورخواتین سائنسدانوں  کو مواقع فراہم کرنے کے اپنے منفرد مقاصد کو پورا کر رہی ہے جن میں وہ لوگ بھی شامل ہیں جنہوں نے کیریئر کا وقفہ کیا تھا۔ یہ اسکیم مختلف پروگراموں کے ذریعے سائنس اور ٹیکنالوجی (ایس اینڈ ٹی ) کے شعبے میں لڑکیوں، خواتین محققین اور خواتین کے اداروں کو فروغ دیتی ہے۔

ڈبلیو آئی ایس ای –کرن سکیم کے تحت اہم پروگراموں میں سے ایک ’ویمن سائنٹسٹ اسکیم (ڈبلیواو ایس)‘ بے روزگار خواتین سائنسدانوں اور تکنیکی ماہرین کو، خاص طور پر وہ لوگ جنہوں نے اپنے کیریئر میں وقفہ کیا تھا، کو سائنس اور انجینئرنگ کے بنیادی شعبوں میں تحقیق کو اپنا نے کے لئے مواقع فراہم کرتا ہے۔ ڈبلیواوایس کے تین بڑے اجزاء ہیں، جن میں نمبر1 ویمن سائنٹسٹس اسکیم- ڈبلیواوایس- اے) جو خواتین کو بنیادی اور اپلائیڈ سائنسز میں تحقیق کرنے میں مدد فراہم کرتی ہے۔ نمبر 2-ویمن سائنٹسٹس اسکیم- ڈبلیواوایس- اے جو انہیں لے جانے کی ترغیب دیتی ہے۔ تحقیق جس میں سماجی فائدے کے لیےسائنس اور ٹکنالوجی کے طریقہ کارشامل ہیں اورنمبر 3- خواتین سائنسدانوں کی اسکیم-سی (ڈبلیواوایس ) انہیں ایک سال کی تربیت کے بعد انٹلیکچوئل پراپرٹی رائٹس (آئی پی آر ) پروفیشنل بننے کے قابل بناتی ہے۔

ڈبلیوآئی ایس ای – کرن سکیم کے تحت مختلف پروگرام پورے ہندوستان میں پھیلے ہوئے ہیں اور دیہی اور شہری فائدہ اٹھانے والوں میں فرق نہیں کرتے ہیں۔ تاہم، ایک اور منفرد پروگرام ’وگیان جیوتی‘ جس کا مقصد ہونہار لڑکیوں کو سائنس ٹکنالوجی انجینئرنگ ریاضی  میں اعلیٰ تعلیم اور کیریئر کے حصول کی ترغیب دینا ہے، جو دیہی گھرانوں سے آتی ہیں۔

محکمہ سائنس اور ٹیکنالوجی نے 2023-24 کے دوران ڈبلیوآئی ایس ای – کرن اسکیم کے تحت کچھ نئے پروگرام شروع کیے ہیں۔ پی ایچ ڈی(ڈبلیو آئی ایس ای – پی ایچ ڈی) کے لیے ایک نیا پروگرام ‘ڈبلیو آئی ایس ای فیلوشپ’ کا آغاز خواتین محققین کو بنیادی اور اپلائیڈ سائنسز میں پی ایچ ڈی کرنے میں مدد کرنے کے لیے کیا گیا ہے۔ ۔ دوسری طرف، ڈبلیو آئی ایس ای پوسٹ ڈاکٹریٹ فیلوشپ (ڈبلیو آئی ایس ای-پی ڈی ایف ) پروگرام خواتین سائنسدانوں کو سائنس اور انجینئرنگ میں پوسٹ ڈاکٹریٹ تحقیق کرنے کے لیے فروغ دیتا ہے۔ ایک اور پروگرام ڈبلیو آئی ایس ای-ایس سی او پی ای  خواتین سائنسدانوں کو سماجی مطابقت کے 5 موضوعاتی شعبوں میں سائنس اور ٹکنالوجی کے طریقہ کار کے ذریعے سماجی چیلنجوں سے نمٹنے کی اجازت دیتا ہے۔ مزید یہ کہ  ویدوشی  پروگرام سینئر خواتین سائنسدانوں کو سائنس اور معاشرے کی بہتری کے لیے اپنی صلاحیتوں کو بروئے کار لانے کے لیے تعاون فراہم کرتا ہے۔ اس کے علاوہ دانشورانہ املاک حقوق  (ڈبلیو آئی ایس ای- آئی پی آر) پروگرام میں ڈبلیو آئی ایس ای   انٹرنشپ ، دانشورانہ املاک حقو ق کے شعبے میں نوجوان خواتین کو تربیت فراہم کرتا ہے۔ ڈبلیو آئی ایس ای – کرن اسکیم کے تحت ان نئے پروگراموں کا مقصد تمام ایس ٹی ای ایم شعبوں میں صنفی مساوات لانا ہے۔

********

 

 ش ح۔ح ا ۔رم

U-6454  

(Release ID: 2017209) Visitor Counter : 51