اِنتہائی چھوٹی، چھوٹی اور درمیانہ درجہ کی صنعتوں کے مرکزی وزیر جناب نارائن رانے نے آج مہاراشٹر کے  ممبئی کے ساکی ناکہ میں آنے والی کثیر المقاصد نمائش کا آغاز اور کنونشن سنٹر کا سنگ بنیاد، اِنتہائی چھوٹی، چھوٹی اور درمیانہ درجہ کی صنعتوں کی وزارت کے سکریٹری جناب ایس سی ایل داس اور وزارت اور اس کے اداروں کے دیگر سینئر عہدیداروں کی موجودگی میں کیا۔

 

کنونشن سنٹر مائیکرو،ا سمال اینڈ میڈیم انٹرپرائزز (ایم ایس ایم ای) کی وزارت کو علم کے تبادلے، تقریبات، نمائشوں اور سیمینارز کے انعقاد، اپنی مصنوعات اور خدمات کی نمائش اور صنعت کے لیے ایک سستا اور قابل رسائی پلیٹ فارم فراہم کرے گا۔ یہ تعاون کے مواقع بھی فراہم کرے گا۔ اس اقدام سے سیلف ہیلپ گروپس، خواتین کاروباریوں، ایس سی/ایس ٹی کاروباریوں اور سماج کے دیگر کمزور طبقات کو فائدہ پہنچنے کا امکان ہے۔

 

मुंबई के साकी नाका में MSME मंत्रालय द्वारा बनाए जा रहे Multipurpose Exhibition-cum-Convention Centre की आधारशिला रखी।

इसके साथ ही MSME Development and Facilitation Office (MSME-DFO) पुणे ब्रांच का वर्चुअल उद्घाटन भी किया।

इस बहुउद्देशीय प्रदर्शनी-सह-सम्मेलन केंद्र के निर्माण… pic.twitter.com/mKH4oMzPzf

— Narayan Rane (मोदी का परिवार) (@MeNarayanRane) March 9, 2024

مائیکرو، اسمال اینڈ میڈیم انٹرپرائزز (ایم ایس ایم ای)، پی ایم وشوکرما، کھادی اور گاؤں کی صنعت کمیشن (کے وی آئی سی) اور کوئر بورڈ کی نمائندگی کرنے والے شری نارائن رانے نے نمائش کا افتتاح کیا۔ وزیر موصوف نے مختلف نمائش کنندگان سے ملاقات کی اور ان کی حوصلہ افزائی کی جن میں انکیوبیٹرز، خواتین اورایس سی / ایس ٹی  کاروباری افراد مختلف شعبوں سے مصنوعات کی نمائش کررہے ہیں۔

جناب نارائن رانے نے ڈیجیٹل طور پر برانچ مائیکرو، اسمال اینڈ میڈیم انٹرپرائزز (ایم ایس ایم ای) ڈیولپمنٹ اینڈ فیسیلیٹیشن آفس، پونے کا افتتاح کیا اور وزارت کے سینئر افسران کی موجودگی میں نیشنل ایس سی/ایس ٹی ہب (این ایس ایس ایچ) کے مستفیدین کی عزت افزائی کی۔ اس موقع پر پی ایم وشوکرما اور دیگر اسکیموں پر ورکشاپس بھی منعقد کی گئی ہیں تاکہ اسکیموں کے فوائد کے بارے میں بیداری پھیلائی جاسکے۔

مہاراشٹر میں 9 مارچ 2024 تک، وزارت کے ادیم پورٹل پر 53.97 لاکھ انتہائی چھوٹی، چھوٹی اور درمیانہ درجہ کی صنعتیں (ایم ایس ایم ای) رجسٹرڈ ہیں، جو کہ ہندوستان میں کل مائیکرو، سمال اینڈ میڈیم انٹرپرائزز (ایم ایس ایم ایز) کا تقریباً 13 فیصد ہے۔ انتہائی چھوٹی، چھوٹی اور درمیانہ درجہ کی صنعتوں (ایم ایس ایم ایز) شعبہ،  روزگار پیدا کرنے میں اہم کردار ادا کرتا ہے۔

 

******

ش ح۔  ش ت   ۔ م  ص

U-NO.  5912

(Release ID: 2013100) Visitor Counter : 50