نیشنل آرکائیوز آف انڈیا اپنا 134 واں یوم تاسیس منا رہا ہے ۔  اس موقع پر سبھاش چندر بوس کی زندگی پر مبنی ڈیجیٹل نمائش ‘‘سبھاش ابھینندن’’ کا انعقاد کیا جا رہا ہے ۔  یہ نمائش نیشنل آرکائیوز میں دستیاب دستاویزات پر مبنی ہے ۔  پارلیمانی امور اور ثقافت کے وزیر مملکت جناب ارجن رام میگھوال 11 مارچ 2024 (پیر) کو صبح  10:00 بجے  نئی دلی کے شاستری بھون کے نزدیک آئی جی این سی اے  کے سامنے نیشنل اچیوز آف انڈیا جن پتھ روڈ پر  ،  نمائش کا آغاز کریں گے ۔

نیتا جی سبھاش چندر بوس کے ذاتی ریکارڈ نیشنل آرکائیوز آف انڈیا میں محفوظ ہیں اور ان تک نیتا جی پورٹل (http://www.netajipapers.gov.in/)  اور (https://www.abhilekh-patal.in/jspui/) پر رسائی حاصل کی جا سکتی ہے ۔  ان ریکارڈز میں ان کے لکھے ہوئے خطوط ،  ان کے والد جناب جانکی ناتھ بوس کی ڈائری ،  آزاد ہند فوج کے دستاویزات اور ان سے متعلق کئی سرکاری دستاویزات موجود ہیں ۔

نمائش 16 حصوں پر مشتمل ہے جس میں ان کی پیدائش سے لے کر موجودہ وقت تک کا احاطہ کیا گیا ہے ۔  اِن دستاویزات کے ذریعے اُن کی زندگی کی ایک جھلک فراہم ہوتی ہے ،  جس میں جانکی ناتھ بوس کی ڈائری ،  ان کی پیدائش ،  ان کے سول سروس کے امتحان کے نتائج اور بہت کچھ  اس سے متعلق اہم اشیاء کی نمائش ہوتی ہے ۔  1920 سے 1940 تک کی جدوجہد کی دہائیوں کو اچھی طرح سے دستاویز کیا گیا ہے ،  جو ان کی تقریروں ،  ان کے مہم جوئی کے سفر اور آزاد ہند فوج کی جدوجہد کے بارے میں بصیرت پیش کرتے ہیں ۔  مزید یہ کہ  ،  اِس  نمائش  میں بھارت رتن کے ایوارڈ اور التوا اور نیتا جی کے اعزاز میں ثقافت کی وزارت  کی طرف سے کی گئی کوششوں کا ذکر  ہے ۔  مندرجہ ذیل 16 پینل  میں ان کی زندگی کے مختلف پہلوؤں پر گفتگو کی جائے گی : پیدائش ،  پرجوش  ہنر  ، مجاہدین آزادی -I ،  مجاہدین آزادی  -II ،  مجاہدین آزادی -III ،  بین الاقوامی سرگرمیاں ،  مضامین اور تقریر-I ،  مضامین اور تقریریں-II ،  حوصلہ مندانہ  سفر ،  آزاد ہند فوج (سیناپتی)-I ،  آزاد ہند فوج (رانی جھانسی رجمنٹ) - II ،  آزاد ہند فوج (سجاوٹ) -III ،  دلی چلو ،  ایک رہسیہ (ایک راز) ،  بھارت رتن اور سب کی کوششیں یہ نمائش ایک منفرد تجربہ پیش کرتی ہے اور ورچوئل رئیلٹی میں بھی دستیاب ہے ۔

نیشنل آرکائیوز آف انڈیا ثقافت  کی وزارت کے تحت ایک منسلک دفتر ہے ۔  یہ 11 مارچ 1891 کو کولکتہ (کلکتہ) میں امپیریل ریکارڈ ڈیپارٹمنٹ کے طور پر قائم کیا گیا تھا ۔  1911 میں کلکتہ سے  دارالحکومت دلی منتقلی کے بعد ،  نیشنل آرکائیوز آف انڈیا کی موجودہ عمارت 1926 میں تعمیر کی گئی جس کا ڈیزائن سر ایڈون لیوٹینز نے تیار کیا تھا ۔  کلکتہ سے تمام ریکارڈ کی نئی دلی منتقلی 1937 میں مکمل کی گئی ۔  نیشنل آرکائیوز آف انڈیا پبلک ریکارڈ ایکٹ 1993 اور پبلک ریکارڈ ضابطے  1997 کے نفاذ کے لیے نوڈل  (مجاز) ایجنسی بھی ہے ۔

نیشنل آرکائیوز آف انڈیا اس وقت اس کے ذخیروں میں 34.00 کروڑ سے زیادہ صفحات کا  پبلک ریکارڈز کا مجموعہ ہے،  جن میں فائلیں ،  جلدیں ،  نقشے ،  صدر جمہوریہ کی طرف سے منظور شدہ بل ،  معاہدوں ،  نادر مخطوطات ،  مشرقی ریکارڈ ،  نجی کاغذات ،  کارٹوگرافک ریکارڈ ،  گزٹس اور گزٹیئرز کا اہم مجموعہ ،  مردم شماری کے ریکارڈ ،  اسمبلی اور پارلیمنٹ کے مباحثے ،  ممنوعہ لٹریچر ،  ٹریول اکاؤنٹس وغیرہ شامل ہیں ۔مشرقی ریکارڈ کا ایک بڑا حصہ سنسکرت ،  فارسی اور اوڈیا  زبان میں ہے ۔

*****

ش ح – ش ر –ت ح

U: 5864

(Release ID: 2012735) Visitor Counter : 91