آج ،  ہندوستانی فوج نے 46 میٹر کے ماڈیولر پل کو شامل کرکے اپنی  پلوں کی صلاحیت  میں اضافہ کیا ہے ۔  ڈی آر ڈی او کے ذریعہ ڈیزائن اور تیار کردہ اور لارسن اینڈ ٹوبرو (ایل اینڈ ٹی ) کے ذریعہ تیار کردہ ،  برجنگ سسٹم کو باضابطہ طور پر مانیک شا سینٹر ،  نئی دلی میں ایک تقریب میں حوالے کیا گیا ۔  اس تقریب میں آرمی چیف جنرل منوج پانڈے نے شرکت کی ۔  تقریب میں  ہندوستانی فوج ،  ڈی آر ڈی او اور ایم او ڈی کے سینئر معززین نے بھی شرکت کی ۔

اگلے چار سال میں ،  کل 41 سیٹ ،  جن کی مالیت 2,585 کروڑ روپے ہے ،  آہستہ آہستہ شامل کیے جائیں گے ۔  یہ میکانکی طور پر شروع کیا گیا سنگل اسپین ہے جو 46 میٹر کا حملہ پل ہے ،  جو فوج کو نہروں اور گڑھوں جیسی رکاوٹوں کو آسانی سے پار کرنے کے قابل بناتا ہے ۔  اِس سے ہندوستانی فوج کے انجینئروں کی پل  تعیر کرنے کی صلاحیت  میں اضافہ ہوگا کیونکہ یہ پل انتہائی درجے کے موبائل پل ہیں اور یہ  ناہموار ،  اور فوری تعیناتی اور بازیافت کے لیے ڈیزائن کیے گئے ہیں ،  جو مشینی کارروائیوں کی تیز رفتار نوعیت کے مطابق ہیں ۔

ماڈیولر برج کا ہر سیٹ 8 x 8  ہیوی موبلٹی وہیکلز پر مبنی سات کیریئر گاڑیوں اور 10 x 10  ہیوی موبلٹی وہیکلز پر مبنی دو لانچر گاڑیوں پر مشتمل ہے ۔  پل کو مختلف قسم کی رکاوٹوں جیسے نہروں اور گڑھوں پر استعمال کیا جا سکتا ہے جس میں فوری لانچنگ اور بازیافت کی صلاحیت ہے ۔  یہ  گاڑیاں انتہائی موبائل ،  ورسٹائل ،  ناہموار اور پہیوں والی اور ٹریک شدہ مشینی گاڑیوں کی طرح رفتار والی گاڑیاں ہیں ۔

ماڈیولر پل دستی طور پر شروع کیے گئے میڈیم گرڈر برجز (ایم جی بی ) کی جگہ لیں گے جو فی الحال ہندوستانی فوج میں استعمال ہو رہے ہیں ۔  مقامی طور پر تیار کردہ اور ماڈیولر پلوں کے ایم جی بی  پر بہت سے فوائد ہوں گے جیسے کہ توسیع کی مدت ،  تعمیر کے لیے کم وقت اور بازیافت کی صلاحیت کے ساتھ مکینیکل لانچنگ ۔

ماڈیولر برج کی شمولیت ہندوستانی فوج کی برجنگ صلاحیتوں کو بڑھانے میں ایک اہم قدم کی نمائندگی کرتی ہے ۔  یہ جدید فوجی سازوسامان کو ڈیزائن کرنے اور تیار کرنے میں ہندوستان کی مہارت کو اجاگر کرتا ہے اور ’آتم نر بھر  بھارت‘ اور دفاعی پیداوار میں خود انحصاری کے لیے ملک کے عزم کو اجاگر کرتا ہے ۔

اِن پلوں کا حصول نہ صرف ہندوستانی فوج کے کام کاج کی استعداد میں اضافہ کرتا ہے بلکہ دفاعی ٹیکنالوجی اور مینوفیکچرنگ میں ہندوستان کی بڑھتی ہوئی اہمیت کو بھی ظاہر کرتا ہے ۔   

*******

ش ح ۔ اس ۔  ت ح

(U:  5417) 

(Release ID: 2009419) Visitor Counter : 42