مرکزی وزیر ڈاکٹر جتیندر سنگھ نے ممتاز انڈین کالج آف فزیشنز کے 35ویں کانووکیشن کی تقریب اور نئی دہلی میں فزیشنز کی ایسوسی ایشن (اے پی آئی سی او این  2024) کی 79ویں سالانہ کانفرنس سے بطور مہمان خصوصی خطاب کیا۔

اس موقع پر، ڈاکٹر جتیندر سنگھ کو،  جو خود میڈیسن اینڈ اینڈو کرائنولوجی کے پروفیسر ہیں، کو انڈین کالج آف فزیشنز کی اعزازی فیلوشپ سے بھی نوازا گیا۔

سائنس اور ٹکنالوجی کے مرکزی وزیر مملکت (آزادانہ چارج)، اور وزیراعظم کے دفتر، عملے، عوامی شکایات، ایٹمی توانائی اور خلاء کے مرکزی وزیر مملکت ڈاکٹر جتیندر سنگھ نے کہا کہ "طبیبوں کی سالانہ کانفرنس میں شرکت کرنا گھر واپسی کی طرح ہے اور یہ ان کے دل کے بہت قریب ہے۔ " انہوں نے مزید کہا کہ اپنے طویل کام کے شیڈول کی وجہ سے انہیں اپنی برادری سے جڑنے کا وقت مشکل سے ہی ملتا ہے، لیکن اے پی آئی سی او این نے دوبارہ رابطہ قائم کرنے کا موقع دے کر اس کی تلافی کی ہے۔

اجتماع سے خطاب کرتے ہوئے ڈاکٹر جتیندر سنگھ نے کہا، وزیر اعظم جناب نریندر مودی کے ویژن کی وجہ سے ہندوستان 'پریوینٹیو ہیلتھ کیئر' میں ایک لیڈر بن رہا ہے، جس نے پرائیویٹ سیکٹر کے ساتھ مل کر ڈی این اے کی بنیاد پر ویکسین کی مقامی ترقی پر ہندوستان کی کامیابی پر زور دیا اوردنیا کی سب سے بڑی کوویڈ  ٹیکہ کاری   کو انجام دینے میں مدد کی ۔

وزیر موصوف نے کہا کہ "ٹیکنالوجی  ہر جگہ اپنا مقام بنا رہی ہے اور مصنوعی ذہانت اور مشین لرننگ ٹولز کو اس کی صلاحیت کو بروئے کار لانے کے لیے استعمال کیا جا سکتا ہے"۔  مزید آگے بڑھتے ہوئے انہوں نے میٹرو کے اسپتالوں کے ساتھ تعاون کرکے اپنے حلقہ ’موبائل ٹیلی کلینک‘ میں ایک تجربہ بھی شیئر کیا، جہاں ایک ’ اے آئی ڈاکٹر‘ نے مریضوں سے بات چیت کی۔ اگرچہ انہوں نے اس بات کو اجاگر کرتے ہیں کہ یہ ٹیکنالوجیز چیلنج پیدا کرتی ہیں، لیکن انہیں مواقع میں تبدیل کیا جا سکتا ہے۔

ڈاکٹر جتیندر سنگھ کے مطابق، سب کے لیے سستی صحت کی دیکھ بھال وزیراعظم مودی کی گارنٹی ہے اور ان کی حکومت اسے یقینی بنانے کے لیے کوششیں کر رہی ہے۔ انہوں نے اشتراک کیا کہ حکومت نے اسکول جانے والی نوعمر لڑکیوں کو ہیومن پیپیلوما وائرس (ایچ پی وی) سے بچاؤ کے ٹیکے لگانے کے اپنے فیصلے کا اعلان کیا ہے۔ انہوں نے متعدی اور غیر متعدی امراض میں کمی کے لیے حکومت کی کوششوں کو اجاگر کیا۔

اپنی تقریر کے دوران مرکزی وزیر نے کہا کہ وزیراعظم مودی ڈیجیٹل ہیلتھ کیئر کی بہت زیادہ حمایت کرتے رہے ہیں اور نیشنل ڈیجیٹل ہیلتھ مشن کی ترقی اس کی گواہ ہے۔ ڈاکٹر جتیندر سنگھ نے ذکر کیا کہ بطور ڈاکٹر وہ اس مریض کے ساتھ انسانی رابطے میں ہیں، جو ڈاکٹر سے بات کرنے کے بعد بہتر محسوس کرتا ہے۔ اسی طرح، ٹکنالوجی نے ہمیں تقریباً 2 لاکھ شکایات کا ازالہ کرنے کے قابل بنایا ہے، جس سے شکایات کے ازالے میں ہندوستان ایک رہنما روشنی بنتا ہے لیکن انسانی فطرت کو برقرار رکھنے اور ہیپی نیس انڈیکس سے نکالنے کے لیے، ہم نے شکایت کنندہ کے اطمینان کے لیے انسانی رائے کا ایک طریقہ کار متعارف کرایا۔

ٹیکنالوجی میں ہندوستان کی مہارت کو اجاگر کرتے ہوئے،خلاء کے مرکزی وزیر مملکت  نے کہا کہ دیر سے شروع ہونے کے باوجود، ہندوستان کا چندریان-3 چاند کے جنوبی قطب تک پہنچنے والا پہلا خلائی جہاز  ہے۔

ہندوستان کی آزادی سے پہلے اے پی آئی کی تاریخ کا سراغ لگاتے ہوئے، ڈاکٹر جتیندر سنگھ نے کہا کہ اس نے اپنی وراثت کو برقرار رکھا ہے اور گزرتے ہوئے وقت کے ساتھ ترقی کی ہے۔ سائنس اور ٹیکنالوجی کے  وزیر نے کانفرنس کے ساتھ اپنی وابستگی کو یاد کیا اور کہا کہ انہوں نے 2014 تک بغیر کسی ناکامی کے ہر سال اے پی آئی  کی نصابی کتاب میں ہر سال ایک باب کا تعاون کیا  ہے ۔

صدر اے پی آئی ، ڈاکٹر ملند ناڈکر اور ڈاکٹر آر کے سنگھ، ڈین، انڈین کالج آف فزیشنز (آئی سی پی) نے ڈاکٹر جتیندر سنگھ کی موجودگی اور ہندوستان کے صحت مند مستقبل کے لیے نئے فیلو کی رہنمائی کے لیے ان کا تہہ دل سے شکریہ ادا کیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح- وا - ق ر)

U-5381