ప్రధానమంత్రి శ్రీ నరేంద్ర మోదీ 2024 ఫిబ్రవరి 24 న వీడియో కాన్ఫరెన్స్ ద్వారా ఎన్టీపీసీ 1,600 మెగావాట్ల లారా సూపర్ థర్మల్ పవర్ స్టేషన్ స్టేజ్-1 (2×800 మెగావాట్లు)ను జాతికి అంకితం చేసి , ఛత్తీస్ గఢ్ లోని రాయ్ గఢ్ లో ఎన్టీపీసీ నిర్మించనున్న    1,600 మెగావాట్ల (2×800 మెగావాట్ల) లారా సూపర్ థర్మల్ పవర్ ప్రాజెక్ట్ స్టేజ్-2 నిర్మాణానికి  శంకుస్థాపన చేస్తారు. 

లారా సూపర్ థర్మల్ పవర్ స్టేషన్  స్టేజ్-I ను సుమారు రూ.15,800 కోట్ల పెట్టుబడితో నిర్మించారు. స్టేజ్-I నిర్మాణం అనంతరం అందుబాటులో ఉన్న స్థలంలో  ప్రాజెక్ట్  స్టేజ్-II ను నిర్మిస్తారు.  దీంతో విస్తరణకు అదనంగా భూసేకరణ  అవసరం ఉండదు. స్టేజ్-2 ను  రూ.15,530 కోట్ల రూపాయల ఖర్చుతో చేపడతారు. 

ఈ పిట్ హెడ్ పవర్ స్టేషన్/ప్రాజెక్టుకు అవసరమైన బొగ్గును ఎన్టీపీసీ కి చెందిన   తలాయిపల్లి కోల్ బ్లాక్ నుండి మెర్రీ-గో-రౌండ్ (ఎంజిఆర్) వ్యవస్థ ద్వారా సరఫరా చేస్తారు, దీని వల్ల  24×7 సరఫరాకు అవసరమైన  విద్యుత్  తక్కువ ఖర్చుతో అందుతుంది. 

అత్యంత సమర్థవంతమైన సూపర్ క్రిటికల్ టెక్నాలజీ తో లారా సూపర్ థర్మల్ పవర్ స్టేషన్ స్టేజ్-1ను నిర్మించారు.  అల్ట్రా సూపర్ క్రిటికల్ టెక్నాలజీ తో స్టేజ్-2 ను నిర్మిస్తారు. నూతన సాంకేతిక పరిజ్ఞానంవల్ల బొగ్గు వినియోగం తగ్గుతుంది.  కార్బన్-డయాక్సైడ్ ఉద్గారాల విడుదల తగ్గుతుంది. 

స్టేజ్-1, స్టేజ్-2 లలో ఉత్పత్తి అయ్యే విద్యుత్ లో 50 శాతం విద్యుత్ ను ఛత్తీస్గఢ్ రాష్ట్రానికి కేటాయిస్తారు.  గుజరాత్, మధ్యప్రదేశ్, మహారాష్ట్ర, గోవా, డామన్ డయ్యూ, దాద్రా నగర్ హవేలీ వంటి అనేక ఇతర రాష్ట్రాల్లో విద్యుత్ పరిస్థితిని  మెరుగుపరచడంలో ఈ ప్రాజెక్టు కీలక పాత్ర పోషిస్తుంది.

 ప్రాజెక్టు ఏర్పాటు వల్ల ఈ ప్రాంతంలో ప్రత్యక్షంగా, పరోక్షంగా ఉపాధి అవకాశాలు లభిస్తున్నాయి. వీటితో పాటు విద్య, తాగునీరు, పారిశుద్ధ్యం, ఆరోగ్యం, మహిళా సాధికారత రంగాల్లో ఎన్టీపీసీ ఆధ్వర్యంలో  సమీప ప్రాంతాల్లో పలు సామాజిక అభివృద్ధి  కార్యక్రమాలు అమలు జరుగుతున్నాయి. 

వీటిని  కూడా చూడండి:  

• NTPC flags off first Coal Rake dispatch from NTPC Talaipalli to NTPC Lara Super Thermal Power Project
• Second 880 MW unit of NTPC Lara commences commercial operations

****