તરંગ 2024ની પ્રથમ આવૃત્તિ - એકત્રીકરણની ઊજવણી, નાબાર્ડ ગુજરાત પ્રાદેશિક કાર્યાલય દ્વારા 23 -27 ફેબ્રુઆરી 2024, દરમિયાન નાના ખેડૂતોના કૃષિ વ્યવસાય સંઘ (SFAC) અને ઓપન નેટવર્ક ફોર ડિજિટલ કોમર્સ (ONDC)ના સહયોગથી ખેડૂત ઉત્પાદક સંગઠનો (FPO) માટે મેળા-કમ - પ્રદર્શનનું આયોજન કરવામાં આવ્યું છે. આ ઈવેન્ટનું, 23 ફેબ્રુઆરી 2024ના રોજ અમદાવાદ હાટ, વસ્ત્રાપુર, અમદાવાદ ખાતે, ઉદ્ઘાટન કરવામાં આવ્યું.

શ્રી જેઠાભાઈ આહિર, માનનીય ડેપ્યુટી સ્પીકર શ્રી, ગુજરાત વિધાનસભા એ ઉદઘાટન કાર્યક્રમના મુખ્ય મહેમાન તરીકે હાજરી આપી હતી . ઉદઘાટન કાર્યક્રમમાં શ્રી બી.કે. સિંઘલ, મુખ્ય મહા પ્રબંધક (CGM), નાબાર્ડ ગુજરાત ક્ષેત્રીય કાર્યાલય, શ્રી એસ.કે. ગુપ્તા, મુખ્ય મહા પ્રબંધક (CGM) અને બેંકિંગ ઓમ્બડ્સમેન, આરબીઆઇ, અમદાવાદ, નાબાર્ડના વરિષ્ઠ અધિકારીઓ અને ભારતના વિવિધ ભાગોમાંથી FPO વેચાણકર્તાઓ અને ખરીદદારો હાજર હતા.

તેમના મુખ્ય વક્તવ્યમાં, શ્રી જેઠાભાઈ આહિર, મુખ્ય અતિથિ, ગુજરાત વિધાનસભાના માનનીય નાયબ અધ્યક્ષ શ્રીએ , કાશ્મીરથી કેરળ સુધીના ખેડૂતોને તેમના ઉત્પાદનોનું પ્રદર્શન કરવા માટેનું આ પ્રતિષ્ઠિત પ્લેટફોર્મ પૂરું પાડવા અને તેમના બજાર જોડાણને વધારવા માટે નાબાર્ડ, SFAC અને ONDCના પ્રયાસોને બિરદાવ્યા. તેમણે પ્રદર્શનમાં ઉત્પાદનોની ગુણવત્તા અને શ્રેણી અંગે ખુશી વ્યક્ત કરતાં આયોજક સંસ્થાઓ અને ખરીદદારોને આ કારીગરી અને ખેડૂતોના ઉત્પાદનોની મહત્તમ પહોંચ માટે તરંગ 2024નો સંદેશ દૂર-દૂર સુધી ફેલાવવા આહવાન કર્યું.

શ્રી એસ.કે. ગુપ્તા, CGM અને બેંકિંગ ઓમ્બડ્સમેન, RBI, અમદાવાદે તેમના સંબોધનમાં તરંગ 2024ના સ્ટોલ પર પ્રદર્શિત ઉત્પાદનોની પ્રશંસા કરતાં આ પ્લેટફોર્મ દ્વારા ગ્રામીણ ભારતની સમૃદ્ધિ અને વિવિધતાને એકસાથે લાવવામાં નાબાર્ડ, SFAC અને ONDCના યોગદાનની પણ પ્રશંસા કરી. તેમણે તરંગને સામૂહિકીકરણની ભાવનાની સાચી ઉજવણી તરીકે વર્ણવ્યું અને  તેની જણાવ્યુ કે ટેગલાઇન દ્વારા યોગ્ય રીતે સારાંશ આપવામાં આવ્યો છે. શ્રી એસ. કે. ગુપ્તાએ તેમના સંબોધનમાં,આજના ડિજિટલ માર્કેટિંગ અને ઈ-કોમર્સના યુગમાં, ભાગ લેનારા ખેડૂતો અને કારીગરોની બેંકિંગ અને ડિજિટલ જાગૃતિ વિષે પણ વાત કરી.

શ્રી બી.કે. સિંઘલ, CGM, નાબાર્ડ ગુજરાત ક્ષેત્રીય કાર્યાલયે, આ પ્રસંગે હાજર રહી  ભાગ લેનાર FPOને પ્રોત્સાહિત કરવા બદલ મહાનુભાવોનો આભાર માન્યો. તેમણે સમજાવ્યું કે તરંગ એ FPO-ની આગેવાની હેઠળ એક અનોખી પ્રદર્શન-કમ-વેચાણ  ઇવેન્ટ છે. જેમાં ગુજરાત સહિત ભારતના 19 રાજ્યોમાંથી સહભાગીઓ સામેલ છે. તરંગ ખાતેના 90 સ્ટોલમાંથી 37 સ્ટોલ કારીગરી અથવા બિન ખેતીક્ષેત્રના ઉત્પાદનો સાથે સંબંધિત છે, 40 સ્ટોલ નાબાર્ડ સાથે સંબંધિત છે, 5 સ્ટોલ બાજરી અથવા શ્રી-અન્ના આધારિત ઉત્પાદનોને લગતા છે. શ્રી બી.કે. સિંઘલે નાબાર્ડ, એસએફએસી અને ઓએનડીસી વચ્ચેના સંગમને ધ્યાનમાં રાખીને તરંગ 2024ના મહત્વ પર પ્રકાશ પાડ્યો હતો. તેમણે નોંધ્યું કે નાબાર્ડ અને SFAC- FPOની રચના અને પ્રમોશનમાં સંકળાયેલી બે અગ્રણી રાષ્ટ્રીય સંસ્થાઓ- નો આ સંગમ, ONDCના ડિજિટલ પ્લેટફોર્મ સાથે, સહભાગી FPOsના બજાર જોડાણોને ટકાઉપણું અને સ્થિતિસ્થાપકતા આપશે. અંતે શ્રી બી.કે. સિંઘલે તરંગ 2024ને માનનીય પ્રધાનમંત્રીના " વોકલ ફોર લોકલ"ના વિઝનના ઉદાહરણ તરીકે બિરદાવ્યું હતું.

AP/GP/JD

(Release ID: 2008386) Visitor Counter : 102