اودھم پور-کٹھوا-ڈوڈا لوک سبھا حلقہ کے دور دراز علاقوں میں اب تک ”ڈاکٹر آن وہیلز“ کے ذریعہ تقریباً 13,000 دور دراز کے مریضوں کا علاج کیا گیا ہے، جو اپنی نوعیت کا پہلا، جدید ترین، مصنوعی انٹیلی جنس (AI) سے چلنے والا مفت موبائل ٹیلی میڈیسن کلینک ہے۔

یہ بات آج نئی دہلی میں مرکزی وزیر ڈاکٹر جتیندر سنگھ کے ایک میڈیا انٹرویو میں کہی گئی جنہوں نے کہا کہ اس نئے تجربے میں جدید ترین ٹیکنالوجی کے آلات کا استعمال کیا گیا ہے جس کے تحت موبائل ٹیلی میڈیسن کلینک میں آنے والے مریض کی اچھی طرح سے جانچ پڑتال کی جاتی ہے اور پھر حیدرآباد اور بنگلورو جیسے میٹرو کے معروف اسپتالوں میں سے ایک کے متعلقہ سپر اسپیشلسٹ ڈاکٹر سے مشاورت کی جاتی ہے۔ انہوں نے کہا کہ مریض کے معائنے اور نسخہ فراہم کرنے کی یہ پوری مشق تقریباً 45 منٹ میں مکمل ہو جاتی ہے جب کہ اگر مریض کو جسمانی طور پر ہسپتال جانا پڑتا تو اس میں کئی دن لگ سکتے ہیں۔

ڈاکٹر جتیندر سنگھ نے بتایا کہ ’ڈاکٹر آن وہیلز‘ پہل کے مستفیدین میں زیادہ تر خواتین ہیں، ڈاکٹر جتیندر سنگھ نے بتایا کہ ڈوڈہ، ہیرا نگر اور کٹھوعہ بلاور علاقوں میں کل 11,431 مستفید ہونے والوں میں سے 6,643 خواتین تھیں۔

یہی رجحان فی الحال ضلع اودھم پور کے رام نگر بلاک کے بالائی علاقوں میں دور دراز کے ڈوڈو بسنت گڑھ میں چوتھے مرحلے میں نظر آ رہا ہے جہاں 22 پنچایتوں کے تحت 56 گاؤں میں کل 1,452 مستفیدین میں سے 835 خواتین نے مشاورت حاصل کی ہے۔

ڈاکٹر جتیندر سنگھ نے مزید وضاحت کی کہ جہاں مریض کے معائنے اور مشاورت کے پورے عمل پر بہت بھاری لاگت آتی ہے، اس معاملے میں یہ رضاکارانہ ذرائع سے اکٹھے کیے گئے فنڈز کے ذریعے ان کے حلقے میں مریضوں کو مفت فراہم کیا جا رہا ہے۔

ڈاکٹر جتیندر سنگھ نے کہا کہ جدید ترین، مصنوعی ذہانت (AI) کی مدد سے ”آروگیہ-ڈاکٹر آن وہیلز“ ممکنہ طور پر اپنی نوعیت کا پہلا ٹیلی میڈیسن موبائل کلینک ہے۔

انہوں نے کہا کہ اس کی بڑی کامیابی ملک بھر میں دیگر جگہوں پر بھی اسی طرح کے دیگر اقدامات کی حوصلہ افزائی کرے گی۔

ڈاکٹر جتیندر سنگھ نے کہا کہ "آروگیہ ڈاکٹر آن وہیلز" جدید ترین طریقہ کار پر کام کرتا ہے جس میں ایک مریض اپنی بیماری یا شکایت کو اپنی مادری زبان میں بیان کر سکتا ہے اور اے آئی ڈاکٹر اس زبان کو سمجھتا ہے اور اسی زبان میں مریض کو جواب دیتا ہے۔

ڈاکٹر جتیندر سنگھ نے کہا، ٹیلی میڈیسن کی یہ مفت سہولت ’رسائی، دستیابی اور قابل برداشت‘ کے مسائل پر قابو پاتی ہے۔ انہوں نے کہا، اس سہولت کے ذریعے خدمات کا معیار، ماہر ڈاکٹر، سفر کا فاصلہ اور مشاورت/علاج کے اخراجات جیسی رکاوٹوں کو ہدف بنایا جاتا ہے اور ان کو مؤثر طریقے سے حل کیا جاتا ہے۔ عام طور پر، میٹرو ہسپتال میں ایک مریض کو بہت زیادہ لاگت آتی ہے اور اس میں دو سے تین ہفتے کا وقت لگ سکتا ہے۔ انہوں نے کہا کہ اس قسم کا مفت ٹیلی میڈیسن موبائل کیمپ خاص طور پر کمزور سماجی و اقتصادی پس منظر رکھنے والوں کے لیے تمام مسائل کو حل کرتا ہے۔

ڈاکٹر جتیندر سنگھ نے بتایا کہ مریضوں کی سہولت کے لیے تجویز کردہ ادویات بھی مفت فراہم کی جا رہی ہیں اور اس کے علاوہ عام طور پر استعمال ہونے والی ادویات کی کٹ پورے حلقے میں عام طور پر تمام خاندانوں میں مفت تقسیم کی جا رہی ہیں۔

انہوں نے مزید کہا کہ وزیر اعظم کے ڈیجیٹل ہیلتھ مشن اور آیوشمان بھارت سے متاثر یہ جدید ترین سپر اسپیشلٹی موبائل ہسپتال ڈاکٹروں کے ساتھ گھر کی دہلیز پر مشاورت فراہم کر رہا ہے اور اس نے احتیاطی صحت کی دیکھ بھال میں شہری اور دیہی تقسیم کو ختم کرنے میں مدد کی ہے۔

ڈاکٹر جتیندر سنگھ نے بتایا کہ موبائل آروگیہ کلینک فی الحال 17 جنوری 2024 سے چوتھے مرحلے کے تحت اودھم پور کے رام نگر بلاک کے بالائی علاقوں میں ڈوڈو بسنت گڑھ میں چلایا جا رہا ہے۔

ڈاکٹر جتیندر سنگھ، جو کٹھوعہ اور ڈوڈہ اضلاع کا احاطہ کرنے والے اودھم پور پارلیمانی حلقہ کی نمائندگی کرتے ہیں، نے کہا، اس سہولت کے پہلے مرحلے میں ضلع ڈوڈہ کے دور دراز گندوہ علاقے کے 60 سے زیادہ گاؤں شامل ہیں جہاں اس نے تین ماہ گزارے۔ انہوں نے کہا کہ دوسرا مرحلہ بین الاقوامی سرحد کے زیرو لائن دیہات کے ساتھ کیا گیا تھا، اور تیسرا مرحلہ بلاور کے بالائی علاقوں میں منعقد کیا گیا تھا، جہاں اس طرح کی صحت کی سہولیات یا تو دستیاب نہیں ہیں یا ناکافی ہیں۔

مرکزی وزیر نے کہا کہ موبائل ٹیلی میڈیسن سروس، پہلی صحت کی دیکھ بھال کی خدمت جو ڈیجیٹل موڈ کے ذریعے فراہم کی جاتی ہے، جموں و کشمیر میں خالصتاً غیر سرکاری ذرائع سے شمالی ہند اور جنوبی ہند سے تعلق رکھنے والے دو اسٹارٹ اپ گروپس کے ذریعہ فراہم کی جارہی ہے۔

وزیر اعظم جناب نریندر مودی کے منتر – ’سیوا، سمرپن اور اسٹارٹ اپ‘ کی ان مفت ٹیلی میڈیسن موبائل سروسز میں پیروی کی جا رہی ہے جس میں کم سماجی و اقتصادی پس منظر والے لوگوں کے لیے غیر معمولی طبی سہولیات ہیں کیونکہ یہ حکومت غریبوں کے لیے وقف ہے، ڈاکٹر جتیندر سنگھ نے کہا۔

ڈاکٹر جتیندر سنگھ نے مقامی لوگوں سے اس سہولت کا فائدہ اٹھانے کی اپیل کرتے ہوئے کہا کہ اس جدید ترین سپر اسپیشلٹی اسپتال کے ذریعے ڈاکٹر ان کی دہلیز پر پہنچ رہے ہیں۔ انہوں نے کہا کہ ’ڈاکٹر آن وہیلز‘ ایمبولینس جدید ترین ٹیکنالوجی اور نظام سے لیس ہے تاکہ مریضوں کو ملک بھر کے سینیئر ڈاکٹروں سے جوڑ سکے۔

اس بات پر زور دیتے ہوئے کہ ہندوستان آج تکنیکی طور پر سب سے زیادہ ترقی یافتہ ممالک کے برابر ہے، ڈاکٹر جتیندر سنگھ، جو خود ایک مشہور ذیابیطس ماہر ہیں، نے زور دے کر کہا کہ یہ خدمات اسی معیار کی ہیں جو دنیا میں کہیں بھی فراہم کی جاتی ہیں۔ انہوں نے یہ بھی دعویٰ کیا کہ مستقبل میں ٹیلی میڈیسن خدمات کا استعمال کرتے ہوئے جدید روبوٹک سرجری کی جائے گی۔

وزیر موصوف نے کہا کہ وزیر اعظم مودی نے جدید ترین تکنیکی ترقیات کو بروئے کار لاتے ہوئے ملک کے دور دراز علاقوں میں صحت کی سہولیات فراہم کرنے کا پختہ عزم کیا ہے۔ انہوں نے کہا کہ موجودہ اقدام بھی اسی سے متاثر ہے۔

انہوں نے کہا کہ وزیر اعظم مودی کی قیادت میں ہندوستان نے ایک مکمل ڈیجیٹل پلیٹ فارم، کوون (Cowin) کے ذریعے 220 کروڑ کووڈ ویکسین کی خوراکیں دے کر دنیا کو حیران کر دیا۔

                                               **************

ش ح۔ ف ش ع- م ف

17-02-2024

U: 5075