نیشنل سوشل اسسٹنس پروگرام (این ایس اے پی) کی پنشن سکیموں کے تحت پنشن کی رقم کا وقتاً فوقتاً جائزہ لیا جاتا ہے اور اس پر نظر ثانی کی جاتی ہے۔ 15 اگست 1995 کو این ایس اے پی اسکیموں کے نافذ ہونے کے بعد، اس میں 2000، 2007، 2009، 2011 اور 2012 میں نظر ثانی کی گئی۔ 2007 میں، بی پی ایل اور بڑھاپے کی پنشن کے تحت امداد کی شرح سے ’’بے کس‘‘ کے اہلیت کے معیار کو تبدیل کر دیا گیا۔ اسکیم 75 روپے سے بڑھ کر 200 روپے ہوگئی۔ سال 2011 میں، 80 سال یا اس سے زیادہ عمر کے افراد کے لیے بڑھاپے سے کم عمر کی امداد کو بڑھا کر 500 روپے کر دیا گیا۔ 2012 میں، بیوہ اور معذور پنشن اسکیموں کے تحت امداد کی شرح 40-79 سال کی عمر کی بیواؤں اور 18-79 سال کی عمر کے معذور افراد کے لیے 200 روپے سے بڑھا کر 300 روپے کر دی گئی۔

15ویں مالیاتی کمیشن سائیکل (2021-26) کے لیے این ایس اے پی اسکیموں کو جاری رکھنے پر غور کرتے ہوئے، این ایس اے پی اسکیموں کے تحت اہلیت کے معیار اور امداد کی شرح میں نظر ثانی پر بھی حکومت نے غور کیا۔ تاہم، دستیاب مالی وسائل پر غور کرتے ہوئے، حکومت نے این ایس اے پی اسکیم کو اس کی موجودہ شکل میں جاری رکھنے کی منظوری دی۔ تاہم، ریاستوں/ مرکز کے زیر انتظام علاقوں کو مرکزی امداد کے کم از کم برابر رقم فراہم کرنے کی ترغیب دی جاتی ہے۔ فی الحال، ریاستیں/ مرکز کے زیر انتظام علاقے این ایس اے پی کی پنشن سکیموں کے تحت 50 روپے سے 3200 روپے تک کی ٹاپ اپ رقم شامل کر رہے ہیں، اس کے نتیجے میں، این ایس اے پی پنشنرز کو کئی ریاستوں میں اوسطاً 1000 روپے ماہانہ پنشن کے طور پر مل رہے ہیں۔

این ایس اے پی رہنما خطوط ریاستوں / مرکز کے زیر انتظام علاقوں کے ذریعہ ماہانہ بنیاد پر پنشن کی تقسیم کے لئے فراہم کرتے ہیں۔ فی الحال، 27 ریاستیں/ مرکز کے زیر انتظام علاقے ماہانہ بنیادوں پر پنشن تقسیم کرتے ہیں، 3 ریاستیں، یعنی ہماچل پردیش، اتر پردیش اور اتراکھنڈ سہ ماہی بنیادوں پر (پیشگی) پنشن تقسیم کرتی ہیں اور 2 ریاستیں، یعنی اروناچل پردیش اور ناگالینڈ غیر متواتر پنشن تقسیم کرتی ہیں۔ بنیاد ریاستوں/ مرکز کے زیر انتظام علاقوں سے ماہانہ بنیادوں پر پنشن کی تقسیم کی درخواست کی جاتی ہے۔ ریاستوں / مرکز کے زیر انتظام علاقوں کے ذریعہ استفادہ کنندگان کو پنشن کی بروقت تقسیم کو یقینی بنانے کے لیے، تقریباً تمام ریاستوں نے ڈائریکٹ بینیفٹ ٹرانسفر (ڈی بی ٹی) / آدھار پیمنٹ برج (اے پی بی) سسٹم اور پبلک فنانشل مینجمنٹ سسٹم (پی ایف ایم ایس) کے ذریعے پنشن کی تقسیم کو اپنایا ہے۔

یہ جانکاری دیہی ترقی کی مرکزی وزیر مملکت سادھوی نرنجن جیوتی نے آج لوک سبھا میں ایک تحریری جواب میں دی۔

 

******

 

ش ح۔ش ت ۔ م ر

U-NO.4532

(Release ID: 2003284) Visitor Counter : 98