میٹرنیٹی بینیفٹ ایکٹ، 1961، جیسا کہ میٹرنیٹی بینیفٹ (ترمیمی) ایکٹ، 2017 میں ترمیم کیا گیا ایک قانون ہے، جو بچے کی پیدائش سے پہلے اور بعد میں مخصوص مدت کے لیے مخصوص اداروں میں خواتین کی ملازمت کو ریگولیٹ کرنےاور زچگی کے فائدے کی فراہمی اور کچھ دوسرے فوائد ہیں سے متعلق ہے۔

یہ ایکٹ ہر اسٹیبلشمنٹ پر لاگو ہوتا ہے جیسے کوئی فیکٹری، کان یا باغبانی، حکومت سے تعلق رکھنے والا کوئی بھی ادارہ اور ہر اس اسٹیبلشمنٹ پر جس میں لوگ گھڑ سواری، ایکروبیٹک اور دیگر پرفارمنس کے لیے ملازم ہوتے ہیں۔ اور کسی بھی ریاست میں دکانوں اور اداروں کے سلسلے میں فی الحال نافذ العمل کسی قانون کے مفہوم کے اندر، ہر وہ دکان یا ادارہ جس میں دس یا اس سے زیادہ افراد ملازم ہیں یا پچھلے بارہ مہینوں کے کسی دن ملازم رہے ہیں۔

زچگی کے فوائد بھی خواتین کارکنوں کو فراہم کیے جاتے ہیں جو ایمپلائز اسٹیٹ انشورنس (ای ایس آئی) ایکٹ، 1948 کی دفعات کے تحت آتی ہیں۔ میٹرنٹی بینیفٹ ایکٹ کے تحت زچگی کے فوائد کی ادائیگی کی حقدار ہر عورت اس ایکٹ کے تحت اس وقت تک احاطہ کرتی رہے گی جب تک کہ وہ ای ایس آئی ایکٹ 1948 کے تحت زچگی کے فوائد کا دعوی کرنے کی اہل نہیں ہوجاتی۔

پارلیمنٹ نے 28.09.2020 کو سماجی تحفظ کا ضابطہ، 2020 (سی او ایس ایس) منظور کیا۔ یہ ضابطہ مختلف موجودہ سماجی تحفظ کے قوانین کو شامل کرتا ہے جس میں میٹرنٹی بینیفٹ ایکٹ، 1961 شامل ہے۔

یہ ضابطہ ان خواتین کارکنوں کو زچگی کے فوائد بھی فراہم کرتا ہے جو ایمپلائز اسٹیٹ انشورنس (ای ایس آئی) ایکٹ، 1948 کی دفعات کے تحت آتی ہیں، جو اس کوڈ میں شامل کیے گئے ہیں۔ ای ایس آئی اسکیم موسمی فیکٹری کے علاوہ ہر اسٹیبلشمنٹ پر لاگو ہوتی ہے جس میں دس یا زیادہ افراد کام کرتے ہیں۔

سماجی تحفظ کا ضابطہ، 2020، دیگر چیزوں کے ساتھ ساتھ، اس کو فعال کرنے کے لیے دفعات رکھتا ہے کہ وہ پہلے سے غیر منظم شعبے میں کام کرنے والی خواتین کارکنوں کو صحت اور زچگی کے فوائد فراہم کر سکے۔ ضابطہ سماجی تحفظ، 2020 کا سیکشن 45 اور سیکشن 109(1) پہلے سے ہی ان ورکرز کے لیے صحت اور زچگی کے فوائد سمیت فلاحی اسکیموں کی تشکیل کے لیے فراہم کرتا ہے۔

کوڈ کا سیکشن 1(7) رضاکارانہ کوریج بھی فراہم کرتا ہے تاکہ کسی اسٹیبلشمنٹ کو ایمپلائز اسٹیٹ انشورنس (ای ایس آئی) کارپوریشن کے فوائد حاصل کرنے کے قابل بنایا جاسکے۔ یہ ضابطہ ابھی تک نافذ نہیں ہوا ہے۔

یہ جانکاری محنت اور روزگار کے مرکزی وزیر مملکت رامیشور تیلی نے آج لوک سبھا میں ایک تحریری جواب میں دی۔

 

******

ش  ح۔ ش ت ۔ م ر

U-NO. 4448

(Release ID: 2002839) Visitor Counter : 65