تعلیم اور ہنرمندی کی ترقی اورصنعت کاری کے مرکزی وزیر جناب دھرمیندر پردھان نے آج نئی دہلی میں، وزارت تعلیم -اے آئی سی ٹی ای انویسٹر نیٹ ورک‘ کا آغاز کیا۔حکومت ہند کے  محکمہ اعلی تعلیم کے سکریٹری جناب کے-سنجے مورتی؛اےآئی سی ٹی ای کے چیئرمین پروفیسر ٹی جی سیتارام؛ اےآئی سی ٹی ای کے نائب چیئرمین ڈاکٹر ابھے جیرے؛ نیشنل ایجوکیشنل ٹیکنالوجی فورم این بی اے این اے سی کے چیئرمین پروفیسر انیل سہسرابدھے اور دیگر معززین بھی اس تقریب میں موجود تھے۔

نیٹ ورک کے آغاز کے موقع پر خطاب کرتے ہوئے، جناب دھرمیندر پردھان نے اس پہل کو ایک اہم آغاز قرار دیا جو طلباء، فیکلٹی، سرمایہ کاروں اور مارکیٹ کو ایک پلیٹ فارم پر لائے گا تاکہ اختراع کے کلچر کو مضبوط کیا جا سکے اور اسٹارٹ اپ فنڈنگ کے مسئلے کو حل کیا جا سکے۔ انہوں نے مزید کہا کہ قومی تعلیمی پالیسی 2020 کے نظریے کے عین مطابق، یہ اسٹارٹ اپ کے منظر نامے کو مزید متحرک کرنے اور اسٹارٹ اپ اور اختراع میں ہندوستان کو 'نمبر ون  بنانے کے وزیر اعظم جناب نریندر مودی کے وژن کو پورا کرنے کی طرف ایک اور ٹھوس پہل ہے۔

جناب پردھان نے مزید کہا کہ وزارت تعلیم- آ ل انڈیا کونسل فار ٹینیکل ایجوکیشن انویسٹر نیٹ ورک ایک تجارتی طور پر قابل عمل اسٹارٹ اپ کے طور پر خیال پیدا کرنے سے کامیاب گریجویشن تک متحرک اختراع کاروں کے لیے ہمہ جہت سپورٹ ایکو سسٹم کو مضبوط کرے گا۔ انہوں نے کہا کہ صرف سرمایہ کاروں کے کردار سے آگے بڑھ کر سرمایہ دار  رہنما اور شراکت دار کے طور پر بھی کام کر رہے ہیں۔ انہوں نے تمام شراکت داروں اور سرپرستوں کی حوصلہ افزائی کی کہ وہ اسکولوں اور ایچ ای آئی کے کلاس رومز سے نکلنے والے ابھرتے ہوئے آئیڈیاز میں سرمایہ کاری کریں۔  جناب پردھان نے اجاگرکیا کہ وکست بھارت 2047 کے ہدف کو حاصل کرنے کے لیے نہ صرف خیالات اور کاروبار میں سرمایہ کاری کرنا بلکہ قوم کے خوابوں میں بھی سرمایہ کاری کرنا ضروری ہے۔

استقبالیہ خطبہ دیتے ہوئے اے آئی سی ٹی ای کے چیئرمین پروفیسر ٹی جی۔ سیتارام نے کہا کہ اختراع کاروں اور سرمایہ کاروں کے درمیان تعاون جدت طرازی کو آگے بڑھانے،صنعت کاری کو فروغ دینے اور نئے خیالات کو عملی جامہ پہنانے کا ایک اہم پہلو ہے۔ انہوں نے مزید کہا کہ سرمایہ کار نیٹ ورک کے ذریعے اسٹریٹجک شراکت داری نئے خیالات ، ایجادات یا موجودہ مسائل کے حل کی طرف لے جائے گی۔ پروفیسر سیتارام نے یہ بھی بتایا کہ اختراع کاروں اور سرمایہ کاروں کے درمیان کامیاب تعاون کے نتیجے میں پائیدار کاروبار کی  راہ ہموار ہوتی ہے جو صارفین کو قدر فراہم کرتے ہیں، سرمایہ کاروں کے لیے منافع پیدا کرتے ہیں، اور اقتصادی ترقی اور اختراعی ماحولیاتی نظام میں حصہ ڈالتے ہیں۔

مختلف شعبوں کے 50 سے زیادہ سرمایہ کاروں اور صنعت کے رہنماؤں نے نیٹ ورکنگ کے مزید مواقع پیدا کرنےاورشراکت داری کو متحرک کرنے کے لیے لانچ میں شرکت کی جو جدت اور ترقی کو بامعنی رابطوں اور پیشگی اقدامات کو فروغ دیتے ہیں جو سرمایہ کاروں اور اختراع کاروں دونوں کو فائدہ پہنچاتے ہیں۔ سرمایہ کاروں نے جناب  پردھان کے ساتھ  بات چیت پر مبنی اجلاس کا انعقاد کیا اور بصیرت افروز خیالات کا تبادلہ کیا اور تعلیم، ٹیکنالوجی اور اختراع کے مستقبل کے بارے میں قابل قدر بصیرت حاصل کی۔

سرمایہ کاروں کی مؤثر آن بورڈنگ، پالیسی بنانے اورمحکمہ تعلیم-اے آئی سی ٹی ای انویسٹر نیٹ ورک‘ کی اسٹریٹجک آمد کو تیار کرنے کے لیے، ڈاکٹر ابھے جیرے کی صدارت میں ایک 10 رکنی اسٹیئرنگ کمیٹی بھی قائم کی گئی ہے۔ یہ کمیٹی 100 سرمایہ کاروں کو متنوع پروفائلز کے ساتھ شامل کرنے، پالیسی دستاویزات اور ورکنگ گائیڈ لائنز کے مسودے اور تیار کرنے، سرمایہ کاروں کے لیے فنڈنگ کے رہنما خطوط اور پیرامیٹرز بنانے، فنڈ حاصل کرنے والے اسٹارٹ اپس اور اختراع کرنے والوں کے لیے اہلیت کے معیار کی تیاری، نگرانی اور پیشرفت کو ٹریک کرنے کے لیے بنائی گئی ہے۔

ڈاکٹر ابھے جیرے نے پروگرام کے بارے میں جانکاری فراہم کی اور بتایا کہ کس طرح محکمہ تعلیم-اے آئی سی ٹی ای انوسٹر نیٹ ورک‘ سرمایہ کاروں کو اعلیٰ تعلیمی اداروں میں اختراعی خیالات کی حمایت کرنے کے مواقع فراہم کرے گا۔ اختراع کاروں کے ساتھ سرمایہ کاروں کا اشتراک سرمایہ کاری کے بامعنی مواقع تلاش کرنے والے سرمایہ کاروں اور ابھرتے ہوئے طالب علم اور فیکلٹی اسٹارٹ اپس کے درمیان فرق کو ختم کرنے کی صلاحیت رکھتا ہے جو جدت طرازی میں اپنی ترقی کو بڑھانے کی کوشش کر رہے ہیں، ہندوستان میں تعلیم کے شعبے کی مجموعی ترقی میں اپنا حصہ ڈالنے کی راہ ہموار کرتے ہیں۔

محکمہ تعلیم-اے آئی سی ٹی ای انوسٹر نیٹ ورک اے آئی سی ٹی ای اور وزارت تعلیم کے انوویشن سیل (ایم آئی سی) کی طرف سے مشترکہ طور پر قائم کیا گیا ایک اہم اقدام ہے جس کا مقصد تعلیم کے شعبے میں اختراعات اور صنعت کاری کے عمل کو فروغ دینا ہے۔ نیٹ ورک کا مقصد ابتدائی مرحلے کے طالب علم یا فیکلٹی کی زیر قیادت اسٹارٹ اپس کو اہم مالی مدد، رہنمائی، اور اسٹریٹجک رہنمائی فراہم کرنا ہے۔ اس منفرد نیٹ ورک کے ذریعے، وزارت تعلیم طلباء اور فیکلٹی کی زیر قیادت اسٹارٹ اپس میں نجی سرمایہ کاری کی حوصلہ افزائی کرنا چاہتی ہے۔ یہ پلیٹ فارم جدت طرازی اورصنعت کاری کے لیے ایک متحرک ماحولیاتی نظام کی تشکیل کے لیے وزیر اعظم جناب نریندر مودی کے نظریے  سے پوری طرح  ہم آہنگ ہے۔

وزارت تعلیم – اے آئی سی ٹی ای سرمایہ کار نیٹ ورک کا آغاز تعلیمی اداروں کو اختراعی مرکز بننے کے لیے بااختیار بنانے، اسٹارٹ اپ کی ترقی کے لیے سازگار ماحول کو فروغ دینے، اختراعی افکار و تصورات کو توسیع پذیر اور پائیدار کاروباروں میں تبدیل کرکے صنعت کاری کو سہولت فراہم کرنے اور اسٹارٹ اپس کو ضروری وسائل، رہنمائی، ابتدائی سرمایہ اور ممکنہ سرمایہ کاروں  کو فراہم کرنے کے مقصد سے شروع کیا گیا ہے

اس سرمایہ کار نیٹ ورک کا اور مقصد سرمایہ کاروں اور تبدیلی والے تعلیمی اقدامات کے درمیان فرق کو ختم کرنا ، تعلیم اور ٹیکنالوجی کی ترقی کے لیے باہمی  تعاون کو فروغ دیناہے۔

*****

 

ش ح۔ م ع ۔ ج

UNO-4275

(Release ID: 2001511) Visitor Counter : 50