ہندوستانی بحریہ نے سال 2024 کو 'بحری سویلین کا سال' قرار دیا ہے تاکہ ایک مقررہ وقت میں سویلین ایچ آر مینجمنٹ کے تمام پہلوؤں کو حل کرتے ہوئے بحریہ کے شہریوں کی انتظامیہ، کارکردگی اور بہبود کو بہتر بنایا جا سکے۔ 2024 میں نفاذ کے لیے انتظامی کارکردگی، ڈیجیٹل اقدامات، عمومی اور مخصوص تربیتی پروگراموں اور فلاحی سرگرمیوں کی طرف توجہ مرکوز کرنے والے اہم شعبوں کی نشاندہی کی گئی ہے۔

بحریہ کے سویلین پرسنل ہندوستانی بحریہ کی کل افرادی قوت کا تقریباً ایک تہائی حصہ ہیں اور تمام ڈومینز میں اس کی آپریشنل تاثیر میں نمایاںتعاون پیش کرتے ہیں۔ سویلین اہلکار بحری افواج کی مجموعی کارکردگیپر اثراندازہوتے ہیں جن میں کمانڈ ہیڈ کوارٹرز، ڈاک یارڈز،سازو سامان سے متعلق  تنظیمیں، نیول آرمامنٹ ڈپو، نیول آرمامنٹ انسپکٹوریٹس، ٹریننگ اسٹیبلشمنٹس اور کئی دیگر قسم کے معاون یونٹیں شامل ہیں۔

  سویلین عملے کے درمیان تنظیمی کارکردگی اور اطمینان کی سطح کو بڑھانے کے لیے ماضی میں متعدد اقدامات کا تصور اور نفاذ کیا گیا ہے۔ تاہم، یہ ضروری ہے کہ ان کی انتظامیہ، تربیت، فلاح و بہبود وغیرہ کو محرک فراہم کیا جائے تاکہ وہ اس بات کو یقینی بنانے میں مؤثر طریقے سے اپنا تعاون پیش کرسکیں کہ ہندوستانی بحریہ ہمیشہ جنگی اعتبار سے تیار، قابل اعتماد، مربوط اور مستقبل کیثابت قدم رہنے والی فورس بنی رہے۔ 2024 کو ان کے لیے وقف کردہ سال قرار دینا اس سمت میں ایک اہم  قدم ہے۔

*******

 

 

ش ح۔ح ا ۔  م  ص

U-4274

(Release ID: 2001437) Visitor Counter : 109