ایک کسان کے بیٹے، ستنام سنگھ سندھو کا شمار ہندوستان کے معروف ماہرین تعلیم میں ہوتا ہے ۔  تعلیم کے حصول کے لیے جدوجہد کرنے کے بعد، ایک ماہر زراعت سندھو نے 2001 میں موہالی کے لینڈران میں چنڈی گڑھ گروپ آف کالجز (سی جی سی) کی بنیاد رکھ کر اور پھر 2012 میں چنڈی گڑھ یونیورسٹی کے قیام کے ساتھ ایک قدم آگے بڑھ کر عالمی معیار کے تعلیمی ادارے کی تخلیق کو اپنی زندگی کا مشن بنایا ۔  انسٹی ٹیوٹ نے کیو ایس ورلڈ رینکنگ 2023 میں جگہ پائی،  جو کہ ایشیا میں  نجی یونیورسٹیوں  کے درمیان پہلا تھا۔  ابتدائی زندگی میں درپیش مشکلات نے چنڈی گڑھ یونیورسٹی کے چانسلر سندھو کو بھی ایک کٹر انسان دوست بنتے دیکھا ہے جس نے معیاری تعلیم کے حصول کے لیے لاکھوں طلباء کی مالی مدد کی ہے ۔

وہ اپنی دو این جی اوز 'انڈین مائنارٹیز فاؤنڈیشن' اور نیو انڈیا ڈیولپمنٹ (این آئی ڈی) فاؤنڈیشن کے ذریعے صحت اور تندرستی کو بہتر بنانے اور فرقہ وارانہ ہم آہنگی کو آگے بڑھانے کے لیے بڑے پیمانے پر کمیونٹی کی کوششوں میں سرگرم عمل ہیں  ۔   انہوں نے اندرون ملک قومی یکجہتی کے لیے اپنی کوششوں سے ایک مثال قائم کی ہے اور بیرون ملک مقیم افراد کے ساتھ بڑے پیمانے پر کام کیا ہے ۔

*************

ش ح     ۔    ش م  ۔     ت ح

U- 4166