আয়ুশ অমসুং পোর্তস, শিপ্পিং এন্দ ৱাতরৱেজকী কেন্দ্র মন্ত্রী, শ্রী সর্বানন্দ সোনোৱালনা অসামগী মুখ্য মন্ত্রী, দা. হিমন্তা বিশ্বা শর্মগা লোয়ননা ঙসি দিব্রুগরগী দিহিং খামতিঘত্তা ফমুং 100 লৈবা য়োগ এন্দ নেচরোপেথী হোস্পিতাল অমগা লোয়ননা সেন্ত্রেল রিসর্চ ইন্সতিত্যুত ওফ য়োগ এন্দ নেচরোপেথী (CRIYN)গী উরেপ উয়ুং তমখ্রে।

ইন্সতিত্যুত অসি য়োগ অমদি নেচরোপেথীগী ত্রেদিনেস্নেল নোলেজ অমসুং তেক্নোলোজীগী মোর্দন তুলশিংগী মরক্তা সাইন্তিফিক ওইনা চৎনবা য়াবা অমসুং কান্নরবা শিনরী অমা পুরক্নবা পান্দমগা লোয়ননা লুপা করোর 100 রোমগী ইনভেস্তমেন্তদা লম একর 15 (বিঘা 45)গী ময়াদা শাগনি। মসিনা এজুকেসন, প্রিভেন্তিব হেল্থকিয়র অআমসুং য়োগ অমদি নেচরোপেথীগী লমদা রিসর্চ তৌবদা বেঞ্চমার্ক স্তেন্দর্সশিং থম্বা ঙমহনগনি। স্তেৎ-ওফ-দি-আর্ত ইন্সতিত্যুত অসিনা য়োগ অমসুং নেচরোপেথীদা গ্লোবেল প্রমোসন অমসুং রিসর্চ তৌনবগী ইন্তর্নেস্নেল কোল্লাবোরেসন সেন্তর ওইনা মথৌ তৌবগী মথক্তা ইভিদেন্স-বেজ রিসর্চকী খুত্থাংদা মেদিসিন অমসুং প্রেক্তিসশিংগী ত্রেদিস্নেল সিস্তেমগী ফন্দামেন্তেল এস্পেক্তশিং, সাইন্তিফিক ভেলিদেসনদা মীৎয়েং থমগনি। য়োগ অমসুং ৱেলনেস সেক্তরগী লমদা স্তার্তঅপশিংগী ওইনা ইন্সতিত্যুত অসিনা ইনক্যুবেসন সেন্তরশিং ওইনা মথৌ তৌরগনি।

থৌরম অসিদা ৱা ঙাংলদুনা শ্রী সর্বানন্দ সোনোৱলনা হায়খি, “প্রধান মন্ত্রী শ্রী নরেন্দ্র মোদীজীগী মীৎয়েং শান্না উবা ঙম্বা লমজিং মখাদা আয়ুশকী ইহৌ অসি চাউনা শাহৌ ফংখি মরমদি মসিনা গ্লোবেল ৱেলনেস মুফমেন্তগীদমক অনৌবা শক্তি ওইরকখি। ঙসি ঐখোয়না দিব্রুগরদা ফমুং 100 থাবা হোস্পিতালগা লোয়ননা অহানবা সেন্তর রিসর্চ ইন্সতিত্যুত ওফ য়োগ এন্দ নেচরোপেথীগী উরেপ-উয়ুং তমখ্রে। ইনাক খুল্লবা ফোরা অমসুং ফৌনা শীজিন্নদুনা অমসুং আয়ুশ সেক্তর পাকথোক চাউথোকহন্নবা লোয়ননা হোস্পিতেলিতী, পেসেন্ত কিয়র লোয়ননা মেদিকেল তুরিজমদা পেরিফেরেল গ্রোথ লৈহন্দুনা মসি অসাম অমসুং অৱাং নোংপিক অপুনববু শক্তি পীনা মোদীজীগী খুদম অমনি। মহৌশা ইমানা ঐখোয়দা মাগী ফজবনা থৌজালবীরি অমসুং মসিনা থংনবা রিজন খক্তা নত্তনা সাউথ এসিয়া রিজনগী মীয়ামগীদমক লায়েংবদা চাউনা মতেং পাংগনি লোয়ননা য়োগ, নেচরোপেথী, আয়ুর্বেদ অমসুং হীদাক লাংথক্কী অতৈ ত্রেদিস্নেল মওংশিংগী খুত্থাংদা রিজুবনেৎ তৌরবা অমসুং সাইন্তিফিকেল্লী ভেলিদেৎ তৌরবা ত্রীৎমেন্ত রেজিম ফংহল্লি।

ইন্সতিত্যুত অসিনা কার্দেক রিহেবিলিতেসন, দাইবেতিস রিহেবিলিতেসন, ওতোইম্ম্যুন দিজিজেস অমসুং NCD  রিস্ক হন্থহবা লমশিং অসিদা কেপাসিতী বিল্দিং প্রোগ্রামশিংগীদমক য়োগ অমসুং নেচরোপেথী এক্সপর্তশিং ত্রেন তৌনবা ক্লিনিকেল ত্রেনিং ফেসিলিতীশিংসু পীগনি। য়োগ অমসুং নেচরোপেথীগী প্রোতোকলশিংদা রিসর্চ অমসুং দিবেলপমেন্ত তৌবগা লোয়ননা CRIYNনা কনভেন্সনেল কিয়রগা লোয়ননা ইন্তিগ্রেৎ তৌগদবা NCDশিংগী মেনেজমেন্তগী ইভিদেন্স-বেজ প্রোতোকলশিং দিবেলপ তৌখি মসিনা পেসেন্ত কিয়রগী ইন্তিগ্রেতেদ মেদিসিন এপ্রোচ অমা রিইনফোর্স তৌগনি। হোস্পিতাল অসিনা পুন্সি ফগৎহন্নবা অমসুং ক্বালিতী লৈহন্নবা য়োগা অমসুং নচেরোপেথী প্রোতোকলশিংগা লোয়ননা ইনপেসেন্ত সর্ভিসশিংসু পীরগনি।”

থৌরম অসিদা ৱা ঙাংলদুনা দা. হিমন্তা বিশ্বা শর্মনা হায়খি, “প্রধান মন্ত্রী নরেন্দ্র মোদীজীগী মীৎয়েং  শানবা লুচিং মখাদা কেন্দ্র সরকারনা আত্মনির্ভর ভারত ওইনবগী বিজনদা মপাঙ্গল হেন্না কনখৎহন্দুনা সেন্ত্রেল ইন্সতিত্যুসন অমগী মতুংদা অমা হাপচিন্দুনা চাউনা সপ্পোর্ত পীরি। অহৌবদা এম্সগুম্বা ইন্সতিত্যুসনশিং, অসামগী জিলা খুদিংমক্তা মেদিকেল কোলেজশিং, অসাম শিনবা থুংবদা অনৌবা আয়ুশ হোসপিতালশিংগা লোয়ননা আয়ুশ সিস্তেমগী অনা লায়েং মপাঙ্গল কনখৎহনবা অমসুং অতৈ প্রোগ্রেসিব ওইবা খোঙথাং কয়ানা রাজ্য অসিদা মেদিকেল ইনফ্রাস্ত্রকচর মপাঙ্গল কনখৎহনখি। নচরোপেথী অমসুং য়োগ অসি আয়ুশকী মরু ওইবা ভর্তিকেল অনিনি মসিনা নখোয়গী অনাবা লায়েংবা খক্তা নত্তনা শীংনবা খুদিংমক থেংননবা অমসুং হকচাং ফবা পুন্সি অমা হিংনবগীদমক পুক্নিং ৱাখল অমদি হকচাংদা শক্তি পীরি। য়োগ অমসুং নেচরোপেথীগী সহোস্পিতাল অমসুং রিসর্চ সেন্তর অসিনা অসামগী মীয়াম লোয়ননা থংনবা রিজনগী মীয়ামদা কান্নবা কয়ামরুম পীরগনি।”

থৌরম অসিদা পেত্রোলিয়ন এন্দ নেচরেল গ্যাস, লেবর অমসুং এমপ্লোইমেন্তগী কেন্দ্রগী রাজ্য মন্ত্রী, রামেশ্বর তেলি; হকশেল অমসুং য়াইফ য়ুম্বালগী অসামগী মন্ত্রী, কেশবব মহন্তা; ইন্দস্ত্রী এন্দ কম্মর্স অমসুং কলচরগী মন্ত্রী, বিমল বোরাহ; দিব্রুগরগী MLA অমসুং অসাম ইন্দস্ত্রিএল দিবেলপমেন্ত কাউন্সিল (AIDC)গী চিয়রমেন, প্রসন্তা ফুকন; মোরনগী MLA, চক্রধার গোগোই, দুলিয়াজনগী MLA, তেরাশ গোৱল্লা; ; লাহোৱলগী MLA, বিনোদ হজারিকা; চাবুৱাগী MLA, পোনাকন বারুৱা; নহারিকাতিয়াগী MLA, তরঙ্গা গোগোই অমদি আয়ুশ মন্ত্রালয় লোয়ননা অসাম সরকারগী মকোক থোংবা ওফিসিএলশিংনা শরুক য়াখি।

হোস্পিতাল অসিনা ইনপেসেন্ত, আউৎপেসেন্ত অমসুং দে কিয়র সর্ভিসেস ফংহনগনি। ইন্সিতিত্যুত অসিনা নেচরোপেথী দাইৎ  অমসুং ন্যুত্রিসন, য়োগা থেরাপী, মসাস অমসুং মেনিপ্যুলেতিব থেরাপীশিং, এক্যুপ্রেসর, এক্যুপংচর, ক্রোমোথেরপী, মেগনেতো থেরাপী, জিসিওথেরাপী অমসুং হাইদ্রোথেরাপীগী লায়েংশিং ফংহল্লি। মসিমা ওবেসিতী, মেতাবোলিক সিন্দ্রোম, দাইবেতিস, CVD, স্ত্রোক, আস্মা, COPD, মাইগ্রেন, IBS, IBD, অর্থরাইতিস, ওতোইম্ম্যুন দিজিজ, কেন্সর, ন্যরোদিজিনরেতিব দিজিজশিং নীংথিনা লাকহনবদা পেসেন্তশিংগী মতেং পাংগনি।

*****