نوجوانوں کے امور اور کھیلوں کے مرکزی وزیر جناب انوراگ سنگھ ٹھاکر نے یوم جمہوریہ کے موقع پر نئی دہلی میںیوم جمہوریہ کی تقریبات میں حکومت ہند کی طرف سے خصوصی مہمانوں کے طور پر مدعو کھیلوں کے چیمپئنس سے بات چیت کی۔

اس موقع پر خطاب کرتے ہوئے جناب انوراگ سنگھ ٹھاکر نے کہا کہ ہندوستان ہر سمت میں آگے بڑھ رہا ہے اور ہندوستان کی معیشت دنیا کی پانچویں بڑی معیشت بن گئی ہے۔ انہوں نے یہ بھی کہا کہ وزیر اعظم جناب نریندر مودی کی قیادت میں ہندوستان اگلے پانچ سال میں تیسری سب سے بڑی معیشت بن جائے گا۔ انہوں نے مزید کہا کہ کھلاڑیوں کی کہانیاں بہت متاثر کن ہیں اور کھلاڑیوں کی کامیابی کی کہانیاں دوسرے کھلاڑیوں کو متاثر کرتی ہیں۔

انہوں نے کہا کہ ہندوستان نے سیکورٹی کے معاملے میں خود کو کافی مضبوط کیا ہے اور کھلاڑیوں کے تعاون کی وجہ سے ہندوستان نے اپنی سافٹ پاور کو بھی مضبوط کیا ہے۔ انہوں نے صدر جمہوریہ ہند اور وزیر اعظم جناب نریندر مودی کی دعوت پر یوم جمہوریہ کی تقریبات میں مہمانوں کے طور پر آنے کے لئے کھلاڑیوں کا شکریہ بھی ادا کیا۔

بات چیت میں حصہ لینے والے کھلاڑیوں نے مرکزی وزیر اور حکومت ہند کا شکریہ ادا کیا کہ انہوں نے انہیں کل کرتویہ پتھ پر یوم جمہوریہ کی تقریبات کا حصہ بننے کی دعوت دی۔

ٹیلی ویژن پر یوم جمہوریہ کی تقریبات دیکھنے سے لے کر حقیقت میں اس کا مشاہدہ کرنے تک ہندوستانی مکے باز جناب گورو بھدوری نے اپنے سفر کے بارے میں بات کرتے ہوئے کہا کہ وہ اس یوم جمہوریہ کی تقریب کا حصہ بننے کے لیے بہت پرجوش ہیں۔ انھوں نے حکومت ہند کا شکریہ ادا کیا کہ اس نے ان کے بچپن کے خواب کو پورا کرنے میں مدد کی۔

ہندوستانی پیرا اولمپیئن اور شوٹر جناب سنگھ راج ادھانا نے شوٹر ہونے کے بارے میں اپنے سفر کا اشتراک کیا اور ٹی او پی ایس اور کھیلو انڈیا پروگرام کی تعریف کی جو پورے ہندوستان کے کھلاڑیوں کے لیے کھیلوں میں اپنی صلاحیتوں کے ادراک کو ممکن بنا رہا ہے۔

کل 12 کھلاڑیوں کو یوم جمہوریہ کی تقریب میں بطور مہمان خصوصی مدعو کیا گیا ہے۔

۔۔۔۔۔۔۔۔۔۔۔

ش ح۔م ع۔ن ا۔

U-4051

                          

(Release ID: 1999769)