পুম্নমক্কী মফমদা নমস্কার!

ঐখোয়না নুমিৎ নিনিগী মতুংদা রিপব্লিক ওইবগী 75শুবা চহিদা খোঙদাবা মতমদা, মফমসিদা চঙজবা মতমদা, ঐহাক্না ঐখোয়গী সংবিধানগী মকোক থোংবা আর্তকিতেক্ত দাঃ বি.আর. অম্বেদকরগী মফমদা কোক নোঞ্জবা মতমদা ঐহাকসে থৌজানবীরে হায়না খঞ্জৈ। মহাক অসি ঐখোয়গী ওইনদি য়াম্না মরু ওইবা মীশক অমনি। মহাক্না ভারতকী সংবিধানগী মকোক থোংবা আর্কিতেক্ত অমা ওইবতা নত্তনা, মহাক্না থাক অসিদা য়ৌরকখিবা অসি লায়না য়ৌরকখিবদি নত্তে। মসিদি য়াম্না লুবা খোঙচৎ অমনি। মহাক্না খুদোংচাদবা ক্যা মাইয়োক্নখি।

ঐহাক্না ইং 1989দা পার্লিয়ামেন্তকী মেম্বর ওইখিবা মতমদা, মতমদু ঐখোয়না সংবিধানবু ইন্দুনা চৎলবা মতুংদগী শাংলবা মতম অমসু ওইরিবনি, ঐহাক্না ভারত রত্না পীখ্রবা মীয়ামগী পরিংদা য়েংজখি। দাঃ অম্বেদকরদি মখোয়গী মরক্তা য়াওরমদে। অদুবু মতমদুগী সরকারনা মহাক্কী মফমদা ইং1990দা ভারত রত্না পীখি। মরম অদুনা, দাঃ অম্বেদকরগী মফমদা ভারত রত্না পীদুনা লৈবাক্কী খ্বাইদগী অথোইবা মচানুপাবু মতিক চানা ইকায় খুম্নখিবা মতমদুগী সরকার অমসুং পার্লিয়ামেন্ত অদুগী শরুক অমা ওইখিবদু ঐহাক্কী লাইবক ফবনি হায়না লৌজৈ। ভারত রত্না অসি মহাক্কী মফমদা মদুদগীসু হেন্না ঙন্না পীফম থোকপনি।

চপ মান্নবা হীরম ওইনা, ইকায় খুম্নরবা মন্ত্রীনসু তাকপীখ্রে, বিহার লমদমদগী অথোইবা মচানুপা অমদসু চপ মান্নবা ইকায় খুম্নবা উৎখ্রে। মহাক অসিদি শ্রী কর্পুরী থাকুরজীনি। শক্নাইরবা মীওই অনি অসিগী মফমদা, মখোয়না লৈখিদ্রবা মতুংদা ভারত রত্না পীখি, লৈবাক্কী মীচম মীয়ামদা পীবা খ্বাইদগী থাক ৱাংবা মনা অমা পীখ্রে।

ঐখোয়না অমৃত কাল অসিবু ঐখোয়বু চাউথোকচবা ভারত মচা ওইহনখিবা মীওইশিংবু নীংশিংবগী য়াইফরবা মতম অমা ওইনা শিজিন্নরি। ঐখোয়না ঙরাং পরাক্রম দিবস পাংথোকখি, নেতাজীনা তম্লম্বা শরুকপু নীংশিংবদা ঐখোয়না মতম য়াম্না লৌখ্রে, অদুবু হৌখিবা দিকেদ অসিদা নেতাজীগী মফমদা হীরম কয়াদা অচুম্বা ৱায়েল অমা পীখিবসি য়াম্না নুংঙাইবা ৱাফম অমা ওইরি। ইকায় খুম্ননীংঙাই ওইরবা প্রধান মন্ত্রীনা অন্দমান অমসুং নিকোবর ইথত্তা চৎখি, নেতাজীগী লান্মীবু নীংশিংবা ওইনা ইথৎ 75কী মমিং থোনখি। ঐখোয়গী নিংতম অথৌবশিংবু নীংশিংবগী পাম্বৈ ওইরিবা লানবন অদুদা প্রধান মন্ত্রীনা চৎখি। পরিং অসি য়াম্না শাংই, অদুবু ঐখোয়গী নহাশিংনা পুম্নমকপু দিজিত অমগী মশিংগুম্না নীংশিংলি। ঐখোয়না ভারতপু নৌনা অমুক ফংজরে, ঐখোয়না নবেম্বর 15বু ভগ্বান বির্সা মুন্দাবু নীংশিংদুনা জঞ্জাতিয় গৌরব দিবস হায়না পালন তৌরি।

ঐখোয়না ভারতপু মালেমগী ফম্বাক্তা থম্লিবা মতৌ অসিদা অমুক্তা য়েংসি। য়োগ হায়বসি ঐখোয়না চহি লিশিং কয়াদগী চৎনদুনা লাক্লবা পথাপ অমনি, মালেমগী খুন্নাইগী শরুক তরুক থোকপগী অমা লৈরিবা ঐখোয়গী লৈবাক্কী প্রধান মন্ত্রীনা জুন 21বু মালেমগী য়োগ নুমিৎ হায়না পাংথোকসি হায়না য়ুনাইতেদ নেসন্সকী মফমদা ৱাহৌদোক থমদুনা মালেমগী কাচিন কোয়া খুদিংদা য়োগ করিনো হায়বা খঙহনখি। মসিদা মালেমগী লৈবাক কয়ানা শৌগৎনখি। ঐহাকসু জবলপুরদা লৈবাক্কী থাক্তা পাংথোকখিবা য়োগগী থৌরমদা শরুক য়াজখি। ওগস্ত 23, 2023দা চন্দ্রয়ান-3না থাগী সাউথ পোলদা তাদুনা মশক থোকপা মায় পাকপা অমা ফংখি। থৌওং অসিদা জেন্দর অনিমক্কী মীওইশিংনা মশাগী শরুক তমদুনা মায় পাকপা অসিবু ওইথোকহনখি।

অতোপ্পা মশক থোকপা নুমিৎ অমদা অমুক য়েংসি। মীওইবা খুন্নাইগী তংখাই ওইরিবা ঐখোয়গী ইচে-ইচল, ইমা ইবেলশিংগী মফমদা অচুম্বা ৱায়েল অমসু পীখ্রে। মখোয় অসি লৈঙাকপদা শরুক য়াফম থোকই হায়না দাঃ অম্বেদকরজীনা হায়বীরম্বা লৈরবনি। মতম কুইনা ঙাইরক্লবা মতুংদা, সেপ্তেম্বর 28, 2023 অমসুং সেপ্তেম্বর 21, 2023 অসিদা পুৱারী ওইরবা নারি শক্তি বন্ধন বিলবু পার্লিয়ামেন্তকী হাউস অনিমক্না অয়াবা পীখি।

ঐখোয়গী সংবিধানগী য়াংলেন শরুগী মপাঙ্গল য়াম্না লৈ। ঐখোয়গী সংবিধান্না ঐখোয়দা অরুবা তেররেন, রেকোর্দ কয়া মাইয়োক্নবা ঙমহন্দুনা ৱারীনগদবা চাউখৎ থৌরাং পাংথোকপা ঙমহল্লি। ঐখোয়গী সংবিধানগী খোঙচত্তা য়েংলুবা মতমদা ঐখোয়না য়াম্না মম্বা তাঙ্কক অমা মাইয়োক্নখি, মসিগী তাঙ্কক অসি অমুক হন্না লাকহনবা য়াদে। মীওই অমবু হ্যুমেন রাইত অমত্তা পীদবা, মীওই লিশিং কয়াবু জেলদা হেক্তা থমজিনবগী হক লৈবা পথাপ অমত্তা লৈতে। ঐহাক্না হায়রিবসি ইমর্জেন্সী লাউথোকখিবগী থৌওং অদুবুনি। মতমদুগী রাস্ত্রপতিনা মদুগী খুৎয়েক পীখিবা মতমদা মহাক্কী মফমদা শক্তি কয়া য়াম্না লৈরমগনি হায়বসি ঐহাক্না নহা ওইরিবা নুপীমচা অমসুং নুপামচাশিংনা খঙবা পাম্মি। মসি করম্না থোকখ্রিবনো? রাস্ত্রপতি হায়বসিদি কাউন্সিল ওফ মিনিস্তরগী পাউতাক্না পীবনি হায়বসি ঐখোয়গী সংবিধান্না ময়েক শেংনা তাক্লি। মসিদি ঐখোয়গী সংবিধানগী পুৱারীগী খ্বাইদগী মম্বা মতম্নি, মসিনা ঐখোয়গী চহি 5000কী সিভিলাইজেসন অসিদা অমোৎপা দাক অমা তাহনখিবনি।

মসিগী চহি 75কী খোঙচৎ, অদুগা মদুদগী মতম খরগী মমাংদা...হায়বদি, ওগস্ত 14 গী অহিং নোংয়াই অমসুং 15দা ঐখোয়না ঐখোয়গী লাইবক্কা মাইয়োক্ননা লেপখি। ঐখোয়গী পার্লিয়ামেন্তনা অহিং নোংয়াইদা উন্নখি, খ্বাইদগী অহানবা প্রধান মন্ত্রীনা ঐখোয়গী খোঙচৎ হৌদোকখিবা ৱারোল অমা থমখি। মদুগী মতুংদা, ঐখোয়না তোঙানবা মখলগী লাইবক অমগা অমুক থেংনখি। মসিদি ঐখোয়গী কারবার অমসুং লৈঙাকপগী থৌওংবু হোংহনখিবা ‘মোদর্নিতীগা থেংনবা’ হায়বসিনি। মসিসু অহিং নোংয়াইদা থোকখিবনি। মসিনা জুন 30 অমসুং জুলাই 1, 2017গী ময়াইদা থোকখিবনি। ঐহাক্কী চান্নবা মরুপ অমসুং লৈবাক্কী অফবা মচানুপা, শ্রী অরুন জৈতলী অসি ঐখোয়গী মরক্তা ঙসিদি লৈত্রে, অদুবু মহাক্না নুমিৎ অসিগীদমক্তা য়াম্না কন্না হোৎনজখি। লৈবাক্কী প্রধান মন্ত্রী অমসুং রাস্ত্রপতিসু শরুক য়াদুনা, মালেমগী খ্বাইদগী চাউবা অমসুং খ্বাইদগী শাফু কনবা ত্রান্সফোর্মেস্নেল তেক্স রেজিম, GST চৎনবা হৌহনখি। মসিগী অহিং নোংয়াই অসিদা ঐখোয়না মোদর্নিতীগা থেংনখি।

ঐখোয়না ক্রিতিসিজমগী মাইয়োক্তা কৈদৌনুংদা লৈরোইদবনি। মসিনা ঐখোয়বু তেংবাংলিবনি, মসিদি পোজিতিব ওইবা অমসুং ঐখোয়দা শক্তি পীবা থৌওং অমনি। ৱাখল য়াওদনা হেক্তা য়েৎপা হায়বসি তৌরোইদবনি। GSTনা ঙসিদি কয়াদা কান্নবা পীরে হায়বা অমুক্তা য়েংসি। ঐখোয়না থাগী খুদিংদা রেকোর্দ ওইবা কল্লেক্সন তৌরক্লিবা অসিদা ঐখোয়না মসিগীদমক্তা চাউথোকচরে। গুদ অমসুং সর্ভিস তেক্স হায়বসি তসেংনা গুদ অমসুং সিম্পল তেক্স ওইরে।

মরুপশিং,

লাইবক্কা থেংনবা, মোদর্নিতীগা থেংনবা...অদুগা ঐখোয়না জনুৱারী 22, 2024দা দিভিনিতীগা অমুক থেংনরে। নুমিৎ অসিদি লৈবাক অসিগী পুৱারীদা মরম কয়া অমগা লোয়ননা মতম পুম্বদা লৈহৌরগনি।

অয়োধ্যাদা পাংথোকখিবা রামলল্লাবু মীয়ামদা খুৎশিন্নবগী থৌদোক্না ৱাফম অহুম মরু ওইনা তাক্লি। অমা, লৈবাক অসিনা আইনগী কাঙলোন্দা থাজবা থম্মি। রাম লল্লা লাইশঙ শাবগী খোঙচৎ অসিনা লৈবাক্কী মীওই মিলিয়ন কয়াগী মবুক্নিং নুংঙাইহনখিদে। মীরমদা লৈবা কয়া অমসু য়াওরি। নুমিৎ খুদিং নুংঙাইখিদবা ঙাক্তনি। অদুবু, গান্ধী অমসুং বুদ্ধগী লমদম, চহি লিশিং কয়াগী সিভিলাইজেসন লৈবা লমদম অসি আইনগী মখাদা শেমখিবনি, য়াম্না মায় পাকপা অমসু ওইরিবনি।

অনিশুবা, ঐখোয়গী সংবিধান শেমখিবা মীওইশিংগী ৱাখল্লোন্দা ঐহাক্না মিৎয়েং চঙখি। কনস্তিত্বেন্ত এসেমব্লীগী মেম্বরশিংনা খুৎয়েক পীদুনা শেমখিবা সংবিধান অসি ঐখোয়গী নহা ওইরিবা নুপীমচা অমসুং নুপামচাশিংনা নীংথিনা খঙদবা অসিদা ঐহাক্না নুংঙাইতবা ফাওই। ঐহাক্না হীরম অসিগী মতাংদা লো মন্ত্রীগী মফমদা করিগুম্বা খরা ৱাকৎচনীংই। ইকায়খুম্ননীংঙাই ওইরবা মন্ত্রী অদোম্না ঙসিগী দোক্যুমেন্ত অদু খেন্ননা উগনি। মদুদা মিনিএচর 22 য়াওই। মখোয়শিং অদুদি ভারতকী সংবিধানগী পার্ত খুদিংগী মথক্তা য়াম্না ৱাখল লৈনা হাপ্লি। হীরমশিং অদু পনবা অতেনবা ফিল্ম অমা য়েংবা মতমদা সোম্নাথকী য়ুম্বী য়াওবা শরুক অমা থেংনগনি। অদোম্না অহানবা অমসুং অনিশুবা শরুক্তা য়েংবা মতমদা, মদুনা ঐখোয়গী গুরুকুল অমসুং অরিবা সিভিলাইজেসনগী শক্তম তাকপগী মতৌ অদোম্না উবা ফংগনি।

অহুমশুবা শরুক অসিগা ফন্দামেন্তেল রাইতকা মরী লৈনৈ। ফন্দামেন্তেল রাইত হায়বসি ঐখোয়গী গনতন্ত্রগী চঙদবা য়াদবা মচল অমনি। মসিদি দিমোক্রেতিক ভেল্যুগী তৎন-থানবা য়াদ্রবা মায়থোং অমনি। অদোম্না ফন্দামেন্তেল রাইত লৈত্রবদি অদোম্না গনতন্ত্রা চৎপা পথাপ অমগী মনুংদা লৈ হায়বা য়ারোই। ইমর্জেন্সীগী মতম্না খ্বাইদগী মম্বা মতম ওইখিবগী মরমদি মতমদুদা ফন্দামেন্তেল রাইতপু মৎপীখিবা অদুননি। মদুগী শরুক অদুদা, অদোম্না রাম ,সিতা অমসুং লক্ষমন্না অয়োধ্যাদা হল্লকখিবগী মিনিএচর শক্তম অমা উবা ফংগনি।

ঐখোয়গী সংবিধানবু শেম্বীরম্বা মীওইশিংনা ঐখোয়গী চৎনবীগী মরু ওইবা নীংথিনা খঙখি। ঐখোয়না পার্ত-4, দাইরেক্তিব প্রিন্সিপল ওফ স্তেত পোলিসীদা চঙলুবা মতমদা, মদুদা ভগ্বান শ্রী কৃষ্ণনা কুরুক্ষেত্রগী লানফমদা অর্জুনগী মফমদা পাউতাক পীবগী মিনিএচর উগনি। মসিদি অদোম্না খঙলবনি। অদুবু অদোম্না মসি উবা ফংদনা লাকখি, মরমদি, মসি লাইরিক অদুগী শরুক অমা ওইদে। সংবিধান অসি মদুগী ওথেন্তিক ওইবা মওংদা ফংহন্নবা হোৎনবীয়ু হায়না ঐহাক্না ইকায়খুম্ননীংঙাই ওইরবা মন্ত্রীগী মফমদা থমজবা পামজৈ। ঐখোয়গী লময়ানবা ইপা ইপুশিংনা শেম্বীরম্বা অমসুং সংবিধানগী মখা পোন্না এমেন্দ তৌরবা সংবিধান অদুফা মখা তাবা ওইনা মিনিএচর 22 য়াওগনি।

ঐখোয়না ইশাগী ফন্দামেন্তেল রাইত অমসুং ফন্দামেন্তেল দ্যুতী খক্তা নত্তনা, ঐখোয়না হীরম অমা হেক্তগী মতাংদা চেকশিনবা তারি। ঐখোয়না অফবা নাগ্রিক অমা ওইবগী মতম অদু হৌজিক অসি ওইরবনি। ঐহাক্তি মদুগুম্বা মিৎয়েং অদুমক য়েংই, মীওই অমনা মশাগী তৌফম থোকপা ওইনা করি তৌগদগে হায়না ঐহাক্না মীপুম খুদিংদা হংজনীংই। নৌনা হাপচিল্লবা অনৌবা পার্ত – পার্ত 4A – ফন্দামেন্তেল দ্যুতীগী মতাংদা মীপুম খুদিংনা নৈনফম থোকই। মসি পাবীয়ু, মসিদা দ্যুতী 11 য়াওরি। হায়রিবশিং অসি ঐখোয়গী নুংতিগী পুন্সিদা মথৌ তাই হায়বা অদোম্না খঙবা ঙম্লক্কনি। মসি পাংথোক্লবা মতুংদা ঐখোয়না কোক ৱাংনা থাংত্তুনা হিংবা ভারত মচা অমা ওইগদৌরিবনি।

ভারত মচা অমা ওইবা হায়বসিনা ঐখোয়গী শক্তাক্নি। ঐখোয়দি অথোইবা লৈবাক অসিগী নাগ্রিক্নি। মসিগী থাজদবা মওংদা চাউখৎলকপগী মতৌনা ঐখোয়বু লাকহৎলি। মালেম্না অঙকপা ফাওরে, মালেম্না ভারতকী শক্তিবু শকখঙলে। মালেমগী ইন্সতিত্যুসনশিংনা ভারত অসি ঙসিদি মালেমগী খ্বাইদগী খোঙজেল য়াঙনা শাহৌ লৌবা শেন্মিৎলোন অমা ওইরে হায়নরিবনি।

ঙসিদি, মরুপশিং, ঐখোয়না মালেমগী খ্বাইদগী মঙাশুবা চাউবা শেন্মিৎলোন অমা ওইরে। ঐখোয়না কেনাদা, ফ্রান্স, য়ু.কে.দগী মাঙজিল থারে...অদুগা মথংগী চহি অনি অহুমগী মতুংদা ঐখোয়না জর্মনী অমসুং জাপান্দগী হেন্দুনা মালেমগী খ্বাইদগী অহুমশুবা চাউবা শেন্মিৎলোন অমা ওইরগনি।

ঐখোয়গী সংবিধান্না ঐখোয়গী মফমদা হীরম খুদিংমক পীবিরি। একজেক্যুতিব, লেজিস্লেচর অমসুং জুদিসিএরী হায়রিবা ইন্সতিত্যুসন অসিনা মখোয়গী অকক্নবা মনুংদা লৈদুনা নীংথিনা মথৌ তৌরবদি, তেলেন্ত য়াম্না লৈরিবা ভারত মচাশিংনা পাংথোকপা ঙম্লোইদবা থবক অমত্তা লৈরোই।

লুপশিং অসিবু লুচিংদুনা মথৌ তৌরিবা খ্বাইদগী হৈথোই শিংথোইবা মীওই কয়া লৈরিবা অসি ঐখোয়গী লাইবক ফবনি হায়না ঐহাক্না ফম্বাক অসিদগী থমজরি। একজেক্যুতিব অসিনা ঐখোয়গী মিৎয়েং শানবা, অচৌবা মঙলান মঙবা, অচৌবা মায় পাকপা ফংবা, ঐখোয়না মমাংদা অমুক্তা খল্লুদবা মতৌদা থবক পায়খত্তুনা মায় পাকপা ঙম্বা প্রধান মন্ত্রীনা লুচিংলি। ঐখোয়গী নাক্তা লেজিস্লেচরগী নীংথিবা লৌশিং লৈবা অচৌবা জুদিসিএলগী পথাপ অমা লৈ।

ঐহাক্না নহাশিংদা করিগুম্বা খরা খঙহঞ্জগে। ঐখোয়গী সংবিধান অসি কনানা শেমখিবনো হায়বা অদোম অমুক্তা খঙদোকপীয়ু। মখোয়শিং অসি মীয়াম্না হকথেংননা খনখিবা অমত্তা নত্তে খঙবদা অদোম ঙক্কনি, মখোয়শিং অসি মীয়াম্না কেতগরী অমগীদমক্তা নাকোইননা খনখিবা ঙাক্তনি। অচৌবা কেতগরী, অনিশুবা কেতগরী অসিদি নিংথৌ পানবা লৈবাকশিংগী মীহুৎ ঙাক্তনি অমসুং অহুমশুবা অসিনা কম্মিসিওনরেতনি, অমদগী রাজস্থান্দগী ওইবনি।

কনস্তিত্যুসন এসেমব্লী চত্থরিঙৈদা, ঐখোয়গী লৈবাক অসি অনি থোক্না খায়দোকখি। মখোয়বু লৈবাক নীংবগী ইথিলনা শাফু পীখি। মখোয়না লোল, ঙমখৈ খেন্নবা, অনিংবা অপাম্বা খেন্নবগী অচৌবা শিংনবা কয়া মাইয়োক্নখি। শিংনবশিং অসিবু দাইলোগনা ৱারোইশিন পুরকখি। মরম অদুনা, ঐহাক্না রাজ্য সভাগী চেয়রমেন ওইদুনা শরুক ওইরিবা সেগমেন্ত অসিগী মতাংদা খল্লুবা মতমদা, লৈবাক্কী একজেক্যুতিবনা মথৌ নীংথিনা পাংথোক্তুনা মালেমগী থাক্তা মায় পাকপা কয়া পুরক্লিবা, মালেমগী মতেং পাংলিবা, ভারত মচা খুদিংনা মশাগী তৌবা ঙম্বগী মতিক ফোংদোকপা ঙম্বা ইকোসীস্তেম অমা শারিবা মরকসিদা শেঞ্জা থুমজা তৌবা মীওইশিংনা শক্তি পায়বা মেকানিজম লৈখিবগী মতাংদা খন্দবা ঙমদে। আইনগী মমাংদা সংবিধানগী মগুনশিংবু নীংথিনা চলায়রকপা মতমদা, আইন্না কোনবা ঙম্লোইদবা কনামত্তা লৈরক্তে, লৈরক্লোই। অদুনা, মীয়ামগী লন-থুম থুগাইবগী থৌওং থোক্লকপা মতমদা, ঐখোয়না খুত্তা আইন পাইশিল্লকই, পনখৈ অমা কায়খিবনা ঐখোয়না খুত্তা আইন পায়রিবনি হায়নৈ, মসি ঐহাক য়াম্না নুংঙাইতে।

ঐখোয়না দাইনামিক ওইবা মালেমদা লৈবনা স্তেতকী ওর্গান অহুমগী মরক্তা শিংনবা অদুমক লৈরকি, অদুবু ঐখোয়না শিংনবশিং অসি লৌথোকপা তাবনি। মখোয়বু মুন্না য়েংশিনবা তাবনি। মসি মীয়ামগী ফম্বাক্তা তৌগদবা নত্তে, মখোয় অসি মওং-মরিল নাইবা, কাঙলোন নাইবা থৌওং শিজিন্নদুনা লৌথোকপা তাবনি। অদুবু, লেজিসলেচরগী ওইনদি, ঐখোয়না ইশাগী ওইবা থৌদাং খরা পাংথোকপা তাবনি। ঐখোয়গী লেজিস্লেচর অসি মথৌ কয়ানা য়াম্না নীংথিজনা তৌবগে হায়বা খঙদোকপা তাবনি।

নহাশিং, হায়রিবা থৌদাং অসি অদোমগীনি। ইশাগী পার্লিয়ামেন্ত অসি মথৌ নীংথিনা পাংথোকপা অদোম্না পাম্বা নত্তবরা? মসিবু শেঞ্জা থুমজা অমসুং অয়েৎপা কয়ানা থলহনসি হায়বরা? অদোম্না মসি কৈদৌনুংদা পাম্লোই। দালিওগ, দিবেত লৈগদবনি। মমাংগী মতমদা, ঐখোয়গী নাক্তা অফবা লেজিস্লেচর লৈরম্মি, ঐখোয়গী নাক্তা দন্দ-বিধান লৈরম্মি, হৌজিক্তি ঐখোয়গী নাক্তা ন্যায়-বিধান লৈরে। অদুবু, লিগেল লুমিনরীশিংনা রাজ্য সভাদা থোক্লক্তুনা খুদোংচাবা কয়া লৈনা-লৈনা মসিগী কান্নবা লৌদবগী মতৌসিদা ঐহাক য়াম্না নুংঙাইতবা ফাওজৈ। মীখা পোনবগী ৱাখল্লোন মুত্থৎলিবা মতমসিদা ঐখোয়না শরুক য়াদুনা করিগুম্বা কান্নবা খরা তৌবা য়ারিবনি।

ভারত @2047 য়ৌরকপা মতমদা ঐখোয়দি লৈতবা য়াই,অদুবু অদোমদি খোঙচৎ অসিগী লান্মী ওইনা মতমদুদা লৈখিগনি। অদোম্না ভারতপু মায় পাকপগী থাক্তা পুগদৌরিবনি। অদুনা, অদোম্না তুমিন্না লৈশিল্লিবা শিংনবশিংনা মতম অমদা অচৌবা শিংনবা ওইরক্কনি। লৈবাক নীংবগী ইথিলনা শাফু পীদুনা অদোম্না করেক্সনেল মেকানিজম অমা শেম্বা তাবনি।

মরম অদুনা, ঐহাক্না ৱারোল লোইশিল্লকপা ওইনা, ঐখোয়না সংবিধানগী মফমদা পীবা ঙম্বা খ্বাইদগী চাউবা খুদোলদি ঐখোয়না ইমা ভারতকী সেবা মতম পুম্বদা তৌবা হায়বসিনি। ঐখোয়গী লৈবাক চাউখৎহনবা হায়বসি অচৌবা জৈগ্যা অমনি, মসিদা মীপুম খুদিংনা মশাগী ঙমজবী খরা কত্থোকপগী মথৌ তাই। ইন্সতিত্যুসনগী মফমদগী মতেং লাক্কনি, অদুবু খ্বাইদগী চাউবা মতেংদি মীয়ামদগী লাক্কদবনি। মসিগী মরমদি, অদোমদগী হেন্না চাউবা স্তেকহোলদর অমত্তা লৈতে। অদোম্না সরকার অসিদা লৈরিবা স্তেক অসিনা খ্বাইদগী চাউবা হেল্লি। চাউখৎপা লৈবাক অমা ওইহনগে হায়রবদি, ঐখোয়না শেঞ্জা থুমজাদগী মতম পুম্বদা লাপ্না লৈবা তাবনি।

ঐখোয়গী লৈবাক অসিদি স্তার্তঅপশিংগী হৌরকফম্নি। ঐখোয়দি য়ুনিকোর্নগী লৈবাক্নি। অদোমগী নাক্তা করিগুম্বা অনৌবা ৱাখল্লোনবু লৈরবদি, মদু থবক্তা ওন্থোকপীয়ু।

মসিনা সংবিধানবু ইকায় খুম্নবগী খ্বাইদগী চাউবা থৌওং ওইগনি, চাউখৎপগী খোঙচত্তা লাকপা শিংনবা খুদিংমক ঐখোয়না মায়থীবা পীবা ঙমগনি। অদুগা ঐখোয়না পোজিতিবিতীগী নোংলৈ-নুংশিৎ অমা শিৎহনবা তাবনি। মসিদি ঐখোয়গী চহি লিশিং মঙাগী নাৎ অমসুং চৎনবীগী মফমদা ইকায় খুম্নবগী খ্বাইদগী অথোইবা থৌওং ওইগনি। ভারতনা চাউখৎলকপা হায়বসিদি থিংবা ঙম্লরোইদবা শাফু অমনি। হৌজিক্তি, মসিগী ন্যুক্লিয়র, রোক্কেত অমসুং শাহৌ লৌবগী খোঙজেল অসি তপথহল্লরোইসি।

***

(Release ID: 1999568) Visitor Counter : 77