وزارت ثقافت کرتویہ پتھ پر ’اننت سترا – لامتناہی دھاگہ‘ ٹیکسٹائل کی نمائش کرے گی۔ اسے انکلوژر میں بیٹھے ناظرین کے پیچھے نصب کیا جائے گا۔ اننت سترا ساڑی کے لیے ایک شاندار خراج عقیدت ہے جو فیشن کی دنیا کے لیے ہندوستان کا لازوال تحفہ ہے۔ اس منفرد تنصیب ملک کے ہر کونے سے تقریباً 1,900 ساڑیاں اور تھان كے كپڑوں کی نمائش کی جائے گی اسے کرتویہ پتھ کے ساتھ لکڑی کے فریموں کے ساتھ اونچائی پر نصب كیا گیا ہے۔ اس میں کیو آر کوڈز ہوں گے جنہیں اسکین کیا جا سکتا ہے تاکہ اس میں استعمال ہونے والی بنائی اور کڑھائی کے فن کے بارے میں تفصیلات معلوم کی جا سکیں۔

وزارت ثقافت کی جوائنٹ سکریٹری محترمہ امیتا پرساد سربھائی نے آج میڈیا کو ایك بریفنگ میں بتایا کہ اننت سترا کے عنوان سے ہندوستان کی مختلف ریاستوں اور مرکز کے زیر انتظام علاقوں کی ساڑیوں، بُنائیوں اور کڑھائیوں کی یہ شاندار نمائش  کرتویہ پتھ کے ساتھ بیٹھنے کی جگہ کا پس منظر ہوگی اور اس سے انكھوں كو خوشی ملے گی۔

یہ  قوم کی جانب سے ہندوستان کی خواتین کی طاقت اور ہندوستان کے لاکھوں بنکروں کو وزارت ثقافت کا خراج تحسین ہے۔ جنہوں نے اس لازوال روایت کو نسل در نسل ہنر سے گزارتے ہوئے زندہ رکھا ہے۔ تنصیب کی کیوریٹر محترمہ سندھیا رمن، آئی جی این سی اے کے ممبر سکریٹری ڈاکٹر سچیدانند جوشی اور پروفیسر ریچا کمبوج بھی بریفنگ كے موقع پر موجود تھیں۔

*****

U.No:3856

ش ح۔رف۔س ا

(Release ID: 1998334) Visitor Counter : 91