پنچایتی راج کی وزارت کے سکریٹری، جناب وویک بھاردواج نے آج انڈین انسٹی ٹیوٹ آف مینجمنٹ احمد آباد(آئی آئی ایم اے) میں پنچایتی راج کی وزارت (ایم او پی آر) کے منتخب نمائندوں اور پنچایتی راج اداروں (پی آر آئی) کے کام کرنے والوں کے لیے اپنی نوعیت کے اولین لیڈرشپ اور مینجمنٹ ڈیولپمنٹ پروگرام کا افتتاح کیا جس کا عنوان تھا ‘‘دیہی علاقوں میں کلیدی نوعیت کی کایاپلٹ اور یکسر تبدیلی لانے  کی غرض سے پنچایی  اداروںمیں قیادت(لیپ-اسٹارٹ)۔ افتتاحی سیشن کے دوران، لیڈرشپ اینڈ مینجمنٹ ڈیولپمنٹ پروگرام کو چلانے کے لیے جناب وکاس آنند، جوائنٹ سکریٹری اور آئی آئی ایم احمد آبادکے ڈائریکٹر،پروفیسر بھرت بھاسکر، نے مفاہمت کی ایک یادداشت پر بھی دستخط کیے۔ گجرات سرکار کی پنچایتی  اداروں، دیہی مکانات اور دیہی ترقی کے محکمہ کی پرنسپل سکریٹری محترمہ مونا کھندھر،گجرات سرکار کے پنچایتوں اور دیہی مکانات  کے محکمہ کے ڈیولپمنٹ کمشنرجناب سندیپ کمار اور پنچایتی راج کی وزارت کے ڈائرکٹر جناب وپل اجول بھی اس موقع پر موجود تھے۔

 

 

پنچایتی راج کی وزارت کے سکریٹری جناب وویک بھاردواج نے اپنے خطاب میں پنچایتوں پر زور دیا کہ وہ مقامی طور پر خود کی  موثر حکمرانی اور نظم و نسق کے لیے رول ماڈلز کے طور پر اپنی صلاحیتوں کو قبول کریں۔ انہوں نے کہا کہ "ہمارے جمہوری فریم ورک میں پنچایتیں ایک اہم کردار ادا کرتی ہیں۔ ان کی صلاحیت سازی اور تربیت میں سرمایہ کاری کرکے، ہم 2047 تک ایک ترقی یافتہ ہندوستان - وکست بھارت کے وژن کو پورا کرنے کے لیے اپنے ملک کی بنیاد میں سرمایہ کاری کر رہے ہیں۔ میں پنچایتی راج اداروں سے گزارش کرتا ہوں کہ وہ  مثبت تبدیلی کی علامت بنیں، شفافیت، کارکردگی، اور عوامی بہبود کے ذریعہ ایک عملی نمونہ بن کر رہنمائی فراہم کریں۔’’ جناب بھاردواج نے کہا کہ آئی آئی ایم احمد آباد جیسے بہترین اورعمدگی کے اداروں کے ساتھ مل کر کام کرکے، ہمارا مقصد معیاری تربیتی پروگراموں کا ایک نیٹ ورک قائم کرنا ہے۔ تاکہ ملک بھر کی پنچایتوں کو بااختیار بنایا  جاسکے۔

 

 

پنچایتی راج کی وزارت کے لیڈرشپ اور مینجمنٹ ڈیولپمنٹ پروگرام کی کایاپلٹ کردینے و الی تبدیلی کی صلاحیت کو تسلیم کرتے ہوئے، جناب وویک بھاردواج نے نتائج سے سیکھنے اور معروف اداروں کے ساتھ تعاون کو فروغ دینے کے لیے وزارت کے عزم کا اظہار کیا۔ آئی آئی ایم احمد آباد میں تربیتی پروگرام کے نتائج، دیگرمعروف اورعمدگی کے  اداروں کے ساتھ تعاون کرنے کے منصوبوں کی تشکیل کریں گے۔ جنہیں تعاون کے منصوبوں کو حاصل کردہ بصیرت کی بنیاد پر اجاگر کیا جائے گا،اس کے ساتھ ہی اس میں اس منفرد تربیتی ماڈل کی توسیع پذیری، تاثیر اور شمولیت پر توجہ دی جائے گی۔ اس تعاون کا مقصد، ملک کے ہر کونے میں پنچایتوں کے لیے مستقل اور اعلیٰ معیار کے تربیتی تجربے کو یقینی بناتے ہوئے ایک معیاری اور جامع نصاب تیار کرنا ہے جس کا کہ اعادہ کیا جا سکے اوردہرایا جاسکے ۔

جناب وویک بھاردواج نے اس بات پر زور دیا کہ یہ بات بہت ضروری ہے کہ پنچایت کے نمائندے اور کارکنان نہ صرف نیک نیت ہوں بلکہ وہ علم اور ہنر سے بھی لیس ہوں جو مقامی  طور پرخودکی حکمرانی کے کثیر جہتی چیلنجوں سے نمٹنے اور بنیادی سطح پر خاطر خواہ تبدیلی لانے کے لیے ضروری ہیں۔ انہوں نے پروگرام میں شامل ہونے کے لیے شرکاء کو مبارکباد دی اور ان پر زور دیا کہ وہ آئی آئی ایم اے میں اپنا وقت ہر سبق سے سیکھنےاور قبول کرنے، ہر بات چیت میں سرمایہ کاری کرنے اور نئی توانائی کے ساتھ واپس آنے اور تبدیلی لانے کے لیے ایک انتھک کوشش کے لیے استعمال کریں۔

 

 

آئی آئی ایم احمد آباد کے ڈائریکٹرپروفیسر بھرت بھاسکر نے کہا کہ آئی آئی ایمس کے پاس تمام درجوں پر عہدیداروں کی انتظامی صلاحیتوں کو بڑھانے کا کلیدی اختیار بھی حاصل ہے اور ہم امید کرتے ہیں کہ یہ ایک ایسی تحریک بن جائے گی جس کی تقلید تمام اعلیٰ اداروں کے ذریعہ کی جائے گی۔ انہوں نے امید ظاہر کی کہ یہ منفرد پروگرام ملک کی بنیادی سطح پر ترقی کے ساتھ اہم اداروں کی شمولیت کے لیے ایک نیا رجحان قائم کرے گا، اورآئی آئی ایم احمد آباد نے اس سمت میں پیش قدمی کی ہے۔ انہوں نے مزید کہا کہ دیہی سطح پر قوم کی تعمیر کے لیے درکار تمام کلیدی پالیسیاں اس  کوشش پر عمل پیرا ہیں کہ پنچایت راج نظام کتنا موثر اور کارآمدبن سکتا ہے۔ پروفیسر بھرت بھاسکر نے تربیتی پروگرام کوایک حقیقت بنانے میں تعاون پر مبنی کوششوں کے لیے پنچایتی راج کی وزارت کی ستائش کی۔اس  تعاون کو علم کے تبادلے کو فروغ دینے اور پروگرام کے اثرات کو بڑھانے میں ایک کلیدی معاون کے طور پر دیکھا جاتا ہے۔

شرکاء سے خطاب کرتے ہوئے، گجرات سرکار کی پنچایتوں، دیہی مکانات اور دیہی ترقی کے محکمہ کی پرنسپل سکریٹری محترمہ مونا کھندھر نے نئی ہنرمندیاں اور مہارتیں سیکھنے اورسرکاری خدمات کی فراہمی کو بہتر بنانے کے درمیان براہ راست تعلق کواجاگرکیا۔ اس طرح کے تربیتی پروگراموں کے باقاعدہ انعقاد کو پنچایت کے نمائندوں کو، دیہی علاقوں میں موثر حکمرانی کے لیے ضروری جدید ترین معلومات اور آلات کے ساتھ بااختیار بنانے میں ایک اہم کردار کے طور پر دیکھا جاتا ہے۔

 

 

پنچایتی راج کی وزارت کے جوائنٹ سکریٹری جناب وکاس آنند نے پنچایتی نمائندوں کے لیے باقاعدہ تربیتی اقدامات کی اہمیت اور بنیادی سطح پر سرکاری خدمات کی فراہمی کو بہتربنانے میں ان کے اہم کردار پر روشنی ڈالتے ہوئے، لیڈرشپ اور مینجمنٹ ڈیولپمنٹ پروگرام کا ایک بصیرت افروز جائزہ پیش کیا۔ منتخب نمائندوں اور پنچایتی راج اداروں کے ایگزیکٹو کو تربیت فراہم کرنے کے لیے ایک جگہ جمع کرنے سے، دونوں کو ایک دوسرے کا نقطہ نظرسمجھنے میں مدد ملے گی اور پالیسی سے متعلق مسائل اور مسائل کی بہتر سمجھ ہوگی، جس سے بہتر پالیسی سازی اور سرکاری خدمات کی فراہمی میں مدد ملے گی۔ انہوں نے مزید کہا کہ پنچایتی نمائندوں اور عہدیداروں کی صلاحیت سازی میں سرمایہ کاری کرکے، پنچایتی راج کی وزارت ایک ایسی لہر پیدا ہونے کا تصور کرتی ہے جو ملک بھر کی برادریوں پر مثبت اثر ڈالے گی۔ اس پروگرام کاحتمی مقصد بنیادی سطح پر قائدین کا ایک ایسا گروپ تیار کرنا ہے جو نہ صرف سرکاری خدمت کے اعلیٰ ترین معیار پر پورا اترے بلکہ  بنیادی سطح پر مثبت تبدیلی کو بھی آگے بڑھائے۔

 

 

آئی آئی ایم احمد آباد (آئی آئی ایم اے) کے فیکلٹی ممبران پروفیسر رنجن گھوش اور پروفیسر راجیش چندوانی نے کہا کہ لیپ- اسٹارٹ ،آئی آئی ایم اے کے اساتذہ اور وزارت کے عہدیداروں کی کوششوں کا نتیجہ ہے جنہوں نے عہدیداروں کے انتظامی اپ گریڈیشن کے لئے ایک جرات مندانہ قدم اٹھایا ہے جو وزیر اعظم کے ویژن کے عین مطابق، ہندوستان کی جاری  کایاپلٹ کردینے و الی تبدیلی کے لئے اہم ہے۔

پروگرام کے دوران، مفاہمت نامے کے تبادلے نے اس کایاپلٹ  کردینے والی  پہل قدمی کی باضابطہ شروعات کی نشاندہی کی جس کا مقصد دیہی علاقوں میں کلیدی نوعیت کی یکسر تبدیلی لانے کی غرض سے مقامی خود حکمرانی میں ایک انقلاب لانا ہے۔اس کے ساتھ ہی انڈین انسٹی ٹیوٹ آف مینجمنٹ احمد آباد میں لیڈرشپ/منیجمنٹ ڈیولپمنٹ پروگرام کے تحت ایک تعارفی پانچ روزہ پروگرام کا بھی آغاز کیا گیا ۔ آئی آئی ایم اے کے کیمپس میں 19 جنوری 2024 کو،لیڈرشپ اینڈ مینجمنٹ ڈیولپمنٹ پروگرام ، جس کا عنوان ہے‘‘ دیہی علاقوں میں کلیدی نوعیت کی کایاپلٹ  کےلئے پنچایتوں میں قیادت۔(لیپ-اسٹارٹ)’’ منعقد کیا جائے گا، جہاں پنچایتی راج اداروں کے تقریباً 60 منتخب نمائندے اور کارکنان بشمول چیئرپرسنز/صدر اور ریاستوں/ مرکز کے زیر انتظام  علاقوں آندھرا پردیش، انڈمان اور نکوبار جزیرہ، دادرا اور نگر حویلی اور دمن اور دیو، گوا، گجرات، ہریانہ، ہماچل پردیش، جموں و کشمیر، جھارکھنڈ، مدھیہ پردیش، مہاراشٹر، مدھیہ پردیش، اوڈیشہ، راجستھان، سکم، تمل ناڈو، تریپورہ ، اترپردیش اور اتراکھنڈ سے تعلق رکھنے والے ضلع پنچایتوں کے چیف ایگزیکٹو آفیسرز کو مختلف ادارہ جاتی اور فعال مسائل اور پائیدار ترقی کے اہداف کے موضوعاتی مسائل پر تربیت فراہم کی جائے گی۔

 

 

************

ش ح۔ع م۔ف ر

 (U: 3642)

(Release ID: 1996527) Visitor Counter : 71