ہاؤسنگ اور شہری امور اور پیٹرولیم اور قدرتی گیس کے وزیر جناب ہردیپ سنگھ پوری نے آج کہا، "2023 ہندوستان میں شہری حکمرانی کے لیے ایک غیر معمولی سال تھا۔" جناب پوری نے یہاں ایک پریس کانفرنس میں میڈیا سے خطاب کرتے ہوئے کہا کہ 2014 کے بعد سے حکومت نے غریبوں کی فلاح و بہبود پر خصوصی توجہ مرکوز کرتے ہوئے شہری بنیادی ڈھانچے کو ترقی دینے اور شہری نظم و نسق کو مضبوط بنانے کے لیے تبدیلی لانے والے پروگرام سے متعلق سفارشات کی ہیں۔

وزیرموصوف نے کہا کہ اس سال ہماری سفارشات سے معاشرے کے مختلف طبقوں کو بہت فائدہ ہوا ہے - چاہے وہ سڑک پر دکاندار ہوں؛ غیر رسمی شہری مزدور؛ خواتین اور بچیاں ؛ کم آمدنی والے اور متوسط ​​آمدنی اور اوسط درجہ کی آمدنی والے خاندان ، نل کے پانی کے کنکشن، صاف صفائی اور دیگر بنیادی خدمات کیوں نہ ہوں۔

حالیہ برسوں میں شہری تبدیلی کے پیمانے  کی  وضاحت کرتے ہوئے وزیر موصوف نے کہا کہ 2014  کے بعد سے اب تک شہری ترقی میں 18.07 لاکھ کروڑ روپے کی سرمایہ کاری کی گئی ہے۔ انہوں نے زور دے کر کہا کہ 14-2004 کے مقابلے میں سرمایہ کاری میں یہ حیران کن طور پر 12 گنا اضافہ ہے۔ پی ایم اے وائی (یو) کی مثال دیتے ہوئے انہوں نے کہا کہ اس اسکیم کے تحت 1.18 کروڑ مکانات کی منظوری دی گئی ہے، جو جے این این یو آر ایم اور آر اے وائی کے تحت پہلے کے 13.46 لاکھ مکانات سے تقریباً 9 گنا زیادہ ہے۔

سال 2023 میں کامیابیوں کے بارے میں، وزیرموصوف نے قومی راجدھانی خطہ دہلی (این سی ٹی ڈی) قانون (خصوصی التزام)  دوسرا قانون ، 2011 کو 31 دسمبر 2026 تک توسیع دینے کا ذکر کیا، اس طرح کچھ جے جے بستیوں کو تعزیری کارروائی سے مستثنیٰ قرار دیا گیا اور اصلاحات اور شمولیاتی اقدامات کے لیےمناسب وقت دیا گیا۔۔ انہوں نے کہا کہ پی ایم سواندھی یوجنا کے تحت، ہم نے بہت زیادہ کامیابی حاصل کی ہے اور 50 لاکھ مستفیدین (موجودہ تعداد 58.89 لاکھ مستفیدین ہے) کے مشن کے ہدف کو عبور کیا ہے اور ہم نے "پردھان منتری آواس یوجنا - شہری (پی ایم اے وائی-یو) کے تحت 10،000 کروڑ روپئے سے  سے زیادہ کے بھی ہدف کو عبور کرلیا ہے۔ انہوں نے کہا کہ ہم نے اس سال تقریباً 12 لاکھ گھروں کی تعمیر مکمل کی ہے (ہر ماہ اوسطاً 1 لاکھ گھروں کی ڈیلیوری)۔ سوچھ بھارت مشن – شہری 2.0 کے تحت، انہوں نے کہا، ہم نے 879 لاکھ میٹرک ٹن کچرے کو ٹھکانے لگایا، 336 کوڑا کرکٹ کے میدانوں کو صاف کیا، اور 3,708 ایکڑ اراضی کو دوبارہ حاصل کیا۔ گوبردھن یوجنا کے تحت، نامیاتی فضلہ سے مؤثر وسائل کی بازیافت کے لیے 68 سے زیادہ سی بی جی پلانٹس کو منظوری دی گئی۔

جناب پوری نے کہا کہ امرت مشن کے تحت ہم نے اس سال پانی کے نل کے کنکشن اور سیوریج کنکشن کا ہدف عبور کر لیا ہے۔ انہوں نے کہا "اب 1.87 کروڑ پانی کے نل کے کنکشن ہیں (بنیادی ہدف: 1.39 کروڑ) اور 1.47 سیور کنکشن (بنیادی ہدف: 1.45 کروڑ) ہے" ۔

شہری نقل و حرکت کو بہتر بنانے کے لیے حکومت کی طرف سے کیے گئے کام کا ذکر کرتے ہوئے، جناب  پوری نے کہا کہ ملک بھر میں میٹرو سسٹم نے روزانہ 1 کروڑ مسافروں کا ہدف  عبور کرنے کا کارنامہ انجام دیا ہے۔ دہلی میٹرو نے اگست 2023 میں یومیہ 72 لاکھ سے زیادہ سواریوں کی تعداد دیکھی۔ انہوں نے ہندوستان کی پہلی تیز ریل سروس نمو بھارت ٹرین کا بھی ذکر کیا جس کا افتتاح وزیر اعظم جناب نریندر مودی نے 20 اکتوبر 2023 کو کیا تھا اور 16 اگست 2023 کو شروع کی گئی پی ایم-ای بس سیوا اسکیم کا مقصد 10،000 الیکٹرک بسیں چلا کر بس آپریشن میں اضافہ کرنا ہے۔

پیش رفت  پر ایک تقابلی نظر

 

******

ش ح۔ ج ق ۔ م  ص

U-NO. 3552

(Release ID: 1995662)