കേന്ദ്ര വികസന ക്ഷേമ പദ്ധതികളെ കുറിച്ച്  ബോധവത്കരണം നടത്തുക എന്ന ലക്ഷ്യത്തോടെ കേന്ദ്ര സർക്കാർ നടത്തുന്ന വികസിത് ഭാരത് സങ്കൽപ്പ് യാത്ര  കോട്ടയം ജില്ലയിലെ തിരുവാർപ്പ് പഞ്ചായത്തിൽ പര്യടനം നടത്തി. കേന്ദ്ര ഗവൺമെന്റിന്റെ വികസന പദ്ധതികളും ജനക്ഷേമ പദ്ധതികളും സമൂഹത്തിന്റെ എല്ലാ തട്ടുകളിലും എത്തിക്കുകയാണ് യാത്രയുടെ ഉദ്ദേശം.

തിരുവാർപ്പ് നടന്ന പരിപാടി പോസ്റ്റ്മാസ്റ്റർ ദിവ്യ ഒ ജി  ഉദ്ഘാടനം ചെയ്തു. ലീഡ് ഡിസ്ട്രിക്ട് മാനേജർ  ശ്രീ അലക്സ്‌ ഈ എം അധ്യക്ഷനായിരുന്നു. സീനിയർ സയൻ്റിസ്റ്റ്   കെവികെ ഡയറക്ടർ  ഡോ. ജയലക്ഷ്മി മുഖ്യ പ്രഭാഷണം നടത്തി.  സ്റ്റേറ്റ് ബാങ്ക് ഓഫ് ഇന്ത്യ മാനേജർ ശ്രീജയ എസ് സത്യവാചകം ചൊല്ലിക്കൊടുത്തു. ശ്രീ ആന്റണി അറയിൽ, വാർഡ് മെമ്പർ മഞ്ജു  തുടങ്ങിയവർ സംസാരിച്ചു.

ഫാക്ട് പ്രതിനിധി അലീന ചാക്കോ, എഫ് എൽ സി അനുമോൾ എന്നിവർ   ക്ലാസുകൾ എടുത്തു. വിവിധ വകുപ്പുകളുടെ സ്റ്റാളുകളും ശ്രദ്ധിക്കപ്പെട്ടു. സ്റ്റേറ്റ് ബാങ്ക് ഓഫ് ഇന്ത്യ ഓഫീസർ എലിസബത്ത് സ്വാഗതവും, തിരുവാർപ്പ് ബ്രാഞ്ച് മാനേജർ രഞ്ജിത്ത് നന്ദിയും അറിയിച്ചു.

--SK--

(Release ID: 1995341) Visitor Counter : 72