جیسا کہ دنیا 4 جنوری کو بریل کا عالمی دن منانے کی تیاری کر رہی ہے، نابینا اور جزوی طور پر بینائی والے افراد کے لیے بریل کی اہمیت کو ابلاغ کے ایک اہم ذریعہ کے طور پر تسلیم کرنے کے لیے ایک عالمی یادگاری تقریب جاری ہے۔ اس دن کو خاص اہمیت حاصل ہے کیونکہ یہ بریل رسم الخط کے موجد لوئس بریل کی سالگرہ کا دن ہے، جو 1809 میں فرانس میں پیدا ہوئے تھے۔ تعلیم، مواصلات اور سماجی شمولیت میں بریل کے اہم کردار کو تسلیم کرتے ہوئے، اقوام متحدہ نے ہر سال 4 جنوری کو بریل کا عالمی دن مقرر کیا ہے۔

بریل، جو کہ زبان کی بجائے ایک عالمگیر ضابطہ ہے، سنسکرت، عربی، چینی، عبرانی، ہسپانوی، اور بہت سی دیگر زبانوں سمیت مختلف زبانوں میں لکھنے اور پڑھنے کے لیے ایک ٹول کے طور پر کام کرتا ہے۔ اس موقع پر، ڈی ای پی ڈبلیو ڈی کے تحت کام کرنے والے قومی ادارے اور کمپوزٹ ریجنل سینٹرز بہت سے دلچسپ پروگراموں کا اہتمام کر رہے ہیں۔

بریل کے عالمی دن پر نمایاں تقاریب:

1. این آئی ای پی ایم ڈی مُتّو کڑو:

    - لوئس بریل کی زندگی پر توجہ مرکوز کرنے والے نعرے اور پمفلٹ کا مقابلہ۔

    - بریل لکھنے اور پڑھنے کا مقابلہ۔

    - بچوں کے لیے تفریحی کھیل۔

2. سی آر سی گورکھپور:

    - بریل لکھنے کا مقابلہ۔

    - تقریر، ڈرامہ، شاعری، اور گانوں کے مقابلے۔

3. سی آر سی ناگپور:

    - بریل کے بارے میں اورینٹیشن لیکچر۔

    - ہندی بریل لکھنے کا مقابلہ۔

 4. شانتی نکیتن رتنپالی بیربھوم (مغربی بنگال)

    - بینر کی نمائش کا کھیل۔

    - مہمان خصوصی کے ذریعہ افتتاح اور تقریر۔

    - دیشا سینٹر کی طرف سے ثقافتی پروگرام۔

    - دیشا انسٹی ٹیوٹ کے طلباء کے ذریعہ گانا، ڈانس، پریزنٹیشنز وغیرہ۔

5. سی آر سی لکھنؤ

    - بریل لکھنے اور پڑھنے کے مقابلوں پر مبنی معلوماتی اجلاس۔

    - شاعری کا مقابلہ۔

    - ہندی اور انگریزی میں بریل پڑھانے کے ماڈل۔

چونکہ یہ پروگرام بریل کے عالمی دن پر منعقد کیے جاتے ہیں، لہٰذا اُس دن نہ صرف لوئس بریل کی میراث کو منانے پر زور دیا جاتا ہے بلکہ جامع مواصلات اور تعلیم کو فروغ دینے میں بریل کے پائیدار کردار کو فروغ دینے پر بھی زور دیا جاتا ہے۔ یہ پروگرام روشن خیال اور تفریحی ہونے کا وعدہ کرتے ہیں، بصارت سے محروم افراد کو بااختیار بنانے میں بریل کی اہمیت کو تسلیم کرنے کے عالمی عزم کو تقویت فراہم کرتے ہیں۔

*****

ش ح – ق ت

U: 3227

(Release ID: 1992906) Visitor Counter : 101