شمولیت اور بااختیار بنانے کی طرف ایک اہم پیش رفت کی نشاندہی کرنے والے ایک اہم پروگرام میں، مرکز کے زیر انتظام علاقہ جموں و کشمیر کے لیفٹیننٹ گورنر، جناب منوج سنہا نے ہنرمندی کے فروغ، بحالی اور معذور افراد کو بااختیار بنانے کے لیے جامع علاقائی مرکز (سی آر سی) کا افتتاح کیا۔ سی آر سی جموں کا باضابطہ افتتاح سامبا جموں میں یادگاری تختی یعنی لوح کی نقاب کشائی کرکے کیا گیا۔ افتتاحی تقریب آج سیکنڈ ایکسٹینشن، گاندھی نگر، گرین بیلٹ جموں-180004 میں منعقد ہوئی، جس میں معزز شخصیات، سرکاری افسران اور معذور طبقے کے نمائندوں کا اجتماع دیکھا گیا۔ سی آر سی سامبا- جموں، حکومت ہند کی سماجی انصاف و تفویض اختیارات کی وزارت کے ماتحت معذور افراد کو بااختیار بنانے کے محکمہ کی طرف سے ایک پہل ہے، جو خطے میں معذور افراد کے لیے امید اور ترقی کی کرن بننے کے لیے تیار ہے۔

مرکز کا مقصد معذور افراد کو بااختیار بنانے اور معاشرے کے مرکزی دھارے میں ان کے انضمام کی سہولت فراہم کرنے کے لیے جامع مدد، مہارت کی ترقی، اور بحالی کی خدمات فراہم کرنا ہے۔ حکومت ہند کی سماجی انصاف و تفویض اختیارات کی وزارت کے ماتحت معذور افراد کو بااختیار بنانے کے محکمہ کے جوائنٹ سکریٹری جناب راجیو شرما نے ایک جامع معاشرے کو فروغ دینے میں اس طرح کے اقدامات کی اہمیت کو اجاگر کیا۔ انہوں نے کہا کہ کمپوزٹ ریجنل سینٹر ایک ایسا ماحول بنانے کے لیے ہمارے عزم کا ثبوت ہے جہاں معذور افراد ترقی کر سکیں۔ یہ مرکز نہ صرف ضروری خدمات فراہم کرے گا بلکہ ہنر کی ترقی، خود انحصاری اور بااختیار بنانے کے لیے ایک مرکز کے طور پر بھی کام کرے گا۔

اس تقریب میں سی آر سی کی مستقل عمارت کی تعمیر کے لیے اسٹیٹ ڈپارٹمنٹ کی طرف سے الاٹ کی گئی زمین پر علامتی طور پر سنگ بنیاد رکھی گئی، جو کہ زیادہ قابل رسائی اور جامع معاشرے کی جانب سفر کے ایک نئے باب کے آغاز کی علامت ہے۔ گورنر نے کلیدی عہدیداروں کے ساتھ اس سہولت کا بھی دورہ کیا، جو کہ سی آر سی سامبا جموں کی طرف سے پیش کردہ جدید ترین بنیادی ڈھانچے اور سہولیات کا پہلے مشاہدہ کیا۔ محترمہ شیتل نندا، کمشنر سکریٹری، محکمہ سماجی بہبود جموں و کشمیر نے کہا کہ سی آر سی جموں خطے میں معذور افراد کے معیار زندگی کو بڑھانے میں ایک اہم کردار ادا کرنے کے لیے تیار ہے، جس میں بحالی، ہنر کی تربیت، معاون ٹیکنالوجی اور کمیونٹی پر مبنی بحالی جیسی خدمات کا ایک سلسلہ پیش کیا جا رہا ہے۔  ڈاکٹر روہنیکا شرما، ڈائریکٹر سی آر سی، جموں نے لیفٹیننٹ گورنر جناب منوج سنہا، سماجی انصاف اور تفویض اختیارات کی وزارت اور تمام حصص داروں کا سی آر سی سامبا جموں کے وژن کو عملی جامہ پہنانے میں ان کی غیر متزلزل حمایت کے لیے تہہ دل سے شکریہ ادا کیا۔ آگے کا سفر بااختیار بنانے، شمولیت پر مبنی اور مثبت تبدیلی میں سے ایک ہونے کا وعدہ کرتا ہے۔

 

******

ش ح۔ش ت ۔ م ر

U-NO.3065

(Release ID: 1991357) Visitor Counter : 87