ఆంధ్రప్రదేశ్, బొంబాయి హైకోర్టుల మాజీ ప్రధాన న్యాయమూర్తి, మహారాష్ట్ర మాజీ గవర్నర్ దివంగత జస్టిస్ కొండా మాధవ్ రెడ్డి 100వ జయంతిని పురస్కరించుకుని ప్రత్యేక ఇండియన్ పోస్టల్ కవర్ ను విడుదల చేయడం గర్వంగా, గొప్ప అవకాశంగా, ఆనందంగా భావిస్తున్నాను.

 

కమ్యూనికేషన్స్ మంత్రిత్వ శాఖ కు చెందిన తపాలా శాఖ  సరైన చొరవకు , ఎప్పటిలాగే, రూపకల్పనలో అందంగా డిజైన్ చేసినందుకు  నేను అభినందిస్తున్నాను. భారతదేశ స్ఫూర్తిదాయక, ఉత్తేజిత మహా నాయకులకు పోస్టల్ కవర్ ల  రూపకల్పనలో గొప్ప రికార్డు కలిగిన తపాలా శాఖకు  ప్రస్తుత కవర్ మరో గౌరవం.

 

నేటి కార్యక్రమం దివంగత జస్టిస్ కొండా మాధవ్ రెడ్డికి సముచితమైన  గుర్తింపు, నివాళి.

 

మహోన్నత వ్యక్తిత్వం కలిగిన దివంగత జస్టిస్ కొండా మాధవ్ రెడ్డిని కలిసే అదృష్టం నాకు లభించలేదు కానీ కఆయన గురించి నాకు బాగా తెలుసు అని చెప్పగలను.

 

1872 ఆగస్టు 15న జన్మించిన జస్టిస్ రెడ్డి భారత న్యాయవ్యవస్థకు,  విద్యా వ్యవస్థకు ఎనలేని కృషి చేసిన దార్శనికుడు.

 

 

జస్టిస్ రెడ్డి తన తోటివారిలో మృదువుగా మాట్లాడే వ్యక్తిగా, ఆలోచనాత్మకంగా, ఆలోచనాత్మకంగా, సమకాలీనంగా,  సహేతుకంగా , నిష్పాక్షికంగా, సహజమైన న్యాయంతో , వాస్తవాలు , చట్టాలతో సమగ్రంగా గుర్తింపు పొందారు.  మనమందరం అవలంబించాల్సిన విధంగా ఆయన ఇతరుల అభిప్రాయానికి ఎప్పుడూ సానుకూలంగా ఉండేవారు.

 

 

దివంగత జస్టిస్ కొండా మాధవ్ రెడ్డి జీవిత ముఖ్య సందేశం సమ్మిళిత సమాజం.

 

విలువలతో జీవించాలి, విలువలు సృష్టించాలి. ఆయన తాను నమ్మిన జీవితాన్ని గడిపి అనేక విద్యా, సామాజిక, సాంస్కృతిక సంస్థలను స్థాపించారు.

 

తనకంటే ముందున్న వారిని స్ఫూర్తిగా తీసుకుని యువ న్యాయవాదులను పూర్తిస్థాయిలో పనిచేసేలా ప్రోత్సహించారు. భారతీయ చరిత్రను, చర్చను రూపుదిద్దిన అనేక ముఖ్యమైన తీర్పులకు ఆయన దోహదపడ్డారు.

 

జస్టిస్ రెడ్డికి న్యాయవ్యవస్థతో ఉన్న అనుబంధం వల్లనే కాకుండా , మూలాలను మరచిపోని వ్యక్తిగా కూడా వ్యక్తిగతంగా ఆయనతో మమేకమయ్యాను.

 

భూమి పుత్రునిగా  జస్టిస్ రెడ్డి చివరి వరకు తన స్వగ్రామం ధర్మసాగర్ లో రైతుగా కొనసాగారు.

 

నేను కూడా ఒక రైతు పుత్రుడిగా, జస్టిస్ రెడ్డి తన తీర్పుల ద్వారా గ్రామీణ పోరాటాలను తగ్గించడానికి చేసిన ప్రయత్నాల నుండి  ప్రేరణ పొందాను. ఆయన స్వరం లేనివారికి ఒక స్వరం ఇచ్చారు, భారతదేశానికి ప్రదాతలైన వారికి అంటే మన భారతదేశ రైతులకు సహాయం చేసారు.

 

భారతదేశం తన శతాబ్ది సంవత్సరాన్ని చేరుకుంటున్న (భారత్@2047) వేళ జస్టిస్ రెడ్డి ప్రతిపాదించిన , నొక్కిచెప్పిన ఆదర్శాలు- సేవ, న్యాయం  కరుణ - మనం గుర్తుంచుకోవాలి. ఇవి సమ్మిళిత సమాజానికి,  శక్తివంతమైన ప్రజాస్వామ్యానికి పునాదిగా ఉండాలి. నిజానికి ఇవి మన నాగరికత విలువల సారాంశం. వాటిని మనం ఎప్పుడూ నమ్ముతూ, ఆచరించాలి.

 

మనం  అమృత్ కాల్ లో నివసిస్తున్నాము. అన్ని రంగాలలో భారతదేశ పురోగతిని ప్రపంచం చూస్తోంది, దాని ఫలితాలు మానవాళిలో ఆరవ వంతు జీవితాలను ప్రభావితం చేస్తున్నాయి - అదే మన భారత్.

 

ఇది మన గౌరవ సమయం. ఎందుకంటే అనేక శతాబ్దాలుగా మనల్ని అగ్రగామి దేశంగా మార్చిన వైభవాన్ని తిరిగి పొందడానికి, అభివృద్ధి చెందిన భారతదేశానికి దృఢమైన పునాదులు వేస్తున్నాము.

 

మూడు విభాగాలైన న్యాయవ్యవస్థ, కార్యనిర్వాహక వ్యవస్థ, శాసనసభలు ప్రశంసనీయంగా పనిచేస్తూ భారత దేశ అపూర్వమైన ఎదుగుదలకు ఊతమివ్వడం ఊరట కలిగించే విషయం.

 

న్యాయవ్యవస్థ:

 

భారతదేశ చట్టపరమైన ముఖచిత్రం ఇటీవలి నెలల్లో గొప్ప సానుకూల మార్పులకు లోనవుతోంది, ఇది దాని పురోగతి పైన, మానవాళిలో ఆరవ వంతు సంక్షేమం పైన విపరీతమైన సానుకూల ప్రభావాన్ని చూపుతుంది.

 

గత దశాబ్ద కాలంలో, ఈ-కోర్ట్స్ ప్రాజెక్ట్ , నేషనల్ జ్యుడీషియల్ డేటా గ్రిడ్ ద్వారా డిజిటలైజేషన్ కు ప్రాధాన్యత ఇస్తూ న్యాయవ్యవస్థలో గణనీయమైన పురోగతి చోటు చేసుకుంది. ఇది పారదర్శకతను, అందుబాటును పెంచడమే కాకుండా పెండింగ్ కేసులను తగ్గించింది.

 

ప్రధాన న్యాయ సంస్కరణలలో వాణిజ్య న్యాయస్థానాల ఏర్పాటు, స్ మధ్యవర్తిత్వ చట్టాలకు సవరణలు ఉన్నాయి, ఇవి వేగవంతమైన వివాద పరిష్కారాన్ని లక్ష్యంగా చేసుకున్నాయి.

 

సమాజంలోని అణగారిన వర్గాలకు న్యాయ సహాయ యంత్రాంగాలను బలోపేతం చేయడానికి, అందరికీ న్యాయం జరిగేలా చూడటానికి నేషనల్ లీగల్ సర్వీసెస్ అథారిటీ (నల్సా) వంటి కార్యక్రమాలు చేపట్టారు.

 

ఇంకా విశేషమేమిటంటే ప్రస్తుత భారత ప్రధాన న్యాయమూర్తి హయాంలో సుప్రీంకోర్టు ప్రజలకు వారి భాషలో న్యాయం చేయడం సహా పలు కీలక చర్యలు చేపట్టింది.

 

సుప్రీంకోర్టు కాగిత రహితంగా మారింది, న్యాయస్థానాలు (న్యాయవాదులతో సహా) కూడా కాగిత రహితంగా పనిచేస్తున్నాయి. 99% జిల్లా కోర్టులు ఆయా హైకోర్టులతో అనుసంధానం అయ్యాయి.  హైకోర్టులు కాగిత రహిత పర్యావరణ వ్యవస్థ వైపు కదులుతున్నాయి.

 

చట్టసభల విజయాలు: కొద్ది రోజుల క్రితం మూడు కొత్త క్రిమినల్ కోడ్ బిల్లులకు రాష్ట్రపతి ఆమోదం లభించింది.

 

భారతీయ న్యాయ సంహిత, భారతీయ నగరిక్ సురక్షా సంహిత , భారతీయ సాక్ష్య చట్టం - అనే కొత్త చట్టాలు భారతీయ క్రిమినల్ జస్టిస్ వ్యవస్థను వలసవాద వారసత్వం నుండి విడదీసి, శిక్ష కంటే న్యాయంపై దృష్టి సారించాయి. భారతీయ దండ్ సంహిత ఇప్పుడు న్యాయ సంహితగా మారడం ఒక గొప్ప , విప్లవాత్మక మార్పు.

 

నారీ శక్తి వందన్ అధినియాన్ని పార్లమెంటు ఆమోదించడం మన న్యాయ వ్యవస్థలో  మరో మైలురాయి. ఈ చట్టం మన ప్రజాస్వామ్యంలో మహిళలకు సముచిత స్థానం కల్పించడానికి,  మన సమాజంలో సగం మంది గొంతును పెంచడానికి చాలా కాలంగా ఎదురుచూస్తున్న చర్యను సూచిస్తుంది.

 

కార్యనిర్వాహకులు:

 

ప్రజల భాగస్వామ్యం ద్వారా ప్రభుత్వం అత్యంత పరివర్తనాత్మక చర్యలు చేపట్టింది, ఇది మన ప్రజాస్వామ్య బలాన్ని ప్రదర్శించింది.

 

దేశవ్యాప్త "స్వచ్ఛ భారత్" ప్రచారాన్ని చేపట్టడం నుండి డిజిటల్ పబ్లిక్ ఇన్ఫ్రాస్ట్రక్చర్ ప్రోత్సాహం ద్వారా దాదాపు వంద కోట్ల మందిని ఆన్ లైన్ లోకి తీసుకురావడం వరకు, ప్రపంచ బ్యాంక్ ఐఎంఎఫ్ ప్రశంసలు అందుకుంది.  2022 లో మన డిజిటల్ లావాదేవీలు యుఎస్, యుకె, ఫ్రాన్స్ , జర్మనీ ల సంయుక్త లావాదేవీల కంటే నాలుగు రెట్లు ఎక్కువ. మన యు పి ఐ ని  సింగపూర్ వంటి దేశాలు కూడా అన్వయించకుంటున్నాయి.

 

మిత్రులారా, మనం ఒక విప్లవాత్మకమైన ప్రజా మౌలిక సదుపాయాల పురోగతిని చూస్తున్నాము. ఇప్పుడు మనం చూస్తున్న భారత ముఖచిత్రం దశాబ్దం క్రితం మనం చూసిన దానికంటే చాలా భిన్నంగా ఉంది. ఒక దశాబ్దం క్రితం మనం ఫ్రాగిల్  ఫైవ్ లో భాగంగా ఉన్నాము, ఇప్పుడు మనం ప్రపంచంలో 5 వ అతిపెద్ద ఆర్థిక వ్యవస్థగా ఉన్నాము.  ఇంకా మూడవ అతిపెద్ద ప్రపంచ ఆర్థిక వ్యవస్థగా మారే మార్గంలో ఉన్నాము. ఇప్పటికే కెనడా ,  యుకె లను అధిగమించాము.  త్వరలో జపాన్,  జర్మనీని కూడా అధిగమిస్తాము.

 

ఆగస్టు 2023 లో భారతదేశం  చంద్రయాన్ -3 మానవరహిత ప్రోబ్ ను చంద్రుడి దక్షిణ ధ్రువానికి సమీపంలో దింపింది, ఈ ఘనత సాధించిన ప్రపంచంలోని మొదటి ,  ఏకైక దేశంగా నిలిచింది.

 

జీ20: కొద్ది రోజులకే ఢిల్లీలో జరిగిన జీ20 లీడర్స్ సమ్మిట్ లో ప్రపంచంలోని ప్రముఖ ఆర్థిక వ్యవస్థలకు ఆతిథ్యమిచ్చాం.

 

ఆఫ్రికా యూనియన్ ను శాశ్వత జి 20 సభ్యదేశంగా చేర్చడం లో ప్రధాని నరేంద్ర మోదీ విజయం సాధించారు. మునుపెన్నడూ లేని విధంగా అంతర్జాతీయ వేదికపై గ్లోబల్ సౌత్ గళాన్ని పెంచారు. ఈ రెండు చారిత్రాత్మక పరిణామాలు  ప్రపంచవ్యాప్తంగా భారత్ ఎదుగుదలను సూచిస్తున్నాయి. ఇ యు  ఇప్పటికే జీ-20లో భాగంగా ఉంది. గ్లోబల్ సౌత్ కు భారతదేశం చాలా బలమైన గళంగా  మారింది.

 

జి 20 అధ్యక్షహోదాలో భారతదేశం ప్రపంచానికి జిడిపి-కేంద్రీకృత పురోగతి నుండి మానవ-కేంద్రీకృత పురోగతి యథాతథ స్థితికి ప్రత్యామ్నాయాన్ని అందించడానికి ప్రయత్నించింది. ప్రజలను సంతృప్తి పరిచే పారామీటర్లను మనం విశ్లేషించాలి.  అతడు లేదా ఆమె అతని లేదా ఆమె సామర్థ్యాన్ని కలిగి ఉంటారు.  ప్రపంచం దానిని అంగీకరించింది.

 

మనల్ని విడదీసే వాటి కంటే మనల్ని ఏకం చేసేది ఏమిటో ప్రధాని నరేంద్ర మోదీ ప్రపంచానికి గుర్తు చేశారు. సమ్మిళిత, ప్రతిష్టాత్మక, కార్యాచరణ ఆధారిత ,  నిర్ణయాత్మక - ఈ నాలుగు పదాలు జి 20 అధ్యక్ష హోదాలో మన విధానాన్ని నిర్వచించాయి. ఈ చర్యల ఫలితంగా, మనం నేడు వేగంగా అభివృద్ధి చెందుతున్న అతిపెద్ద ఆర్థిక వ్యవస్థగా ఇంకా ప్రపంచ బ్యాంకు ప్రకారం పెట్టుబడులు ,  అవకాశాలకు అత్యంత అనుకూల, ఆకర్షక హాట్  గమ్యస్థానంగా గుర్తింపు పొందాము.

 

సాంకేతికత:

 

విచ్ఛిన్నకర సాంకేతిక పరిజ్ఞానం రాక కొత్త సవాళ్లతో పాటు అవకాశాలను కూడా విసురుతోంది. ఒకప్పుడు సాంకేతిక పరిజ్ఞానాన్ని అభివృద్ధి చేయడానికి ఇతర దేశాల వైపు చూసేవాళ్లం, ఆ తర్వాత టెక్నాలజీని అందించడానికి వాటి వైపు చూసేవాళ్లం, అప్పుడు వారు సాంకేతిక పరిజ్ఞానాన్ని పరిమిత స్థాయిలో కలిగి ఉండడం వల్ల మనం చాలా వెనుకబడి ఉన్నాం.

 

ఇలాంటి సాంకేతిక పరిజ్ఞానాన్ని పరిశోధించడం, వినియోగించుకోవడంలో తనదైన పంథాను అనుసరిస్తున్న ప్రపంచంలోని అతికొద్ది దేశాల్లో భారత్ ఇప్పటికే ఒకటిగా నిలిచింది.

 

ఆర్టిఫిషియల్ ఇంటెలిజెన్స్, క్వాంటమ్ కంప్యూటింగ్, మెషిన్ లెర్నింగ్, ఇంటర్నెట్ ఆఫ్ థింగ్స్, 6జీ, గ్రీన్ ఎనర్జీ వంటి అత్యాధునిక సాంకేతిక పరిజ్ఞానాలపై ఇప్పటికే మన ప్రయత్నాలను నడిపించాం, తద్వారా Bharat@2047 కేవలం విజన్ కాదు, మన కలల ప్రపంచాన్ని అధిగమించే వాస్తవం!

 

నేను 1989 లో ఎం పి గా, కేంద్ర ప్రభుత్వంలో మంత్రిగా ఉన్నాను.  ఒకప్పుడు సోనే కీ చిడియా (బంగారు పక్షి) అని పిలువబడే దేశం మన ఆర్థిక విశ్వసనీయత ,  వయబిలిటీని కొనసాగించడానికి స్విస్ బ్యాంకులకు భౌతిక రూపంలో బంగారాన్ని పంపవలసి వచ్చింది. ఇప్పుడు మన ఫారెక్స్ నిల్వలు 600 బిలియన్ డాలర్లకు పైగా ఉన్నాయి.

 

మన ప్రధాన మంత్రి శ్రీ నరేంద్ర మోదీ తీసుకువచ్చిన వెన్నెముక లాంటి నాయకత్వం ఈ పెద్ద మార్పును తీసుకువచ్చిందని చెప్పడానికి నాకు ఎటువంటి సంకోచం లేదు, మన పాస్ పోర్ట్ కు అర్థం మారింది.  మన గళం మన అభిప్రాయాన్ని చెప్పే స్థాయిలో ప్రపంచవ్యాప్తంగా  వినిపిస్తుంది.  మనం ఎవరి దృక్పథాన్ని అనుసరించము.

 

నేడు, సమాజంలోని ప్రతి సభ్యుడు ప్రత్యేకతను ఆకాంక్షించడానికి, ప్రతిభను వెలికితీయడానికి ,  వారి కలలను అనుసరించడానికి ,  సాకారం చేసుకోవడానికి అనుమతించే అటువంటి సమర్థవంతమైన పర్యావరణ వ్యవస్థను దేశం కలిగి ఉంది. స్టార్టప్ లు యూనికార్న్ లను చూడండి.

 

2047లో , మన స్వాతంత్ర్య శతాబ్ది ఉత్సవాల నాటికి, భారతదేశానికి మాత్రమే కాకుండా, ప్రపంచానికి అమూల్యమైన ఆలోచన  అభ్యాస కేంద్రాలుగా ఉన్న నలంద, విక్రమశిల, తక్షశిల వంటి సంస్థలు మరోసారి మనకు లభిస్తాయనడంలో నాకు ఎటువంటి సందేహం లేదు.

 

మన కార్పొరేట్లు,  విశ్వవిద్యాలయాలు అవకాశాన్ని అందిపుచ్చుకోవడానికి, విఘాతం కలిగించే సాంకేతికతలను ఆర్ 7 డి కి అంటిపెట్టుకుని ఉండటానికి lసమయం ఆసన్నమైంది. తద్వారా మనం అసలైన  ప్రపంచ సారథిగా  మారతాము.   సాంకేతికత మనం ఎవరు సురక్షితంగా ఉన్నామో నిర్వచిస్తుంది. ఇది మన జాతీయ భద్రతకు కీలకం.

 

ఆయుర్వేద  విజ్ఞాన సంపద, ఆధ్యాత్మికత, ఇప్పటికే ప్రపంచవ్యాప్తంగా విస్తృతంగా గుర్తింపు పొందిన యోగా బహుమతి రూపంలో భారతదేశ మృదు శక్తి రాబోయే దశాబ్దాలలో మానవాళికి మరింత గొప్ప మార్గదర్శక శక్తిగా మారుతుంది.

 

మరో రైతు (కిసాన్) ను గౌరవించడం నిజంగా ఒక ముఖ్యమైన సందర్భం: భారతదేశ సేవ కోసం నిజంగా తన జీవితాన్ని అంకితం చేసిన వ్యక్తి.

 

ఒక కిసాన్ పుత్రుడిగా నాకంటూ ఒక గొప్ప సందేశాన్ని తీసుకువెళుతున్నాను. దేశాభివృద్ధిపై నాకున్న నమ్మకాన్ని పునరుద్ఘాటిస్తున్నాను.  స్వర్గీయ జస్టిస్ కొండా మాధవరెడ్డి ఒక చిహ్నం. అసలైన ప్రామాణిక చిహ్నం.

 

మిత్రులారా,  వివేకవంతమైన మనస్సు, జ్ఞానం ఉన్న వ్యక్తి రాజకీయ , ఆర్థిక సమానత్వాన్ని రాజకీయం చేయడాన్ని, ఇతరుల అజ్ఞానాన్ని వ్యాపారం చేయడాన్ని మించిన ప్రమాదకరమైనది మన సమాజానికి మరొకటి ఉండదు, జస్టిస్ కొండా మాధవరెడ్డి అందుకు భిన్నం. ఆయన ఒక సందేశం ఇచ్చారు.   మనం ఆ సందేశాన్ని తీసుకువెళ్ళాలి. దేశ సేవ కోసం తన జీవితాన్ని అంకితం చేసిన వ్యక్తి. సుప్రీం కోర్టు ఆశయాన్ని నిలబెట్టిన వ్యక్తి: నీతి, నైతిక కర్తవ్యం ఉన్న చోట విజయం ఉంటుంది.

 

జస్టిస్ కొండా మాధవరెడ్డి జీవితం, కృషి 2047 నాటికి మన కలల దేశాన్ని రూపొందించడానికి కలిసికట్టుగా ముందుకు సాగుతున్నప్పుడు మెరుగైన , బలమైన దేశాన్ని నిర్మించడంలో నేటి యువతీయువకులకు మార్గనిర్దేశం చేస్తూ, స్ఫూర్తినిస్తూనే ఉంటుందని నేను విశ్వసిస్తున్నాను.

 

ధన్యవాదాలు. జై హింద్

***

(Release ID: 1991072) Visitor Counter : 108