કેન્દ્રીય ગૃહ અને સહકારિતા મંત્રી શ્રી અમિત શાહે આજે ગુજરાતના અમદાવાદમાં પીએમ-સ્વનિધિ યોજનાના લાભાર્થીઓ અને તેમના પરિવારો સાથે સ્નેહ મિલન કાર્યક્રમને સંબોધિત કર્યો હતો. આ પ્રસંગે ગુજરાતના મુખ્યમંત્રી શ્રી ભૂપેન્દ્ર પટેલ સહિત અનેક મહાનુભાવો ઉપસ્થિત રહ્યા હતા.

આ પ્રસંગે શ્રી અમિત શાહે જણાવ્યું હતું કે, પ્રધાનમંત્રી શ્રી નરેન્દ્ર મોદીએ દેશમાં એવી વ્યવસ્થા કરી છે કે આગામી 5 વર્ષ સુધી 80 કરોડ ગરીબોને દર મહિને વ્યક્તિ દીઠ 5 કિલો અનાજ મફતમાં મળશે. તેમણે કહ્યું કે દાયકાઓથી દેશમાં આ પ્રકારનો વર્ગ હતો જેમણે પોતાની મહેનત અને પરસેવાથી દેશના વિકાસમાં યોગદાન આપ્યું છે. તેમણે કહ્યું કે આ કેટેગરી માટે જ પ્રધાનમંત્રી મોદી પીએમ-સ્વનિધિ યોજના લાવ્યા અને આ અંતર્ગત આ લોકોને કામ શરૂ કરવા માટે નાની લોનની વ્યવસ્થા કરવામાં આવી.

કેન્દ્રીય ગૃહ અને સહકારિતા મંત્રીએ જણાવ્યું હતું કે અમદાવાદ મ્યુનિસિપલ કોર્પોરેશને સમગ્ર દેશમાં એક જ શહેરમાં 1.5 લાખથી વધુ નાના વેપારીઓને લોન આપવાનું કામ કર્યું છે. તેમણે કહ્યું કે નાના વેપાર દ્વારા પોતાના પરિવારનું ભરણપોષણ કરનાર વેપારી જેટલી પ્રામાણિકતા કોઈ પાસે નથી. તેમણે કહ્યું કે હવે નાના શેરી વિક્રેતાઓ લોન લેવા બેંકોમાં જાય છે અને ગર્વથી કહે છે કે પ્રધાનમંત્રી શ્રી નરેન્દ્ર મોદી તેમની લોનના ગેરેન્ટર છે. તેમણે કહ્યું કે આ લોકોએ લોન વસૂલવાનો સમય પૂરો થાય તે પહેલા જ લોન પરત કરી દીધી હતી. શ્રી શાહે કહ્યું કે પ્રધાનમંત્રી મોદીએ પણ આ નાના વેપારીઓને ડિજિટલ યુગમાં લઈ જવાનું કામ કર્યું છે. તેમણે કહ્યું કે આજે દેશભરના નાના વેપારીઓને કોઈપણ ગેરંટી વગર લોન મળે છે અને લોનના પૈસા સીધા તેમના બેંક ખાતામાં આવે છે. શ્રી શાહે જણાવ્યું હતું કે આ વર્ગને આત્મનિર્ભર બનાવવા માટે પ્રધાનમંત્રી મોદીએ લીધેલા પગલાંના પરિણામે આ લોકો હવે દેશના અર્થતંત્રના વિકાસ સાથે જોડાયેલા છે. તેમણે કહ્યું કે પીએમ-સ્વનિધિ યોજનાથી ગરીબોના જીવનમાં આત્મસન્માન અને સન્માનની ભાવના આવી છે અને તેમના પરિવારના સભ્યો પણ આત્મનિર્ભર બનીને આગળ વધી રહ્યા છે.

શ્રી અમિત શાહે કહ્યું કે, પ્રધાનમંત્રી મોદીના દૂરંદેશી નેતૃત્વને કારણે આજે દેશનો ગરીબ વર્ગ સ્વનિધિ દ્વારા સ્વરોજગાર, સ્વરોજગારથી સ્વાવલંબન અને સ્વાવલંબન દ્વારા સ્વાભિમાનની સફર કરવામાં સક્ષમ બની રહ્યો છે. તેમણે કહ્યું કે આ યોજના હેઠળ 1 ટકા વ્યાજ પર 50 હજાર રૂપિયા સુધીની કાર્યકારી મૂડી, નિયમિત ચૂકવણી પર 7 ટકા વાર્ષિક વ્યાજ સબસિડી અને ડિજિટલ ટ્રાન્ઝેક્શન કરવા પર પ્રતિ વર્ષ 1200 રૂપિયા વળતરની વ્યવસ્થા કરવામાં આવી છે. તેમણે કહ્યું કે ગુજરાતમાં અત્યાર સુધીમાં 1 કરોડ લોકો પાસેથી લોનની અરજીઓ આવી છે, જેમાંથી 76 લાખ લોકોને લોન આપવામાં આવી છે અને તેમાંથી 45 ટકા મહિલાઓ છે. તેમણે કહ્યું કે 5 ડિજિટલ કંપનીઓએ સ્વનિધિ યોજના હેઠળ લગભગ 40 લાખ નાના વેપારીઓ સાથે જોડાણ કર્યું છે અને તે તમામ ડિજિટલ પેમેન્ટમાં જોડાયા છે.

કેન્દ્રીય ગૃહ અને સહકારિતા મંત્રીએ કહ્યું કે પ્રધાનમંત્રી શ્રી નરેન્દ્ર મોદીએ છેલ્લા 10 વર્ષમાં સમગ્ર ભારતમાં પરિવર્તન લાવવાનું કામ કર્યું છે. તેમણે કહ્યું કે પીએમ-સ્વનિધિ યોજના હેઠળ ગાંધીનગર લોકસભા મતવિસ્તારના 6 લાખ લોકોને રૂ. 772 કરોડથી વધુની લોન આપવાનું કામ કરવામાં આવ્યું છે. તેમણે કહ્યું કે માત્ર અમદાવાદમાં જ મોદીજીના નેતૃત્વમાં રૂ. 3.25 કરોડની વ્યાજ સબસિડી આપવાનું કામ કરવામાં આવ્યું છે અને 70 હજારથી વધુ લોકોએ QR કોડ દ્વારા રૂ. 2 કરોડનું કેશબેક મેળવ્યું છે. શ્રી શાહે જણાવ્યું હતું કે, આંકડાઓ સાબિત કરે છે કે નાના ઉદ્યોગપતિ પણ દેશના અર્થતંત્રમાં મોટું યોગદાન આપી શકે છે. તેમણે કહ્યું કે સ્વનિધિ યોજનાની સાથે સાથે પ્રધાનમંત્રી જન ધન યોજના, પ્રધાનમંત્રી સુરક્ષા વીમા યોજના, શ્રમયોગી માનધન યોજના, જનનિ સુરક્ષા યોજના અને વન નેશન વન રાશન કાર્ડ યોજનાઓથી દેશના કરોડો લોકોને ફાયદો થયો છે. તેમણે કહ્યું કે હવે સમગ્ર દેશમાં જ્યાં પણ વ્યક્તિ જાય છે, તે જ જગ્યાએ તેને તેના હિસ્સાનું અનાજ મળી શકે છે, આવી વ્યવસ્થા વન નેશન, વન રેશન કાર્ડ હેઠળ કરવામાં આવી છે.

શ્રી અમિત શાહે જણાવ્યું હતું કે, ગુજરાત સરકારે ગાંધીનગર લોકસભા મતવિસ્તારમાં તમામ સરકારી યોજનાઓને 90 ટકાથી વધુ સંતૃપ્તિ સ્તરે અને સાત યોજનાઓને 100 ટકા સંતૃપ્તિ સ્તરે લઈ જવાનું કામ કર્યું છે. તેમણે કહ્યું કે માત્ર ગાંધીનગર લોકસભા મતવિસ્તારમાં જ 5,80,000 નાગરિકો છે જેમને કોઈને કોઈ સરકારી યોજનાનો લાભ મળ્યો છે. તેમણે કહ્યું કે એક જ લોકસભા ક્ષેત્રમાં લાખો લોકોને લાભ પહોંચાડવાનું કામ મોદીજીએ કામ કર્યું છે. શ્રી શાહે કહ્યું કે મોદીજીએ આત્મનિર્ભર ભારતની કલ્પના કરી છે અને આ અંતર્ગત ભારતના 140 કરોડ લોકોને અને દરેક ગરીબ વ્યક્તિને અવકાશ, સૈન્ય, ઉદ્યોગ વગેરે ક્ષેત્રોમાં આત્મનિર્ભર બનાવવાનો ઉદ્દેશ્ય છે. તેમણે કહ્યું કે મોદીજીએ દેશના ગરીબમાં ગરીબને સન્માન સાથે જીવવાની તક આપી છે. તેમણે કહ્યું કે મોદીજી દ્વારા લાવવામાં આવેલી વિશ્વકર્મા યોજના હેઠળ તમામ કારીગરોને વિશેષ તાલીમ, 15 હજાર રૂપિયાની ટૂલ કીટ અને 2 લાખ રૂપિયાની લોન આપવાનું કામ કરવામાં આવી રહ્યું છે. શ્રી શાહે કહ્યું કે, પ્રધાનમંત્રી મોદી માને છે કે સમાજના દરેક વ્યક્તિએ સન્માન સાથે જીવે, આત્મનિર્ભર બને, પોતાના બાળકોને શિક્ષિત કરે અને સ્વસ્થ નાગરિક બનાવે.

YP/JD