وزارت سیاحت نے سیاحت کو متنوع بنانے اور کم معروف مقامات کو فروغ دینے کے لیے مختلف اقدامات کئے ہیں۔

ملک میں کم معروف مقامات کو فروغ دینے کے لیے مندرجہ ذیل اقدامات کئے گئے ہیں:

1. بھارت میں گھریلو سیاحت کو فروغ دینے کے لیے وزارت کے ذریعہ 2020 میں دیکھو اپنا دیش پہل شروع کی گئی تھی۔ اس پہل کا مقصد شہریوں میں ملک کے مالا مال ورثے اور ثقافت کے بارے میں بیداری پیدا کرنے کے ساتھ ساتھ ملک کے کم معروف مقامات کو فروغ دینا تھا۔

2. اس اقدام کے تحت ویبینارز کے ذریعے کم معروف مقامات سمیت ملک میں سیاحتی مقامات کو بڑے پیمانے پر فروغ دیا جاتا ہے۔

3. وزارت کے مختلف فیلڈ دفاتر کم معروف مقامات کو مقبول بنانے کے لیے متعدد زمینی تشہیری سرگرمیاں انجام دیتے ہیں۔

4. آزادی کا امرت مہوتسو کے تحت بھارت میں 75 شاندار مقامات پر ایک ڈیجیٹل کتابچہ تیار کیا گیا ہے ، جس میں کئی کم معروف مقامات بھی شامل ہیں۔

5. کم معروف سیاحتی مقامات اور مصنوعات پر وزارت کے سوشل میڈیا ہینڈلز کے ذریعے سوشل میڈیا پروموشن کی جاتی ہے تاکہ ان مقامات کو عام لوگوں میں مقبول بنایا جاسکے۔

سیاحت کی ترقی کے لیے ٹکنالوجی کا فائدہ اٹھانے کے لیے ، وزارت سیاحت نے 01.01.2020 سے پین انڈیا انکریڈیبل انڈیا ٹورسٹ سہولت کار (آئی آئی ٹی ایف)/ انکریڈیبل انڈیا ٹورسٹ گائیڈ (آئی آئی ٹی جی) پروگرام متعارف کرایا ہے ، جو ایک ڈیجیٹل پہل ہے جس کا مقصد ملک بھر میں اچھی طرح سے تربیت یافتہ اور پیشہ ور انہ سیاحتی سہولت کاروں / گائیڈز کا پول تیار کرنے کے مقصد سے ایک آن لائن لرننگ پلیٹ فارم تیار کرنا ہے۔ امیدوار کہیں سے بھی اور کسی بھی وقت اور اپنی رفتار سے ان آن لائن کورسز کو آگے بڑھا سکتے ہیں۔

مزید برآں، وزارت سیاحت نے سیاحت کے فروغ کے لیے سیاحت کے و لاگرز اور مواد تخلیق کاروں کو مشغول کرنے کے لیے منزل کی برانڈنگ کے لیے سوشل میڈیا کا فائدہ اٹھانے کے لیے متعدد اقدامات کیے ہیں۔

یہ جانکاری مرکزی وزیر برائے ثقافت، سیاحت اور ڈی او این ای آر جناب جی کشن ریڈی نے آج لوک سبھا میں دی۔

***

(ش ح – ع ا – ع ر)

U. No. 2617

(Release ID: 1987943) Visitor Counter : 72