حکومت ہند اور ایشیائی ترقیاتی بینک (اے ڈی بی ) نے 15 دسمبر 2023 کو 37 بلین جاپانی ین (250 ملین ڈالر) کے قرض کے معاہدے پر دستخط کیے جو 82 کلومیٹر دہلی-میرٹھ ریجنل ریپڈ ٹرانزٹ سسٹم (آر آر ٹی ایس ) کوریڈور کی تعمیر کے لیے مالی اعانت جاری رکھے گا۔

قرض کے معاہدے پر دستخط کرنے والوں میں حکومت ہند کے لئے وزارت خزانہ کے اقتصادی امور کے محکمہ کی جوائنٹ سکریٹری محترمہ جوہی مکھرجی اور اے ڈی بی کے لیے انڈیا ریزی ڈینٹ مشن کے ڈپٹی کنٹری ڈائریکٹر اور آفس انچارج مسٹر ہو یون جیونگ تھے۔

قبل ازیں، اے ڈی بی نے 2020 میں اس منصوبے کے لیے 1,049 ملین ڈالر ملٹی ٹرانچ فنانسنگ فیسیلٹی (ایم ایف ایف) کی منظوری دی تھی تاکہ آر آر ٹی ایس کی تعمیر میں تعاون کیا جا سکے، جو کہ این سی آر علاقائی منصوبہ 2021 کے تحت منصوبہ بند تین ترجیحی ریل کوریڈورز میں سے اولین ہے، تاکہ دہلی کو ملحقہ دوسرے شہروں سے ملایا جا سکے۔ ریاستوں آر آر ٹی ایس کے پاس ملٹی ماڈل ہب ہوں گے تاکہ نقل و حمل کے دیگر طریقوں کے ساتھ ہموار تبادلے کو یقینی بنایا جا سکے۔ اے ڈی بی قرض کی پہلی قسط 500 ملین ڈالر تھی جس میں مزید 500 ملین ڈالر اے آئی آئی بی کے تعاون سے فراہم کیے گئے تھے۔

قرض کے معاہدے پر دستخط کرنے کے بعد، محترمہ مکھرجی نے کہا کہ سرمایہ کاری کا منصوبہ آر آر ٹی ایس کو شہری نقل و حرکت کو بہتر بنانے کے قابل بنائے گا، اور اس منصوبے کے معاشی اثرات سے خواتین اور معذور افراد کو بھی فائدہ پہنچے گا۔

مسٹر جیونگ نے کہا کہ "اے ڈی بی فائننسنگ راہداری کی تعمیر میں مدد کر رہی ہے جو لوگوں کو کم کاربن اور موثر ریلوے نظام کے ذریعے سفر کرنے اور لاکھوں ٹن کاربن ڈائی آکسائڈ کے اخراج کو بچانے اور موسمیاتی تبدیلیوں کو کم کرنے میں اہم کردار ادا کرنے مدد فراہم کرے گی۔"

قومی راجدھانی کے علاقے کے آبادی والے حصوں سے گزرتے ہوئے، 82 کلومیٹر طویل راہداری تیز رفتار، محفوظ اور اعلیٰ صلاحیت کی مسافر ٹرانزٹ خدمات فراہم کرے گی، سفر کے وقت کو 3-4 گھنٹے سے کم کرکے تقریباً ایک گھنٹہ تک لے کر خطے میں اقتصادی اور روزگار کے مواقع کو وسعت دے گی۔

**********

 

(ش ح –ا ب ن۔ م ف)

U.No:2620

(Release ID: 1987931) Visitor Counter : 69