تیزی سے شہر کاری کی روشنی میں اب یہ بڑے پیمانے پر تسلیم کیا جاتا ہے کہ بدلی ہوئی دنیا کو چلانے اور موسمیاتی تبدیلی سے نمٹنے، بھوک اور غربت کے خاتمے اور صحت مند زندگی کو فروغ دینے سے متعلق عالمی وعدوں کو پورا کرنے کے لیے شہر ہی اہم ایجنٹ ہوں گے۔ اس تناظر میں گجرات کے شہری ترقی اور شہری ہاؤسنگ ڈیپارٹمنٹ کے تحت گجرات کے شہری ترقی مشن نے احمد آباد میونسپل کارپوریشن اور دیگر شراکت دار تنظیموں کے ساتھ مل کر، آج مہاتما مندر، گاندھی نگر، گجرات میں "کل کے رہنے کے قابل شہر" پر پری-وائبرنٹ گجرات چوٹی كانفرنس کا انعقاد کیا۔

سربراہی اجلاس نے شہر کے رہنماؤں، ماہرین تعلیم، ماہرین صنعت اور علم کے متلاشیوں کو ہندوستان کے ساتھ ساتھ دنیا بھر سے ایسے اقدامات اور تجربات پر غور و فکر کرنے کے لیے اکٹھا کیا جن سے شہروں میں معیار زندگی کو بڑھانے کے لیے ایک روڈ میپ بنانے کے لیے علم کو مستحکم کرنے میں مدد ملے گی۔

یہ چوٹی كانفرنس شہروں کو اپنے منفرد اقدامات کو ظاہر کرنے اور 10 سے 12 جنوری 2024 کو طے شدہ  دی وائبرینٹ گجرات سربراہی اجلاس کے دسویں ایڈیشن کی توقع میں مستقبل میں تعاون کے ممکنہ راستے تلاش کرنے کے لیے ایک پلیٹ فارم فراہم کرتا ہے۔

افتتاحی اجلاس کے دوران ہاؤسنگ اور شہری امور کے وزیر مملکت کوشل کشور نے كہا كہ  وزیر اعظم جناب نریندر مودی کی دور اندیش قیادت میں  گجرات شہری ترقی کے ماڈل کے طور پر ابھرا ہے اور جامع اور پائیدار شہر کاری کی راہ ہموار کی ہے۔

وزیر اعلیٰ گجرات جناب بھوپیندر بھائی پٹیل  نے ایک خصوصی خطاب کے دوران کہا كہ پچھلی چند دہائیوں کے دوران ہم نے شہری ترقی اور بنیادی ڈھانچے میں نمایاں سرمایہ کاری کی ہے۔ ہمارے شہروں نے لینڈ پولنگ، ٹرانزٹ اورینٹڈ ڈویلپمنٹ، ہیریٹیج مینجمنٹ، اور پائیدار کچرے کے انتظام جیسے جدید تصورات کا آغاز کیا ہے۔ انہوں نے اس بات پر روشنی ڈالی کہ گفٹ سٹی، ڈریم سٹی وغیرہ جیسے پروجیکٹس مستقبل کے شہروں کی ترقی کے لیے گجرات کے عزم کا مظہر ہیں اور یہ منصوبے عالمی سطح پر مثالیں قائم کر رہے ہیں کہ شہروں کا تصور، تصور اور ترقی کیسے کی جاتی ہے۔

جناب راج کمار، چیف سکریٹری، حکومت۔ گجرات نے اس بات پر روشنی ڈالی کہ اس وقت تقریباً 48 فیصد گجرات شہر بن چكا ہے اور یہ تعداد 2035 تک 60 فیصد سے تجاوز کر سکتی ہے۔ انہوں نے مزید کہا کہ گجرات اسٹریٹجک شہری منصوبہ بندی اور ڈیزائن، فضلے کے انتظام اور سر سبز جگہوں کے ذریعے شہر کی ترقی کے لیے پائیدار ماڈلز کو نافذ کرنے میں بڑی پیش رفت کر رہا ہے۔

شہری ترقی اور شہری ہاؤسنگ ڈیپارٹمنٹ، گجرات كے پرنسپل سکریٹری  اور احمد آباد کے میونسپل کمشنر نے تمام شرکاء کا خیرمقدم کیا اور ان سے گجرات کی شہری کامیابیوں کو شیئر کیا۔

دنیا بھر سے تقریباً 800 افراد نے اس اجلاس میں شرکت کی جن میں ان تنظیموں کے 15 پینلسٹ بھی شامل ہیں جنہوں نے ہمارے شہروں کی زندگی کو بہتر بنانے میں اہم کردار ادا کیا ہے۔

 ان مباحثوں کی تکمیل کے لیے گجرات کے کارپوریشنوں اور یونیسیف كے علاوہ آئی سی ایل ای آئی، اے آئی آئی ایل ایس جی جیسی تنظیموں کے بہترین اقدامات اور اختراعات کی نمائش کے لیے ایک نمائش بھی منعقد کی گئی۔

***

ش ح۔ ع س۔ ک ا

(Release ID: 1987017) Visitor Counter : 60