نئی اور قابل تجدید توانائی اور بجلی کے مرکزی وزیر نے بتایا کہ نئی اور قابل تجدید توانائی کی وزارت مختلف تحقیقی اداروں اور صنعت کے ذریعے ’قابل تجدید توانائی كی تحقیق اور ٹیکنالوجی كی تیاری كے پروگرام‘ کو عمل میں لا رہی ہے۔ اس كا مقصد نئی اور قابل تجدید توانائی کے وسیع پیمانے پر استعمال کے لیے دیسی ٹیکنالوجیز اور مینوفیکچرنگ کو موثر اور کم لاگت سے تیار کرنا ہے۔ اس میں مشترکہ ٹیکنالوجی کی ترقی اور مظاہرے کے لیے بین الاقوامی تعاون شامل ہے۔

یہ سرکاری/غیر منافع بخش تحقیقی اداروں کو 100 فی صد تک اور صنعت، اسٹارٹ اپس، نجی اداروں، کاروباری اداروں اور مینوفیکچرنگ یونٹس کو 70 فی صد تک مالی مدد فراہم کرتا ہے۔

نئی اور قابل تجدید توانائی کی وزارت کی طرف سے دستخط کیے گئے مفاہمت ناموں/ معاہدوں/ ارادے کے مشترکہ اعلامیوں جے ڈی آئیز)/ لیٹرز آف انٹینٹ (ایل او ایل) اور گزشتہ تین سالوں اور موجودہ سال کے دوران قابل تجدید توانائی کے شعبے میں تحقیق یا مطالعات کو فروغ دینے کے لیے قومی اور بین الاقوامی اداروں/ممالک کے ساتھ ہندوستان کے تعاون کی تفصیلات ذیل میں دی گئی ہیں۔

گزشتہ تین سالوں اور موجودہ سال کے دوران قابل تجدید توانائی کے شعبے میں تحقیق یا مطالعات کو فروغ دینے کے لیے قومی اور بین الاقوامی اداروں/ممالک کے ساتھ نئی اور قابل تجدید توانائی کی وزارت کے ذریعہ دستخط شدہ مفاہمت ناموں/معاہدوں/جے ڈی آئیز/ایل او ایلز کی فہرست۔

 

 

نئی اور قابل تجدید توانائی کے مختلف شعبوں میں ملک میں ٹیکنالوجی کی ترقی اور مظاہرے کے لیے تحقیق بین الاقوامی معیار کی سطح پر کی جا رہی ہے۔ ان شعبوں میں سولر تھرمل سسٹم، سولر فوٹوولٹک سسٹم، بائیو گیس سسٹم، ویسٹ ٹو انرجی سسٹم، ونڈ انرجی سسٹم، ہائبرڈ سسٹم، ہائیڈروجن اور فیول سیلز، جیوتھرمل،بشمول جدید ٹیکنالوجیز جیسے پرووسکائٹس سولر سیل، آرگینک سولر سیل اور اسٹوریج ٹیکنالوجیز وغیرہ شا مل ہیں۔

یہ اطلاع نئی اور قابل تجدید توانائی اور بجلی کے مرکزی وزیر جناب آر کے سنگھ نے آج 12 دسمبر 2023 کو راجیہ سبھا میں ایک سوال کے تحریری جواب میں دی ہے۔

***

ش ح۔ ع س۔ ک ا

(Release ID: 1985688) Visitor Counter : 89