قومی تعلیمی پالیسی 2020 کی سفارشات پر عمل کرتے ہوئے، مرکزی وزیر تعلیم، جناب دھرمیندر پردھان نے آج نو تشکیل شدہ نیشنل بک پروموشن کونسل کی میٹنگ کی۔ اس کا مقصد ماہرین کی مشاورتی کمیٹی کی طرف سے تیار کردہ نیشنل بک پروموشن پالیسی کے مسودے کا جائزہ لینا تھا۔

میٹنگ کے دوران، جناب پردھان نے اسکولی بچوں میں پڑھنے کی عادت پیدا کرنے کی اہمیت پر زور دیا۔ انہوں نے اس باہمی کردار پر روشنی ڈالی جو اساتذہ، والدین اور ادارے اس عادت کو فروغ دینے میں ادا کر سکتے ہیں۔ اس کے علاوہ، انہوں نے ذکر کیا کہ قارئین کا عصری رجحان کتابوں کے استعمال کے لیے ڈیجیٹل پلیٹ فارموں کی طرف جھکاؤ رکھتا ہے۔ لہذا، انہوں نے مجوزہ پالیسی میں ڈیجیٹل مواد بشمول آڈیو ویژول عناصر کو زیادہ نمایاں کرنے کی ضرورت پر زور دیا۔ اس کے علاوہ، انہوں نے ایسے مواد کی اشاعت کی اہمیت پر بھی زور دیا جو ہندوستانی اقدار، اخلاقیات کی عکاسی کرتا ہو اور ہندوستانی ثقافت کی جڑوں میں پیوست ہو۔

وزیر موصوف نے پالیسی کے مسودے کی دستاویز کو حتمی شکل دینے سے پہلے تمام اسٹیک ہولڈروں اور متنوع پس منظر سے تعلق رکھنے والے افراد سے رائے اکٹھی کرنے کے لیے اسے عام کرنے کی ہدایت کی۔

**************

 

ش ح۔ ف ش ع- م ف

U: 2290

(Release ID: 1985657) Visitor Counter : 42