नवी दिल्ली, 12 डिसेंबर 2023

नागपूर इथे बहु-पर्यायी लॉजिस्टिक्स पार्क विकसित करण्यासाठी, भारतीय राष्ट्रीय महामार्ग प्राधिकरणाने, मेसर्स डीसी मल्टी मोडल लॉजिस्टिक्स पार्क लिमिटेड या एस. पी. व्ही. डेल्टाबुल्क शिपिंग इंडिया प्रा. नागपूरच्या स्पेशल पर्पस व्हेईकलबरोबर  करार केला आहे. सार्वजनिक-खाजगी भागीदारी मॉडेल अंतर्गत 150 एकर क्षेत्रामध्ये 673 कोटी रुपये खर्चून हा लॉजिस्टिक्स पार्क विकसित केला जाईल. हा प्रकल्प पीएम गतिशक्ती नॅशनल मास्टर प्लॅन अंतर्गत महाराष्ट्रातील पहिला एमएमएलपी होण्यास सज्ज असून, तो देशाच्या विकासातील एक महत्त्वाचा टप्पा ठरेल.

हा बहु-पर्यायी लॉजिस्टिक्स पार्क तीन टप्प्यात विकसित केला जाईल. पहिल्या टप्प्यातील गुंतवणुक 137 कोटी रुपये असून, हे काम दोन वर्षांत पूर्ण होणे अपेक्षित आहे. एमएमएलपी आपल्या 45 वर्षांच्या अपेक्षित कालावधीत सुमारे 9.47 दशलक्ष मेट्रिक टन (एमएमटी) मालवाहतूक करेल आणि नागपूर, वर्धा, चंद्रपूर आणि गोंदियासारख्या पाणलोट क्षेत्रातील औद्योगिक क्षेत्रांना यामुळे मोठी चालना मिळेल.  यामुळे रोजगाराच्या अनेक संधी निर्माण होतील आणि या प्रदेशात आर्थिक विकास होईल.

विदर्भात, वर्धा जिल्ह्यातील सिंधी (रेल्वे स्थानकाजवळ) हा लॉजिस्टिक्स  पार्क विकसित केला जाईल.  हे ठिकाण एका बाजूला नागपूर-मुंबई समृद्धी महामार्गापासून आणि दुसऱ्या बाजूला हावडा-नागपूर-मुंबई रेल्वे मार्गापासून सुमारे 3 कि. मी. अंतरावर आहे. हावडा-नागपूर-मुंबई रेल्वे मार्गावरील सिंधी  रेल्वे स्थानकापासून 3 किमी लांबीच्या रेल्वे साइडिंगचे काम मोठ्या प्रमाणात पूर्ण झाले आहे. एम. एम. एल. पी. ला नागपूर-औरंगाबाद, एन. एच. 361 या चौपदरी मार्गावरूनही प्रवेश दिला जाईल. हे ठिकाण नागपूर आंतरराष्ट्रीय विमानतळापासून 48 किमी आणि नागपूर रेल्वे स्थानकापासून 56 किमी अंतरावर आहे.

ही  एस. पी. व्ही (स्पेशल पर्पस व्हेईकल) कंपनी,  नागपूर एम. एम. एल. पी. प्रा. नॅशनल हायवे लॉजिस्टिक्स मॅनेजमेंट लिमिटेड (एनएचएलएमएल) एनएचएआय आणि जवाहरलाल नेहरू बंदर प्राधिकरण यांच्या 100% मालकीची कंपनी आहे. (JNPA).  एम. एम. एल. पी. च्या विकासासाठी जेएनपीए. ने जमीन पुरवली आहे आणि. बाह्य रेल्वे, रस्ते जोडणी तसेच पाणी आणि वीजपुरवठा अशा सुविधा, नॅशनल हायवे लॉजिस्टिक्स मॅनेजमेंट लिमिटेड पुरवत आहे.

हा बहुपर्यायी लॉजिस्टिक्स पार्क,  गोदामे, शीतगृह, आंतर-मोडल हस्तांतरण, कंटेनर टर्मिनल्स हाताळणी सुविधा, मोठ्या प्रमाणात/ब्रेक-बल्क कार्गो टर्मिनल्ससह वर्गीकरण/श्रेणीकरण आणि एकत्रीकरण/वर्गीकरण क्षेत्रे, गोदामे आणि सीमाशुल्क सुविधा यासारख्या मूल्यवर्धित सेवा तसेच मालवाहतूक करणाऱ्यांसाठी कार्यालये आणि वाहतूकदार आणि ट्रक टर्मिनल्स अशा सुविधा प्रदान करेल.

एकूण मालवाहतूक खर्च आणि वेळ कमी करण्यासाठी कार्यक्षम आंतर-मॉडेल मालवाहतूक सक्षम करून देशाच्या मालवाहतूक लॉजिस्टिक क्षेत्रात सुधारणा करण्यासाठी बहुपर्यायी लॉजिस्टीक्स पार्कचा विकास हा भारत सरकारचा एक प्रमुख उपक्रम असून गोदामांची कार्यक्षमता वाढवणे, मालाच्या वाहतुकीचा माग ठेवणे, मालवाहतुकीची कार्यक्षमता सुधारणे शक्य होऊन, भारतीय लॉजिस्टिक क्षेत्राची कार्यक्षमता वाढू शकेल.

S.Bedekar/R.Aghor/P.Malandkar

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

 

(Release ID: 1985586) Visitor Counter : 131