اس بات کو یقینی بنانے کے لیے کہ غیر معیاری اسٹیل اور اسٹیل کی مصنوعات پر ہندوستانی منڈیوں میں داخل نہ ہوں (دونوں ملکی اور غیر ملکی پروڈیوسروں سے)، اسٹیل کی وزارت نے اسٹیل اور اسٹیل کی مصنوعات پر 145 ہندوستانی معیارات پر کوالٹی کنٹرول آرڈر(کیوسی او) کے بارے میں آگاہ کیا ہے۔ کیو سی او بیورو آف انڈین اسٹینڈرڈز (بی آئی ایس) سے لازمی سرٹیفیکیشن کے ذریعے، متعلقہ ہندوستانی معیارات کے مطابق بازار میں داخل ہونے یا آنے والی اسٹیل اور اسٹیل کی مصنوعات پر لازمی قرار دیتا ہے۔ کوالٹی کنٹرول آرڈر کیوسی او کے ذریعے مطلع کردہ 145 ہندوستانی معیارات کے تحت موجود تمام سٹیل گریڈز پر لاگو ہوتا ہے، جس میں سادہ کاربن اسٹیل، مخلوط اسٹیل اور اسٹینلیس اسٹیل شامل ہیں۔ بی آئی ایس ایکٹ، 2016 کے سیکشن 17 کی دفعات کے مطابق، ایک درست بی آئی ایس لائسنس کے تحت کوئی بھی اسٹیل اور اسٹیل مصنوعات ہندوستانی مارکیٹ میں بی آئی ایس اسٹینڈرڈ مارک کے بغیر داخل نہیں ہو سکتی ہیں۔

بی آئی ایس لائسنس، متعلقہ ہندوستانی معیار کے مطابق، صنعت کار کے مینوفیکچرنگ اور جانچ کے بنیادی ڈھانچے کا مکمل جائزہ لینے اور ہندوستانی معیار کے مطابق مصنوعات کی مطابقت کو یقینی بنانے کے بعد بی آئی ایس کی طرف سے گھریلو اور غیر ملکی مینوفیکچررز کو جاری کیا جاتا ہے۔ لائسنس کی منظوری کے بعد، مواد کی ہر کھیپ، متعلقہ ہندوستانی معیار کے مطابق، مقامی طور پر تیار کی جاتی ہے یا ہندوستان میں درآمد کی جاتی ہے، اس کے لیے بی آئی ایس معیاری نشان کا ہونا ضروری ہے۔

بی آئی ایس، فیکٹری کے معائنے اور مارکیٹ کی نگرانی کے ذریعے باقاعدہ جانچ بھی کرتا ہے تاکہ اس بات کو یقینی بنایا جا سکے کہ تیار کی جانے والی اسٹیل کی مصنوعات مستقل بنیادوں پر معیار کے تقاضوں کی تعمیل کر رہی ہے۔ کیو سی او کی خلاف ورزی کی صورت میں، بی آئی ایس نفاذ کی سرگرمیاں بھی انجام دیتا ہے۔

یہ معلومات  اسٹیل کے وزیر مملکت ایس ایچ فگن سنگھ کلستے  نے آج راجیہ سبھا میں ایک سوال کے تحریری جواب میں دی۔

ش ح۔   ش ت۔ج

Uno-2207

 

(Release ID: 1985207) Visitor Counter : 46