ঙসি ভিদিও কনফরেন্সকী থোংদা প্রধান মন্ত্রী, শ্রী নরেন্দ্র মোদীনা ‘বিক্ষিৎ ভারত @2047: ভোইস ওফ য়ুথ’ হৌদোকপদা লৈবাক্কী অতৈগা লোয়ননা মনিপুরসু শরুক য়াখ্রে। রাজ্য অসিদা ওফিসিএল ওইবা থৌরম ইম্ফালগী রাজ ভাবনগী দরবার হোলদা পাঙথোকখি, মসিদা রাজ্যগী এজুকেসন মন্ত্রী শ্রী তি.ঐচ. বসন্তাকুমার অমসুং অতোপ্পা ওফিসিএলশিংগা লোয়ননা মনিপুরগী রাজ্যপাল অনুস্যুয়া উইকেনা দিগনিতরীশিং ওইনা লেংশিনখি।

থৌরম অসিদা প্রধান মন্ত্রী মোদীনা ইনিসিএতিব অসি হৌদোকপা ওইনা লৈবাক শিনবা থুংবদা লৈরিবা রাজ ভাবনশিংদা পাঙথোকপা ৱার্কশোপশিংদা য়ুনিভর্সিতীশিংগী ভাইস চাঞ্চেল্লরশিং, ইন্সতিত্যুতশিংগী হেদশিং অমসুং ফেকলতী মেম্বরশিংদা ৱা ঙাংখি। মহাক্না বিক্ষিৎ ভারতকা মরী লৈনবা আইদিয়াস পোর্তেলসু লোঞ্চ তৌখি অমসুং তোঙান-তোঙানবা থিম মঙাদা সজেসনশিং পীরক্নবা হায়খি।

  

প্রধান মন্ত্রীনা বিক্ষিৎ ভারত অমা শেমগৎনবা ঙসিগী ৱার্কশোপ পাঙথোকপগীদমক রাজ্যপাল পুম্নমক্তা চাউনা থাগৎপা ফোঙদোকখি অমসুং হায়খি মদুদি ঙসি অসি ফিরেপ অসিগী মতাংদা অখন্নবা থৌরম অমনি। মহাক্না বিক্ষিৎ ভারত @2047গী পান্দম ফংনবা লৈবাক্কী নহারোলবু লমজিংবদা মখোয়গী থৌদাং লৈরিবা স্তেকহোল্দর পুম্নমক পুনশিনবদা মখোয়না শরুক তম্মিবা অসিবু থাগৎখি। প্রধান মন্ত্রীনা হায়খি মদুদি লৈবাক অমা হেক্তগী খোঙচৎতা পুৱারীনা লৈবাক অদুগী চাউখৎ খোঙচৎতা চাউনা খোঙথাংশিং লৌখৎনবা তানফম অমা পীরি। ভারতকীদমক “মসিগী অমৃত কাল অসি চত্থরি” অমসুং “মসি লৈবাক অসিনা ক্বান্তম লীপ তৌনবা চংশিল্লিবা অদুগুম্বা ভারতকী পুৱারীগী তানফম অমনি”।

প্রধান মন্ত্রীনা মীওই অমগী পর্সনেলিতী দিবেলপমেন্তদা এজুকেস্নেল ইন্সতিত্যুসনশিংগী থৌদাং অদু ফোঙদোকখি অমসুং হায়খি মদুদি লৈবাক অদুগী মীয়াম্না চাউখৎলবা মতমদা খক্তা লৈবাক অদু চাউখৎপা ঙম্মি। হৌজিক্কী চহিচা অসিদা পর্সনেলিতী দিবেলপমেন্তগী মরু ওইবা অদু থম্লদুনা প্রধান মন্ত্রীনা ভোইস ওফ য়ুথ ৱার্কশোপ মাইপাক্নবগীদমক মহাক্না য়াইফ-মঙ্গোল পীখি।

রাজ ভাবনগী দরবার হোলদা পাঙথোকখিবা ৱার্কশোপ মনুংদা মনিপুর য়ুনিভর্সিতী ওফ কলচর অমসুং বির তিকেন্দ্রজিৎ য়ুনিভর্সিতীদগী এক্সপর্তশিংনা ‘এম্পাৱর্দ ইন্দিয়ন্স’ হায়বা অসিদা ৱা ঙাংখি। খন্ন-নৈনখিবা অতোপ্পা তোপিকশিংদা মনিপুর য়ুনিভর্সিতী অমসুং ধনামঞ্জুরি য়ুনিভর্সিতীগী এক্সপোর্তশিংনা ৱা ঙাংখিবা ‘থ্রাইবিং এন্দ সস্তেনেবল ইকনোমী’ য়াওখি। সেন্ত্রেল এগ্রিকলচর য়ুনিভর্সিতী অমসুং ইন্দিয়ন ইন্সতিত্যুত ওফ তেক্নোলোজী, ইম্ফালদগী এক্সপর্তশিংনা ‘ইন্নোবেসন, সাইন্স এন্দ তেক্নোলোজী’দা খন্ন-নৈনখি।

মতুংদা থৌরম অদুদা রাজ্যপালনা ৱা ঙাংখি অমসুং হায়খি মদুদি ওজাশিং অমসুং য়ুনিভর্সিতীশিংনা ভারতনা খোঙজেল য়াংনা চাউখৎপা লৈবাক অমা ওইনবা লম্বীশিং থীদোক্নবা খন্নগদবনি অমসুং চাউখৎপা লৈবাক অমা ওইনবা মাইকৈদা অখন্নবা সেক্তরশিং ফগৎহন্নবগীদমক খঙদোক্কদবনি হায়না ফোঙদোকখি।

রাজ্যপালনা য়ুনিভর্সিতী খুদিংমক্কী মহৈরোয়শিং অমসুং নহারোলগী শক্তি অসি ‘বিক্ষিৎ ভারত’কী অমত্তা ওইবা পান্দম ফংনবা মাইকৈদা চেনেল তৌবা মথৌ তাই হায়খি। মহাক্না মীপুম খুদিংমক্তা মখোয়গী লিমিৎশিংগী ৱাংমা লান্থোক্তুনা বিক্ষিৎ ভারত@2047কী বিজন অমদা শরুক তম্নবা হায়খি।

মখা তারদুনা রাজ্যপালনা মনিপুরদা হৌজিক ওইরিবা ফীভম অসি নুংনাংনীংঙাই ওই অমসুং মসিনা চাউখৎ-খোঙচৎ মনিং হলহল্লি হায়না ফোঙদোকখি। মহাক্না নহারোলশিংদা রাজ্য অসি চাউখৎ-খোঙচৎতা অমুক খোঙজেল য়াংনা করম্না পুশিনগদগে হায়বগী মতাংদা আইদিয়াশিং ইনকোর্পোরেৎ তৌনবা অমসুং অনৌবা ৱাখল্লোন পুথোক্নবা হায়খি।

বেকগ্রাউন্দ

প্রধান মন্ত্রীগী লৈবাক অসিগী নহারোলশিং লৈবাক্কী থৌরাংশিং শেম্বা, লৈবাক্কী মরুওইবশিং অমসুং পান্দমশিং শেম্বদা থৱায় য়াওনা শরুক য়াহনবগী বিজনগী পরিং মখাদা ‘বিক্ষিৎ ভারত @2047: ভোইস ওফ য়ুথ’ ইনিসিএতিবনা বিক্ষিৎ ভারত @2047গী বিজনদা ৱাখল্লোনশিং শরুক তম্নবা লৈবাক্কী নহারোলদা ফম্পাক অমা পীরগনি। ৱার্কশোপ অসি বিক্ষিৎ ভারত @2047গীদমক মখোয়গী ৱাখল্লোনশিং অমসুং সজেসনশিং শিয়র তৌনবা নহারোলগা থবক তৌমিন্নবগী থৌওং অমা হৌদোক্নবা মাইকৈদা চংশিনবা মরু ওইবা খোঙথাং অমা ওইরগনি।

লৈবাক অসিনা নিংতম্বা চহি 100 মপুং ফারকপা, 2047দা ভারত চাউখৎলবা লৈবাক অমা ওইহনবা অসি বিক্ষিৎ ভারত @2047গী পান্দমনি। পান্দম অসিদা শেন-থুম চাউখৎপা, খুন্নাই চাউখৎপা, তুংকোইনা চৎনবা য়াবা মহৌশাগী অকোয়বগী ফিবম অমসুং অফবা লৈঙাক য়াওনা চাউখৎপগী তোঙান-তোঙানবা হীরমশিং কোনশিল্লি।

*****

EP/RM

(Release ID: 1985167) Visitor Counter : 87