روزگار اور بے روزگاری سے متعلق ڈیٹا متواتر لیبر فورس سروے(پی ایل ایف ایس) کے ذریعے جمع کیا جاتا ہے جو وزارت شماریات اور پروگرام کے نفاذ (ایم او ایس پی آئی) کے ذریعے کیا جاتا ہے۔ تازہ ترین دستیاب سالانہ پی ایل ایف ایس رپورٹس کے مطابق، 15 سال یا اس سے زیادہ عمر کے افراد کے لیے معمول کی حیثیت سے متوقع ومزدور آبادی تناسب(ڈبلیو پی آر) (ریاست کے لحاظ سے) منسلک ہے۔ملک میں مزدوروں کی آبادی کا سروے

وزارت محنت اور روزگار نے 26.08.2021 کو غیر منظم مزدوروں کے اندراج اور ایک جامع قومی ڈیٹا بیس کی تشکیل کے لیے ای شرم  پورٹل کا آغاز کیا ہے۔ یہ ایک غیر منظم کارکن کو تقریباً 400 پیشوں میں خود اعلانیہ کی بنیاد پر پورٹل پر خود کو رجسٹر کرنے کی اجازت دیتا ہے۔ 30 جولائی 2023 تک، 28.98 کروڑ سے زیادہ غیر منظم کارکنوں نے ای شرم پورٹل پر رجسٹریشن کرایا ہے۔

روزگار کی فراہمی کے ساتھ ساتھ روزگار کی صلاحیت کو بہتر بنانا حکومت کی ترجیح ہے۔ اسی مناسبت سے حکومت ہند نے ملک میں روزگار پیدا کرنے کے لیے مختلف اقدامات کیے ہیں۔

انفراسٹرکچر اور پیداواری صلاحیت میں سرمایہ کاری کا ترقی اور روزگار پر بہت بڑا اثر پڑتا ہے۔ 2023-24 کے بجٹ میں لگاتار تیسرے سال سرمایہ کاری کے اخراجات میں 33 فیصد اضافہ کرکے 10 لاکھ کروڑ روپے کرنے کی تجویز پیش کی گئی ہے، جو کہ جی ڈی پی کا 3.3 فیصد ہوگا۔ حالیہ برسوں میں یہ خاطر خواہ اضافہ حکومت کی جانب سے ترقی کی صلاحیت کو بڑھانے اور روزگار کے مواقع پیدا کرنے کی کوششوں کا مرکز ہے۔

حکومت ہند نے کاروبار کو محرک فراہم کرنے اور کووڈ 19 کے منفی اثرات کو کم کرنے کے لیے آتمنیر بھر بھارت پیکیج کا اعلان کیا ہے۔ اس پیکیج کے تحت، حکومت نے ستائیس لاکھ کروڑ روپے سے زیادہ کا مالی محرک فراہم کیا ہے۔ یہ پیکج ملک کو خود کفیل بنانے اور روزگار کے مواقع پیدا کرنے کے لیے مختلف طویل مدتی اسکیموں/ پروگراموں/ پالیسیوں پر مشتمل ہے۔

آتم نربھر بھارت روزگار یوجنا(آئی بی آر وائی) کو یکم اکتوبر 2020 سے شروع کیا گیا تھا تاکہ آجروں کو نئے روزگار پیدا کرنے اور کووڈ-19 وبائی امراض کے دوران ملازمت کے ضائع ہونے کی بحالی کے لیے ترغیب دی جائے۔ مستفیدین کے رجسٹریشن کی ٹرمینل تاریخ 31.03.2022 تھی۔ اسکیم کے آغاز سے لے کر، 18.07.2023 تک، اسکیم کے تحت 60.44 لاکھ مستفیدین کو فوائد فراہم کیے جا چکے ہیں۔

حکومت یکم جون 2020 سے پرائم منسٹر اسٹریٹ وینڈرز آتم  نربھر ندھی اسکیم کو لاگو کر رہی ہے تاکہ اسٹریٹ وینڈرز کو اپنے کاروبار دوبارہ شروع کرنے کے لیے کولیٹرل فری ورکنگ کیپیٹل لون کی سہولت فراہم کی جا سکے، جس کا کووڈ- 19وبائی امراض کے دوران برا اثر پڑا تھا۔ 13 جولائی 2023 تک، 38.30 لاکھ مستفیدین نے پی ایم سواندھی اسکیم کے تحت قرض حاصل کیا ہے۔

پردھان منتری مدرا یوجنا(پی ایم ایم وائی) حکومت نے خود روزگار کی سہولت فراہم کرنے کے لیے شروع کی تھی۔ پی ایم ایم وائی کے تحت، 10 لاکھ روپے تک کے ضمانتی مفت قرضے ، مائیکرو/چھوٹے کاروباری اداروں اور افراد کو ان کی کاروباری سرگرمیوں کو ترتیب دینے یا بڑھانے کے قابل بنانے کے لیے فراہم کیا جاتا ہے۔

07.07.2023 تک، اسکیم کے تحت 42.29 کروڑ سے زیادہ قرض کھاتوں کو منظوری دی گئی ہے۔

پیداوار سے منسلک ترغیب (پی ایل آئی) اسکیم کو حکومت کی طرف سے لاگو کیا جا رہا ہے جس کی لاگت .. 1.97 لاکھ کروڑتھی، 2021-22 سے شروع ہونے والے 5 سال کی مدت کے لیے جس میں 60 لاکھ نئی ملازمتیں پیدا کرنے کی صلاحیت ہے۔

پی ایم گتی شکتی اقتصادی ترقی اور پائیدار ترقی کے لیے ایک تبدیلی کا طریقہ ہے۔ یہ نقطہ نظر سات انجنوں سے چلتا ہے، یعنی سڑکیں، ریلوے، ہوائی اڈے، بندرگاہیں، ماس ٹرانسپورٹ، آبی گزرگاہیں اور لاجسٹک انفراسٹرکچر۔ یہ نقطہ نظر کلین انرجی اور سبکا پریاس کے ذریعہ تقویت یافتہ ہے جس کی وجہ سے سب کے لئے ملازمت اور کاروباری مواقع پیدا ہوتے ہیں۔

حکومت ہند مختلف منصوبوں کی حوصلہ افزائی کر رہی ہے جس میں خاطر خواہ سرمایہ کاری اور پرائم منسٹرز ایمپلائمنٹ جنریشن پروگرام ، مہاتما گاندھی نیشنل رورل ایمپلائمنٹ گارنٹی سکیم  ، دین دیال اپادھیائے گرامین کوشلیا یوجنا اور دین دیال انتودیا یوجنا-نیشنل شہری ذریعہ معاش مشن وغیرہ جیسی اسکیموں پر عوامی اخراجات شامل ہیں۔

اس کے علاوہ، ہنر مندی کی ترقی اور انٹرپرینیورشپ کی وزارت  نوجوانوں کی روزگار کی صلاحیت کو بڑھانے کے لیے نیشنل اپرنٹس شپ پروموشن اسکیم  اور پردھان منتری کوشل وکاس یوجنا  کو نافذ کر رہی ہے۔

ان اقدامات کے علاوہ، حکومت کے مختلف فلیگ شپ پروگرام جیسے میک ان انڈیا، اسٹارٹ اپ انڈیا، اسٹینڈ اپ انڈیا، ڈیجیٹل انڈیا، ہاؤسنگ فار آل وغیرہ بھی روزگار کے مواقع پیدا کرنے کی طرف مرکوز ہیں۔

توقع کی جاتی ہے کہ ان تمام اقدامات سے کثیر اثرات کے ذریعے درمیانی سے طویل مدت میں اجتماعی طور پر روزگار پیدا ہوگا۔

 

 

 

یہ جانکاری محنت اور روزگار کے مرکزی وزیر مملکت جناب نے رامیشور تیلی نے آج راجیہ سبھا میں ایک تحریری جواب دیا۔

ش ح۔   ش ت۔ج

Uno-1997

(ریلیز آئی ڈی: 1983826) وزیٹر کاؤنٹر : 114