नागपूर 30 नोव्हेंबर 2023

नॅशनल अॅकॅडमी ऑफ डायरेक्ट टॅक्सेस अर्थात राष्ट्रीय  प्रत्यक्ष कर अकादमी नागपूर इथं आज आयोजित समारंभात 100 फूट उंचीचा भव्य राष्ट्रध्वज उभारण्यात आला. यावेळी अकादमीचे  महासंचालक  जयंत दीद्दी  यांची प्रमुख उपस्थिती होती.  20 x 30 फूट  आकारमान असलेला या  ध्वजाच्या खांबावर सुंदर कलाकुसर करण्यात आली आहे. राष्ट्रध्वजाच्या मूल्यांचे रक्षण करण्याची जबाबदारी सगळ्याची असल्याचं प्रतिपादन करताना या ध्वजामुळे अकादमीच्या परिसराला झळाळी लाभल्याचे यावेळी जयंत दीद्दी  म्हणाले.

 

या सोहळ्याप्रसंगी  पोलीस बँडने  सहभाग घेतला आणि ध्वजवंदना दिली.  भारतीय महसूल सेवा –आयआरएसच्या  76व्या आणि 77व्या तुकडीचे अधिकारी प्रशिक्षणार्थी, तसेच अकादमीचे प्राध्यापक, अधिकारी आणि कुटुंबातील सदस्य, कर्मचारी या सोहळ्याला उपस्थित होते.

***

NADT PR/SR/DW/PK

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 1981359) Visitor Counter : 82