കോഴിക്കോട്   : 29 നവംബർ 2023

ജില്ലയിൽ പര്യടനം നടക്കുന്ന വികസിത് ഭാരത് സങ്കൽപ് യാത്രയുടെ ഭാഗമായി പ്രധാനമന്ത്രി ഗുണഭോക്താക്കളുമായി  സംവദിക്കും. വിദൂര സംവിധാനം വഴിയാണ് രാജ്യത്തെ തിരഞ്ഞെടുത്ത സ്ഥലങ്ങളിലെ ഗുണഭോക്താക്കളുമായി പ്രധാനമന്ത്രി സംവദിക്കുന്നത്. കൂട്ടാലിടയിൽ നടക്കാൻ പോകുന്ന  വികസിത് ഭാരത് സങ്കൽപ് യാത്രയുടെ പൊതു ചടങ്ങിൽ ആണ് പ്രധാനമന്ത്രിയുടെ തത്സമയ സംവാദം  കോഴിക്കോട് ജില്ലയിൽ നടക്കുക.

വികസിത് ഭാരത് സങ്കൽപ് യാത്ര ഇന്ന് ) പെരുമണ്ണ, പെരുവയൽ പഞ്ചായത്തുകളിൽ പര്യടനം നടത്തി. പെരുമണ്ണ ബസ് സ്റ്റാൻ്റ് പരിസരത്ത് നടന്ന പരിപാടി എസ് ബി ഐ റീജ്യനൽ മാനേജർ ടി വി സജ്ഞീവ് ഉദ്ഘാടനം ചെയ്തു.  ലീഡ് ബാങ്ക് മാനേജർ ടി എം മുരളീധരൻ അധ്യക്ഷത വഹിച്ചു.നബാർഡ് പ്രതിനിധി പി.വിജയൻ, ഇന്ത്യ പോസ്റ്റിലെ എൻ.സത്യൻ, കാനറാ ബാങ്ക് കുന്നമംഗലം മാനേജർ സരിൻ പി. ശശി തുടങ്ങിയവർ പ്രസംഗിച്ചു. കാർഷിക മേഖലയിൽ വള പ്രയോഗത്തിന് ഡ്രോൺ സാങ്കേതികവിദ്യ പരിചയപ്പെടുത്തി. ജനക്ഷേമ പദ്ധതികളിലെ ഗുണഭോക്താക്കൾ അനുഭവങ്ങൾ പങ്കുവെച്ചു.

പെരുവയലിൽ നടന്ന പൊതുചടങ്ങ് പെരുവായൽ ഗ്രാമ പഞ്ചായത്ത്‌ വികസന സ്റ്റാൻഡിങ് കമ്മറ്റി ചെയർമാൻ അനീഷ് പാലാട്ട് ഉദ്ഘടനം ചെയ്തു. നാളെ (30.11.23) കൂട്ടാലിടയ്ക്കു പുറമെ കൂരാച്ചുണ്ട് ഗ്രാമപഞ്ചായത്തിലും വികസിത് ഭാരത് സങ്കൽപ് യാത്ര പര്യടനം നടത്തും. ജനക്ഷേമ പദ്ധതികളെക്കുറിച്ചുള്ള വിവരങ്ങളാണ് യാത്രയിലൂടെ ജനങ്ങളിലേക്ക് എത്തിക്കുന്നത്. കുന്നമംഗലം ബ്ലോക്ക് മുതല്‍ കുന്നുമ്മല്‍ ബ്ലോക്ക് വരെ ജില്ലയിലെ 70 ഗ്രാമ പഞ്ചായത്തുകളിലൂടെ യാത്ര കടന്നുപോകും. ജില്ലാ ലീഡ് ബാങ്കിന്‍റെ നേതൃത്വത്തില്‍ നബാര്‍ഡ്, വിവിധ സര്‍ക്കാര്‍ വകുപ്പുകള്‍ എന്നിവയുടെ സഹകരണത്തോടെയാണ് ജില്ലയിലെ വികസിത ഭാരത് സങ്കല്‍പ് യാത്രയുടെ പര്യടനം നടക്കുന്നത്. ജനുവരി 10 വരെയാണ് ജില്ലയിലെ ഗ്രാമ പഞ്ചായത്തുകളിൽ വികസിത് ഭാരത് സങ്കൽപ് യാത്ര നടക്കുക.

(Release ID: 1980983) Visitor Counter : 81