وزارت اطلاعات ونشریات
یونانی فلم ڈگنٹی یہ پیغام دینے کی کوشش کرتی ہے کہ خاندانی تعلقات کی اہمیت دولت سے زیادہ ہوتی ہے: یونانی اداکار ایتھناسیوس چلکیاس
Posted On:
23 NOV 2023 8:34PM by PIB Delhi
یونانی فلم ڈگنٹی کے مرکزی کردار ایتھنا سیوس چلکیاس نے کہا کہ پیسے کا لالچ نہ صرف خاندان کے ارکان کے درمیان بلکہ ممالک کے درمیان تعلقات کو خراب کرتا ہے، جس کے نتیجے میں جنگ ہوسکتی ہے۔ وہ اس وقت میڈیا سے خطاب کررہے تھے جب ان کی فلم 54ویں انٹرنیشنل فلم فیسٹول آف انڈیا میں عالمی سینما زمرے کے تحت دکھائی جارہی تھی۔
یہ فلم علامتی سطح پر خاندان کے وقار کی لاگت پر ذاتی لالچ کے موضوع پر مبنی ہے۔ فلم میں اس موضوع کو وسعت دینے کی کوشش کی گئی ہے اور اسے انسانی اقدار کی قیمت پر دولت حاصل کرنے کے لیے قومی ، بین الاقوامی اور عالمی مسابقتوں تک وسعت دی گئی ہے اور یہ ثابت کرنے کی کوشش کی گئی ہے کہ یہ لالچ تباہ کن ہوتا ہے اور یہ نہیں ہونا چاہیے ۔
![https://static.pib.gov.in/WriteReadData/userfiles/image/23-9-1EC8R.jpg](https://static.pib.gov.in/WriteReadData/userfiles/image/23-9-1EC8R.jpg)
اداکار ایتھناسیوس نے بتایا کہ اداکاری ، تھیٹر کے ریہرسلوں نے کردار کے فروغ اور فلم کے عملے کے درمیان تعلقات بنانے میں بہت مدد کی ہے۔ ہدایت کار دمتریز کاتسمریز کی تعریف کرتے ہوئے انہوں نے کہا کہ ‘انہوں نے بغیر رکاوٹ کے 8 منٹ کی مختصر فلم کی شوٹنگ میں انہوں نے ایک منفرد فلم سازی کا طریقہ اختیار کیا اور فلم کو کئی جہتوں سے شوٹ کیا’۔
ایتھناسیوس نےا س بات پر اعتماد ظاہر کیا کہ یہ فلم خاندان کی اہمیت کو ظاہر کرنے اور اپنے بزرگوں کے ساتھ احترام سے پیش آنے کی اہمیت ظاہر کرنے کے لیے ایک زبردست فلم ہے۔
خاندان کا ایک جذباتی اور واضح نقشہ پیش کرتے ہوئے یہ فلم بوڑھے ہونے کے چیلنجوں اور خاندان کی اہمیت کا پتہ لگاتی ہے۔ یہ فلم ایک 80 سال کے بوڑھے شخص انٹونیوز کی کہانی پیش کرتی ہے، جسے اپنی بیوی کے انتقال کے بعد اپنا گاؤں چھوڑ کر شہر میں جاکر اپنے بیٹے اور بہو کے ساتھ رہنے کے لیے مجبور ہونا پڑا۔ جب انٹونیوز کی سالگرہ قریب آتی ہے تواس کا بیٹا یہ ظاہر کرتا ہے کہ اسے اب اس کی پرواہ نہیں ہے اور انٹونیوز کی دیکھ بھال کی ذمہ داری اب اس کے دیگر اہل خانہ پر ہے۔
فلم میں انٹونیوز کی زندگی کے اس سفر کو دکھایا گیا ہے جب وہ اپنی نئی زندگی سے تال میل قائم کرتا ہے اور اپنے خاندان کے ساتھ تعلقات دوبارہ استوار کرتا ہے۔ یہ فلم یونان میں بزرگ لوگوں کو پیش آنے والے چیلنجوں مثلا الگ تھلگ ہوجانا، تنہائی اور خاطر خواہ طبی دیکھ ریکھ تک رسائی کے فقدان کو بھی دکھاتی ہے۔
![https://static.pib.gov.in/WriteReadData/userfiles/image/23-9-3DONA.jpg](https://static.pib.gov.in/WriteReadData/userfiles/image/23-9-3DONA.jpg)
کاسٹ اور عملہ :
ہدایت کار: دمتریز کاتسمریز
کاسٹ: ویگلیواندریا دکی، تھناسیس چلکیاس، ایتھناسیوس چلکیاس، الیکترا گیناتا، چیرس ستسکس، ایگلکی اسٹیفینی
اسکرین رائٹر: دمتری کاتسمریز
سنیمیٹو گرافی: واسلس استاؤروپولس
ایڈیٹر: واسلس استاؤروپولس
پوری بات چیت یہاں دیکھیں:
************
ش ح۔ اگ۔ ت ع
(U: 1363)
(Release ID: 1979348)
Visitor Counter : 100