প্রধান মন্ত্রী নরেন্দ্র মোদীনা ঝার্খন্দগী খুন্তিদা জনজাতিয়া গৌরব দিবস, 2023 পাংথোকপগী থৌরম অমদা হিস্তোরিকেল ইনিসিয়েতিব অনি হায়বদি বিকসিত ভারত সঙ্কল্প য়াত্রা অমসুং প্রধান মন্ত্রী পার্তিকুলরলী ভলনরেবল ত্রাইবেল গ্রুপস দিবলপমেন্ত মিসন হৌদোকখি। মন্নবা মতম অসিমক্তদা, জনজাতিয়া গৌরব দিবস হায়না পালন তৌরিবা ভগবান বির্সা মুন্দাগী মপোক কুমওনসু মহারাস্ত্রা রাজ্যগী তোঙান তোঙানবা জিলাশিংদা পাংথোকখি। থৌরম অসিদা, ঙসি বিকসিত ভারত সঙ্কল্প য়াত্রাদা IEC ভেনশিং নন্দুর্বার, নাশিক, গদচিরোরি, পালঘর অমসুং নন্দেদকী ত্রাইবেল জিলাশিংদগী লমথাখি।

রাজ্যপাল শ্রী রামেশ বাইস অমসুং মহারাস্ত্রগী মুখ্য মন্ত্রী শ্রী একনাথ শিন্ধেনা থৌরম অদু নন্দুর্বার জিলাদগী শরুক য়াখি, মফমদুদগী মখোয়না সঙ্কল্প ভারত সঙ্কল্প য়াত্রা হৌদোক্নবা কেন্দ্র সরকারগী সেন্ত্রেল কম্মুনিকেসন ব্যুরোগী ইনফোর্মেসন, এজুকেসন অমসুং কম্মুনিকেসন ভেন লমথাখি।

থৌরম অদুদা ৱা ঙাংলদুনা মহারাস্ত্রগী রাজ্যপালনা ভারতকী নিংতম ইহৌগী ত্রাইবেল ৱারিয়রশিংগী ফমদা ইকায় খুম্নবা উৎখি অমসুং বিকসিত ভারত সঙ্কল্প য়াত্রা ভেন লমথাখিবদা অপেনবা ফোংদোকখি। থৌরম অসিদা, রাজ্যপালনা স্তেত লেবেল ত্রাইবেল কলচরেল ফেস্তিবেলসু ভর্চুএল্লি ওইনা হৌদোকখি। মহাক্না হায়খি মদুদি ত্রাইবেল ইচিল ইনাওশিংগী দিবলপমেন্ত অসি ভারতকী ওবরওল দিবলপমেন্তগীদমক মথৌ তাই। মহাক্না ফোংদোকখি মদুদি ত্রাইবেল কম্ম্যুনিতী মেম্বর করোর অমা হেন্না মহারাস্ত্রদা খুন্দারি। ত্রাইবেল য়ুথশিংদা পীবা পাউজেল অমদা মহাক্না মখোয়বু ইনতোক্সিকান্তশিংদগী লাপ্না লৈনবা আপীল তৌখি। মহাক্না মখোয়দা মখোয়গী আর্ত অমসুং কলচর ঙাক্তুনা থম্নবা অমসুং মখোয়গী লোন ঙাংনবা অমসুং য়ুক্তুনা থম্নবা পাউতাকসু পীখি। মসিগা মরী লৈননা রাজ্যপালনা ফোংদোকখি মদুদি ত্রাইবেল ফোল্ক আর্তসকী দিমান্দ হেনগৎলক্লি।

মহারাস্ত্রগী সি.এম. শ্রী একনাথ শিন্ধেনা হায়খি মদুদি ভগবান বির্সা মুন্দা ফোল্ক হেরো অমনি, নিংতম ইহৌদা মহাক্কী থৌদাং কাওঙমলরোই। মহাক্না মখা তানা ফোংদোকখি মদুদি সরকারনা ত্রাইবেল কম্ম্যুনিতীবু সোসাইতীগী মেনস্ত্রিমদা পুরক্নবা হোৎনরি। মহাক্না ত্রাইবেল খুঙ্গংশিং ফাওবা লম্বী শেম্নবগীদমক ভগবান বির্সা মুন্দা রোদ লিঙ্কিং প্রোজেক্ত হায়না মিংথোনবা মহারাস্ত্র সরকারগী রোদ স্কিমসু ফংদোকখি। রাজ্য সরকারগী ত্রাইবেল দিবলপমেন্ত মিনিস্তর দা. বিজয় কুমার গাবিত, গদচিরোলি দিস্ত্রিক্ত গার্দিয়ান মিনিস্তর শ্রী অনিল পতিল অমসুং এম.পি. দা. হিনা গাবিতসু থৌরম অসিদা শরুক য়াখি।

নাশিক জিলাদা, কেন্দ্রগী হেল্থ অমসুং ফেমিলী ৱেলফেয়রগী রাজ্য মন্ত্রী দা. ভার্তি প্রবীন পৱারনা IEC ভেন লমথাখি। থৌরম অসিদা নাশিক দিস্ত্রিক্ত গার্দিয়ান মিনিস্তর শ্রী দাদা ভুসে, মহারাস্ত্র লেজিস্লেতিব এসেমব্লীগী দিপুতী স্পীকর শ্রী নরহরী জির্ৱাল, জিলা পরিশদ দিপুতী চিফ একজিক্যুতিব ওফিসর প্রতিভা সঙ্গামানরেসু শরুক য়াখি। থৌরম অসিদা ৱা ঙাংলদুনা রাজ্য মন্ত্রী দা. ভার্তি পৱারনা হায়খি মদুদি ভগৱান বির্সা মুন্দাগী কত্থোকখিবদগী ইন্সপাইরেসন লৌদুনা নুমিৎ অসিদা সঙ্কল্প য়াত্রা হৌদোক্নবা প্রধান মন্ত্রী শ্রী নরেন্দ্র মোদীনা ৱারেপ লৌখি। থৌরম অসিগী পর্পজ ফোংদোক্লদুনা কেন্দ্রগী রাজ্য মন্ত্রীনা হায়খি মদুদি কেন্দ্র সরকারগী স্কিম কয়া অমা লৈরি, অদুবু মদু মীচম প্রজাদা য়ৌদে মরম অদুনা প্রধান মন্ত্রীনা বেনেফিসরীশিংদা দাইরেক্ত ওইনা য়ৌহনবা পাম্মি। সঙ্কল্প য়াত্রা শিনবগী মরমসু মদুনি হায়না মহাক্না ফোংদোকখি। ভেন্না চৎপা খুঙ্গংশিংদা তোঙান তোঙানবা সেন্ত্রেল স্কিমশিংগী মতাংদা ইনফোর্মেসন ফংহনগনি হায়না মহাক্না মখা তাখি। নাগরিকশিংদা অয়ুশ্মান কার্দ, জন অরোগ্য কার্দ অসিনচিংবা ফেসিলিতীশিংগী কানবা মতৌ করম্না ফংগদগে হায়বগী মতাংদা হায়গনি। মহাক্না হায়খি মদুদি কেন্দ্র সরকারনা অয়ুশ্মান ভারত স্কিমগী মখাদা লাইরবা পেসেন্তশিংদা লুপা লাখ মঙা ফাওবগী তেংবাং ফংহন্নবা থৌরাংলি, অদুবু নাগরিক কয়ানা মসিগী মতাংদা খংদে। নাগরিকশিংনা কেন্দ্র সরকারগী স্কিমশিং অসিগী কানবা লৌগদবনি হায়না কেন্দ্রগী রাজ্য মন্ত্রীনা ফোংদোকখি। খুঙ্গংগী পঞ্চায়ৎশিংগীদমক স্কিম কয়া অমা লৈরি অদুবু দোকুমেন্তশিংগী অৱাৎপনা মরম ওইদুনা মখোয়না মতিকচাবা ফন্দশিং ফংদে হায়না মহাক্না মখা  তাখি।

বিকসিত ভারত সঙ্কল্প য়াত্রা হৌদোকপগীদমক নন্দেদ জিলাগী কিনৱাত্তা পাংথোকখিবা প্রোগ্রাম অমদা দিস্ত্রিক্তস গার্দিয়ান মিনিস্তর গিরিশ মহাজন অমসুং শক্নাইরবশিংনা ভগবান বির্সা মুন্দাগী মফমদা ইকায় খুম্নবা উৎখি অমসুং থৌরমদা শরুক য়াখিবা ত্রাইবেল কম্ম্যুনিতীগী নাগরিকশিংগা লোয়ননা ৱারী শানখি। মহাক্না ইনফোর্মেসন অমসুং ব্রোদকাস্তিং মন্ত্রালয়গী সেন্ত্রেল কম্মুনিকেসন ব্যুরোগী IEC ভেন লমথাখি। থৌরম অদুদা ৱা ঙাংলদুনা শ্রী গিরিশ মহাজন্না হায়খি, “ঐখোয়না দিবলপমন্ত স্কিমশিংগী খুত্থাংদা ঐখোয়গী ত্রাইবেল ইচিল ইনাওশিংগী হেল্থদগী এজুকেসন ফাওবা অচৌবা অরাপ্পা অমা এচিব তৌরে।” মহাক্না হায়খি মদুদি খুঙ্গং অমা হেক্তগী অঙাং অমত্তা এজুকেসনদগী চিত্থদনবা তালুকা থাক্তা রেসিদেন্সিয়েল আশ্রম স্কুলশিং হৌদোকখ্রে। মহাক্না মসিমসু হায়খি মদুদি “বিকসিত ভারত সঙ্কল্প য়াত্রা” অসি মখোয়গী ওইবা তোঙান তোঙানবা সরকারগী স্কিমশিংগী মরমদা অমসুং কানবা খংদবা বেনেফিসরীশিং অদুদা য়ৌহনবদা চাউনা কানরে।

পালঘরদা মহারাস্ত্র সরকারগী পব্লিক ৱার্কস (পব্লিক অন্দরতেকিং য়াওদনা) মিনিস্তর অমসুং দিস্ত্রিক্ত গার্দিয়ান মিনিস্তর শ্রী রবিন্দ্রা চাবন্না মসিবু তরাম্না ওকখিবা লোকেল ত্রাইবেল নাগরিকশিংগা শরুক য়াদুনা IEC ভেন লমথাখি।

গদচিরোলি জিলাদা চিমুর লোক সভা কন্সতিত্বেন্সীগী এম.পি. শ্রী অশোক নেতেনা বিকসিত ভারত সঙ্কল্প য়াত্রা লমথাখি। মহাক্না গদচিরোলি জিলাগী অর্মোরী তালুকাদা বাইরাগরদগী IEC লমথাখি, মদুদা এম.এল.এ. কৃষ্ণ গাজবে, জিলা পরিশদ চিফ একজিক্যুতিব ওফিসর অয়ুশি সিংহ অমসুং হান্নগী এম.এল.এ. অনন্দ রাও গেদমসু শরুক য়াখি। এম.পি. শ্রী অশোক নেতেনা হায়খি মদুদি প্রধান মন্ত্রী নরেন্দ্র মোদীনা হৌখিবা চহি মাপলদা সমাজগী সেক্সন খুদিংমক্কীদমক স্কিমশিং ইমপ্লিমেন্ত তৌনবা অমসুং মখোয়বু দিবলপমেন্তগী মেনস্ত্রিমদা পুরক্নবা হোৎনরি।

বিকসিত ভারত সঙ্কল্প য়াত্রা

অকক্নবা মতমগী মনুংদা তার্গেৎ তৌরিবা বেনিফিসরী পুম্নমক্তা সরকারগী ফ্লেগশিপ স্কিমশিংগী কান্নবশিং ফংহন্দুনা স্কিমশিং অসি মপুং ফানা সেচুরেসন ফংহন্নবা প্রধান মন্ত্রীনা লেপ্পা লৈতনা থবক পাইখৎতুনা লাকখি। স্কিমশিংগী সেচুরেসন ফংহন্নবা পান্দম অসু থুংহন্নবা মাইকৈদা অচৌবা খোঙথাং অমা ওইনা প্রধান মন্ত্রীনা জনজাতীয় গৌরব দিবসকী থৌরমদা ‘বিক্ষিৎ ভারত সঙ্কল্প য়াত্রা’ হৌদোক্কনি।

য়াত্রা অসিনা মীয়ামদা য়ৌশিন্নবা অমদি এৱের্নেস পীবা অমসুং সেনিতেসন ফেসিলিতীশিং, তঙাই ফদবা ফাইনান্সিএল সর্ভিসেস, ইলেক্ত্রিসিতী কন্নেক্সন, LPG সিলিন্দরশিংগী এক্সেস ফংহনবা, লায়রশিংগী য়ুম শাবা, ফুদ সেক্যুরিতী, মচি ওইবা চীঞ্জাক নীংথিনা ফংহনবা, অফবা হেল্থকিয়র, অরুবা থক্নবা ঈশিংনচিংবা য়াইফ-থৌরাং স্কিমশিংগী কান্নবশিং ফংহনবদা মীৎয়েং থম্মি। য়াত্রা মনুংদা মশখ খঙদোকখিবা অকুপ্পা ৱারোলশিংগী খুত্থাংদা পোতেন্সিএল বেনিফিসরীশিংগী এনরোলমেন্ত অসি তৌগনি।

প্রধান মন্ত্রীনা ‘বিক্ষিৎ ভারত সঙ্কল্প য়াত্রা’ লোঞ্চ তৌরদুনা IEC (ইনফোর্মেসন, এজুকেসন এন্দ কম্ম্যুনিকেসন) বেনশিং ঝারখন্দগী খুন্তীদা লমথাগনি। য়াত্রা অসি অহানবগী ওইনা ত্রাইবেল মীশিং য়াম্না তাবা জিলাশিংদগী হৌদোক্কনি অমসুং জনুৱারী 25, 2024 ফাওবদা লৈবাক্কী জিলা পুম্নমক কোনশিনগনি।

***

(रिलीज़ आईडी: 1978036) आगंतुक पटल : 127