بندرگاہوں، جہاز رانی اور آبی گزرگاہوں اور آیوش کے مرکزی وزیر جناب سربانند سونووال نے آج گوہاٹی میں آسام کی خواتین اسٹریٹ وینڈرس کےساتھ ایک باہمی تبادلہ خیال سیشن کی میزبانی کی۔ 75 سے زیادہ خواتین خوانچہ    فروشوں، چائے کے اسٹال کے مالکان ، لڈو اور پیٹھا بنانے والوں سے لے کر پان شاپ کے مالکان   تک نے جناب سونووال کے ساتھ نتیجہ خیز بات چیت کی اور پی ایم سواندھی اسکیم کے تحت حاصل کیے گئے قرض سے حاصل ہونے والے اپنے تجربے اور فوائد کا اشتراک کیا۔

دکانداروں سے بات کرتے ہوئے، انہوں نے کہا، ’’مجھے آج آپ سب کے ساتھ جنہوں نے اپنے کاروبار کو قائم کرنے اور مضبوط کرنے کے لیے پی ایم سواندھی اسکیم کے تحت قرض حاصل کیا ہے۔ ہمارے متحرک وزیر اعظم جناب نریندر مودی جی ان تمام اسکیموں کے زمینی اثرات کو سمجھنے کے لیے بے حد خواہش مند ہیں جو حکومت کی طرف سے شروع کی جا رہی ہے۔ یہ اسکیم، جس کا مقصد گلیوں کے سائز کے کاروبار کو از سر نو زندہ کرنا ہے، جو لوگوں کے لیے وبائی امراض کے بعد اپنے کاروبار کو دوبارہ قائم کرنے میں مددگار ثابت ہوئی ہے۔ اس اسکیم نے انہیں اپنے کاروبار کے دائرہ کار کو وسعت دینے اور 2047 تک ہندوستان کو آتم نربھر بنانے کے لئے ہم سب کے حتمی مقصد کو حاصل کرنے میں معنی خیز تعاون کرنے میں بھی مدد کی ہے - یہ وزیر اعظم جناب نریندر مودی جی کا وژن ہے۔ جن بھاگیداری کے نصب العین کے ساتھ، ہمیں اس امرت کال کے دوران بہترین کی طرف کوشش کرنی چاہیے تاکہ مودی جی کے اس خوبصورت وژن کو پورا کیا جا سکے۔

اس اسکیم کے بارے میں آپ کے حوصلہ افزا ردعمل کو دیکھتے ہوئے، مجھے یقین ہے کہ ہم مودی جی کی دور اندیش قیادت میں صحیح سمت میں جا رہے ہیں۔ مجھے یہ جان کر بھی خوشی ہوئی کہ آسام کے دکانداروں نے قرض کی ادائیگی کے لیے 84فیصد کی شرح حاصل کی ہے۔ اس سے نہ صرف کاروباری مواقع کی ترقی اور خوشحالی کی راہ ہموار ہوگی بلکہ مالی نظم و ضبط کا ایک مثبت کلچر بھی پیدا ہوگا۔

پی ایم اسٹریٹ وینڈرز آتم نربھر ندھی (پی ایم سواندھی) اسٹریٹ وینڈرز کے لیے ایک خصوصی مائیکرو کریڈٹ سہولت ہے جو وزیر اعظم نریندر مودی نے اسٹریٹ وینڈرز کو سستے قرض فراہم کرنے کے لیے شروع کی ہے، جس کا مقصد 50 لاکھ سے زیادہ خوانچہ فروشوں  کو فائدہ پہنچانا ہے۔ کووڈ لاک ڈاؤن کے بعد کام کو دوبارہ شروع کرنے کے لیے 10,000 روپے تک کے ورکنگ کیپیٹل کے ساتھ، یہ اسکیم دکانداروں کو 7فیصد شرح سود سبسڈی، اگلے چکر میں زیادہ قرض کے لیے اہلیت، کیش بیک کے ساتھ ڈیجیٹل لین دین کی ترغیب دے کر بروقت ادائیگی کے ساتھ مراعات فراہم کرتی ہے۔ (ایک سال میں ڈیجیٹل لین دین کرنے کے لیے 1200 روپے تک نقد)، مفت کیوآر کوڈ اور وینڈنگ اسٹال پر ہینڈ ہولڈنگ کی فراہمی، قرض دینے والے اداروں بشمول کمرشل بینکوں، دیگر بینکوں، ایم ایف آئیز، این بی ایف سی ، اور سی ایچ جی بینکوں کے لیے وسیع بنیاد فراہم کرتی ہے۔

 

ش ح۔   ش ت۔ج

Uno-1041

(Release ID: 1977203) Visitor Counter : 77