قومی یوم آیوروید د (دھنونتری جینتی) – 2023 08 نومبر 2023،  ای ایس آئی سی ہیڈ کوارٹر میں منایا گیا۔ تقریب کی صدارتای ایس آئی سی کے ڈائرکٹر جنرل  ڈاکٹر راجندر کمارنے کی۔ ای ایس آئی کارپوریشن کے رکن ڈاکٹر وجے سنگھ چوہان نےبھی بطور مہمان خصوصی شرکت کی۔ اس تقریب کے دوران مختلف ای ایس آئی سی اسپتالوں اورشفاخانوں کے پانچ آیوش ماہر ڈاکٹروں کو ڈائرکٹر جنرل نے آیوروید کے میدان میں ان کی شاندار شراکت اور خدمات کے لیے اعزاز سے نوازا۔

ڈاکٹر راجندر کمار نے تقریب کے دوران کہا کہ آیوروید برصغیر میں پروان چڑھا ہے اور صدیوں سے لوگوں کا علاج کر رہا ہے۔ آیوروید انسانی جسم اور دماغ کو مکمل علاج فراہم کرتا ہے اور بیماریوں کی اصل جڑ سے لڑتا ہے۔ خوش قسمتی سے، گزشتہ برسوں کے دوران، آیوروید کے میدان میں تحقیق اور ترقی جو پہلے نظر انداز کر دی گئی تھی، زور پکڑا ہے۔ دنیا کے مختلف حصوں میں آیوروید کی مقبولیت میں بھی اضافہ ہوا ہے، جہاں بہت سے بیرونی ممالک جدید ادویات کے متبادل علاج کے طریقہ کے طور پر آیوروید کے امکان پر تحقیق کر رہے ہیں۔ اس قدیم سائنس کی بے مثال شراکت سے مثبت تبدیلیاں آئی ہیں اور اس سے لوگوں میں اطمینان پید ا ہوا ہے، لیکن اس کے باوجود بیداری پیدا کرنے اور اس شعبے میں مزید تحقیق کے ذریعے اس کی شان کو بحال کرنے کی ضرورت ہے۔

ڈاکٹر وجے سنگھ چوہان نے آیوروید کے بارے میں موثر آگاہی پیدا کرنے پر بھی زور دیا اور کہا کہ اس شعبے میں مزید تحقیق کی ضرورت ہے۔ انہوں نےآگے کہا کہ عالمی صحت تنظیم نےبھی آیورویدکے شعبے میں کی گئی تحقیق اورنتائج کی منظوری دی ہے ۔

تقریب میں فنانشل کمشنر کے چیف ویجیلنس آفیسر، انشورنس کمشنرس، میڈیکل کمشنر (آیوش)، ای ایس آئی سی ہیڈکوارٹر کے افسران اور عملہ نے بھی شرکت کی۔

*****

ش ح۔ع ح۔ف ر

 (U: 860)

(Release ID: 1975946) Visitor Counter : 77