وزارات ثقافت
اسٹیک ہولڈروں اور محافظین کی صلاحیت کو مضبوط بنانے کے لیے دیما پور، ناگالینڈ میں پہلی زونل صلاحیت سازی ورکشاپ کا افتتاح کیا گیا
Posted On:
03 NOV 2023 6:31PM by PIB Delhi
ہندوستان کے شمال مشرقی خطے کے لیے پہلی زونل صلاحیت سازی ورکشاپ کا افتتاح ٹیٹسو کالج، دیما پور، ناگالینڈ میں کیا گیا۔ یہ ورکشاپ 3 سے 4 نومبر 2023 تک ہوگی اور اس کا انعقاد وزارت ثقافت، حکومت ہند کے تحت کیا جا رہا ہے۔
اس کے ذریعے، حکومت ہند کا مقصد ہندوستان کے غیر محسوس ثقافتی ورثے (آئی سی ایچ) کی حفاظت، شناخت، دستاویز بندی اور فہرست سازی کے لیے متعدد اسٹیک ہولڈروں اور محافظین کی صلاحیت کو مضبوط کرنا اور انہیں تیار کرنا ہے۔
صلاحیت سازی کی ورکشاپ کا ماڈیول سوچ سمجھ کر ڈیزائن کیا گیا ہے اور آئی سی ایچ سے متعلق یونیسکو کے کنونشن اور پروگراموں کے بارے میں بیداری پیدا کرنے کے لیے بنایا گیا ہے جس کی توثیق ہندوستان نے کی ہے، یعنی: 2003 کنونشن فار دی سیف گارڈنگ آف انٹیجیبل کلچرل ہیریٹیج، 2005 کنونشن برائے تحفظ اور فروغ؛ ثقافتی اظہار کے تنوع، عالمی پروگرام کی یادداشت اور یونیسکو کے تخلیقی شہروں کا نیٹ ورک (یو سی سی این)۔ نامور اسکالروں، پیشہ ور افراد، آئی سی ایچ پریکٹیشنر، آئی سی ایچ اور ثقافت کے تحفظ کے لیے کام کرنے والے یونیسکو کے تسلیم شدہ اداروں، یونیسکو کے نمائندوں، ثقافت کی وزارت کے حکام کو دو دن کے پروگرام میں بطور ماہرین مدعو کیا گیا ہے تاکہ اس میں یونیسکو کے مذکورہ بالا کنونشن میں سے ہر ایک پر غور کیا جا سکے۔
سکریٹری ثقافت جناب گووند موہن نے افتتاحی اجلاس سے ورچوئل طور پر خطاب کیا۔ انہوں نے شرکا کے متنوع گروپ کا خیرمقدم کیا جس میں ہندوستان کی آٹھ شمال مشرقی ریاستوں کے اسٹیٹ ڈیپارٹمنٹ آف آرٹ اینڈ کلچر کے نمائندے بھی شامل تھے۔ انہوں نے صلاحیت سازی کے اس پروگرام کے پیچھے کے سیاق و سباق کو بیان کیا جو معیاری اور مؤثر طریقہ کار کو قائم کرنے کے لیے علاقائی یا ذیلی علاقائی سطح پر وسائل جمع کرکے صلاحیتوں کو بڑھانے کا ارادہ رکھتا ہے۔
جوائنٹ سکریٹری، یونیسکو، وزارت ثقافت محترمہ للی پانڈے نے نچلی سطح پر آئی سی ایچ کے متنوع اسٹیک ہولڈروں کے ساتھ صلاحیت سازی اور وسائل کو مستحکم کرنے کی اہمیت پر زور دیا گیا اور نامزدگی دستاویزات کی تیاری کے لیے ایک مضبوط نیٹ ورک بنانے کی اہمیت پر زور دیتے ہوئے وژن بیانیہ پیش کیا۔
************
ش ح۔ ف ش ع- م ف
U: 655
(Release ID: 1974580)
Visitor Counter : 92