তথ্য আৰু সম্প্ৰচাৰ মন্ত্ৰালয়
অসমৰ সম্পদৰ অন্বেষণ: মহাৰাষ্ট্ৰৰ সাংবাদিকসকলে স্বাস্থ্যসেৱাৰ উৎকৰ্ষতা আৰু শুৱালকুচি মুগাৰ বিষয়ে অৱগত হয়
Posted On:
03 NOV 2023 6:09PM by PIB Guwahati
বৰ্তমান অসমলৈ ৩ দিনীয়া চৰকাৰী ভ্ৰমণসূচীৰে অহা মহাৰাষ্ট্ৰৰ তেৰজন বিশিষ্ট সাংবাদিকে ৰাজ্যখনৰ বহুমুখী খণ্ডত নিজকে নিমজ্জিত কৰি ইয়াৰ মনোমোহা পৰ্যটন ক্ষেত্ৰসমূহৰ অভিজ্ঞতা গ্ৰহণ কৰিছে। এই ভ্ৰমণৰ প্ৰাথমিক লক্ষ্য হৈছে অসমৰ বিভিন্ন বিভাগৰ আভ্যন্তৰীণ কাৰ্যকলাপসমূহৰ বিষয়ে জ্ঞান আহৰণ কৰা। প্ৰতিনিধি দলটোৱে তেওঁলোকৰ ভ্ৰমণৰ দ্বিতীয় দিনা শুক্ৰবাৰে যাত্ৰা আৰম্ভ কৰি গুৱাহাটীৰ অল ইণ্ডিয়া ইনষ্টিটিউট অৱ মেডিকেল চাইন্সেছ (এইমছ) পৰিদৰ্শন কৰাৰ সৌভাগ্য লাভ কৰে।
এইমছ গুৱাহাটীত সাংবাদিকসকলে উষ্ম আদৰণি লাভ কৰে আৰু প্ৰতিষ্ঠানটোৰ বিষয়াসকলৰ সৈতে এক গঠনশীল আৰু মত-বিনিময় মূলক বৈঠকত মিলিত হয়। এই অধিৱেশনত এইমছৰ কাৰ্যবাহী সঞ্চালক অধ্যাপক অশোক পুৰাণিকে অসম আৰু সমগ্ৰ উত্তৰ-পূব অঞ্চলৰ স্বাস্থ্যসেৱা খণ্ডলৈ এইমছৰ অৱদান সম্পৰ্কে অমূল্য তথ্য প্ৰদান কৰে।
ৰাষ্ট্ৰীয় স্বাস্থ্য মিছনৰ মিছন সঞ্চালক ড০ এম এছ লক্ষ্মীপ্ৰিয়াই ৰাজ্যখনৰ স্বাস্থ্য বিভাগৰ এক বিস্তৃত অৱলোকন প্ৰদান কৰে আৰু বিভাগটোৱে লাভ কৰা গুৰুত্বপূৰ্ণ মাইলৰ খুঁটিসমূহৰ ওপৰত আলোকপাত কৰে। বৈঠকখনে ৰাজ্যজুৰি স্বাস্থ্য সেৱা উন্নত কৰাৰ ক্ষেত্ৰত ৰাষ্ট্ৰীয় স্বাস্থ্য মিছন (এনএইচএম) অসমৰ উল্লেখযোগ্য সাফল্যৰ ওপৰতো আলোকপাত কৰে। সাংবাদিকসকলে বিভিন্ন পদক্ষেপ যেনে স্বস্থ্য সেৱা উৎসৱ, বিনামূলীয়া ঔষধ সেৱা, বিনামূলীয়া ডায়গনষ্টিক সেৱা, বন্ধু মাতৃ কাৰ্যসূচী, নতুন হাইব্ৰিড মডেল, আৰু পৰীক্ষাগাৰ সেৱাৰ বিষয়ে জনাৰ সুযোগ পায়।
মিডিয়া শিক্ষা সঞ্চালক ড০ অনুপ কুমাৰ বৰ্মনে চিকিৎসা শিক্ষা আৰু গৱেষণা বিভাগ উপস্থাপন কৰে, বৰ্তমানৰ চিকিৎসা শিক্ষা আৰু গৱেষণাৰ দৃশ্যপট, আগন্তুক প্ৰকল্প আৰু বিভাগীয় আঁচনিসমূহৰ বিষয়ে তথ্যপাতি প্ৰদান কৰে।
তেওঁলোকৰ ভ্ৰমণকালত সাংবাদিকসকলক এইমছ গুৱাহাটীৰ এক বিশেষ ভ্ৰমণ প্ৰদান কৰা হয়, যাৰ দ্বাৰা তেওঁলোকক প্ৰতিষ্ঠানটোৰ অত্যাধুনিক সুবিধাসমূহৰ বিষয়ে প্ৰত্যক্ষ অন্তৰ্দৃষ্টি প্ৰদান কৰা হয় আৰু অঞ্চলটোৰ স্বাস্থ্যসেৱাৰ দৃশ্যপটত ইয়াৰ গুৰুত্বপূৰ্ণ ভূমিকাৰ বিষয়ে অৱগত কৰা হয়।
ইয়াৰ পূৰ্বে আজি মহাৰাষ্ট্ৰৰ সাংবাদিক দলে অসমত পৰম্পৰাগত ৰেচম বস্ত্ৰ তৈয়াৰ কৰাৰ ক্ষেত্ৰত ব্যৱহৃত প্ৰসিদ্ধ হাতেৰে বোৱা কৌশলসমূহ অন্বেষণ কৰিবলৈ শুৱালকুচি ভ্ৰমণ কৰে। এনইএইচএইচডিচি, অসমে শুৱালকুচিৰ ৰেচম কেন্দ্ৰলৈ এই ভ্ৰমণটো সহজ কৰি তুলিছিল।
প্ৰতিনিধি দলটোৱে আন এটা দিনৰ বাবে অসমৰ অনন্য সংস্কৃতি, উদ্যোগ আৰু মনোৰম গন্তব্যস্থানৰ অন্বেষণ অব্যাহত ৰাখিব, যাৰ ফলত মহাৰাষ্ট্ৰ আৰু অসমৰ মাজৰ সম্পৰ্ক অধিক শক্তিশালী হ'ব।
……………………………………………
PG/ SM/AA
(Release ID: 1974541)
Visitor Counter : 100