पुणे/मुंबई, 31 ऑक्‍टोबर 2023

 

भारताचे लोहपुरुष सरदार वल्लभभाई पटेल यांच्या 148 व्या जयंतीनिमित्त, दक्षिण कमांडने आपल्या कर्तव्य बजावत असलेल्या क्षेत्रातील नऊ ठिकाणी जोशपूर्ण "एकता दौड" चे आयोजन केले, ज्यामध्ये सैनिक, कुटुंबे, मुले आणि नागरिकांनी उत्साहाने सहभाग घेतला. अखंड भारत साकारण्यात महत्त्वपूर्ण भूमिका बजावणाऱ्या सरदार पटेल यांचा वारसा आणि दूरदृष्टीचा सन्मान करण्यासाठी हा कार्यक्रम आयोजित करण्यात आला होता. ही दौड म्हणजे वैविध्यपूर्ण आणि खंडित राष्ट्राला एकसंध करण्याच्या त्यांच्या प्रयत्नांना भारतीय सैन्याने दिलेली मानवंदना होय.

पुणे येथे बीईजी आणि मुख्यालयात कार्यक्रमाचे आयोजन करण्यात आले होते. कार्यक्रमाची सुरुवात ध्वजारोहण समारंभाने झाली आणि सर्व सहभागींनी राष्ट्राची एकता, अखंडता आणि सुरक्षा जपण्याची, राष्ट्रीय एकता दिवसाची शपथ घेतली.

बहुतेक ठिकाणी 3 आणि 5 किलोमीटर अंतराच्या या दौडमध्ये लष्कराचे कर्मचारी, त्यांचे कुटुंबीय आणि नागरिकांसह सर्व स्तरातील लोक सहभागी झाले होते. हे एकतेचे प्रतीक होते, लोकांना एकोपा आणि राष्ट्रीय एकात्मतेच्या भावनेने एकत्र आणणारे होते. सरदार वल्लभभाई पटेल यांच्या एकता, अखंडता आणि विविधतेच्या तत्त्वांचे समर्थन करण्यासाठी आम्ही आमच्या वचनबद्धतेचा पुनरुच्चार करतो.

 

* * *

PIB Pune | S.Patil/V.Joshi/D.Rane

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 1973563) Visitor Counter : 73