انڈین ملٹری اکیڈمی، دہرادون کے 156ویں (DE) کورس، انڈین نیول اکیڈمی، ایزیمالا، کیرالہ اور ایئر فورس اکیڈمی، حیدرآباد (پری فلائنگ) ٹریننگ کورس میں داخلے کے لیے اپریل 2023 میں یونین پبلک سروس کمیشن کے ذریعے منعقد کرائے گئے کمبائنڈ ڈیفنس سروسز ایگزامینیشن (I) اور وزارت دفاع کے سروسز سلیکشن بورڈ کے ذریعہ کیے جانے والے ایس ایس بی انٹرویو کی بنیاد پر 235 (156 + 57 + 22) امیدواروں کی میرٹ کی ترتیب کے مطابق فہرست ذیل میں دی گئی ہے۔

مختلف کورسز کے لیے تینوں فہرستوں میں کچھ مشترکہ امیدوار ہیں۔

آسامیوں کی تعداد، جیسا کہ حکومت کی طرف سے مطلع کیا گیا ہے، انڈین ملٹری اکیڈمی کے لیے 100 ہے [بشمول 13 آسامیاں جو این سی سی 'سی' سرٹیفکیٹس (آرمی ونگ) کے حاملین کے لیے مخصوص ہیں]، 22 انڈین نیول اکیڈمی، ایزیمالا، کیرالہ ایگزیکٹو برانچ (جنرل سروس) کے لیے [بشمول 06 آسامیاں این سی سی 'سی' سرٹیفکیٹ (NCC اسپیشل انٹری کے ذریعے نیول ونگ) ہولڈرز کے لیے] اور 32 ایئر فورس اکیڈمی، حیدرآباد کے لیے [03 آسامیاں این سی سی 'سی' سرٹیفکیٹ (ایئر ونگ) ہولڈرز کے لیے مختص ہیں۔

کمیشن نے انڈین ملٹری اکیڈمی، انڈین نیول اکیڈمی اور ایئر فورس اکیڈمی میں داخلے کے لیے تحریری امتحان میں بالترتیب 2696، 843 اور 629 کواہل ماننے کی سفارش کی تھی۔ حتمی طور پر اہل امیدواروں کی تعداد آرمی ہیڈ کوارٹرز کی طرف سے منعقدہ ایس ایس بی ٹیسٹ کے بعد ہے۔

ان فہرستوں کی تیاری میں طبی معائنے کے نتائج کو مدنظر نہیں رکھا گیا ہے۔

ان امیدواروں کی تاریخ پیدائش اور تعلیمی قابلیت کی تصدیق کا عمل ابھی تک آرمی ہیڈ کوارٹرز میں جاری ہے۔ اس لیے ان تمام امیدواروں کی امیدواری اس اسکور پر عارضی ہے۔ امیدواروں سے درخواست کی جاتی ہے کہ وہ اپنے سرٹیفکیٹس، تاریخ پیدائش/تعلیمی قابلیت وغیرہ کی حمایت میں، جن کا ان کی طرف سے دعویٰ کیا گیا ہے، ان کی فوٹو اسٹیٹ کی تصدیق شدہ کاپیوں کے ساتھ، اپنی پہلی پسند کے مطابق، آرمی ہیڈ کوارٹر/ نیول ہیڈکوارٹر/ ایئر ہیڈ کوارٹرز کو بھیجیں۔

پتہ میں کسی قسم کی تبدیلی کی صورت میں، امیدواروں کو مشورہ دیا جاتا ہے کہ وہ فوری طور پر براہ راست آرمی ہیڈ کوارٹر/ نیول ہیڈکوارٹر/ ایئر ہیڈ کوارٹر سے رابطہ کریں۔

یہ نتائج یو پی ایس سی کی ویب سائٹ http://www.upsc.gov.in پر بھی دستیاب ہوں گے۔ تاہم، امیدواروں کے نمبر کمبائنڈ ڈیفنس سروسز ایگزامینیشن (I)، 2023 کے آفیسرز ٹریننگ اکیڈمی (او ٹی اے) کے حتمی نتائج کے اعلان کے بعد ویب سائٹ پر دستیاب ہوں گے۔

فہرست کے لیے یہاں کلک کریں

*************

ش ح۔ ف ش ع- م ف

U: 373

(Release ID: 1972316) Visitor Counter : 79