مسلح افواج کے تقریباً 500 اہلکاروں پر مشتمل سروسیز اسپورٹس کنٹرول بورڈ (ایس ایس سی بی) کا ایك دستہ گوا میں منعقد ہونے والے 37 ویں قومی کھیلوں (این جی-23) میں حصہ لے رہا ہے۔ كھیلوں کا آغاز 23 اکتوبر 2023 کو ہو چكا ہے اور یہ سلسلہ 09 نومبر 2023 تک جاری رہے گا۔ افتتاحی تقریب 26 اکتوبر 2023 کو ہوگی۔ وزیر اعظم جناب نریندر مودی اس موقع پر بطور مہمان خصوصی شرکت کریں گے۔

این جی-23 کے دوران ریکارڈ تعداد میں 43 کھیل اور 49 ایونٹس منعقد کیے جائیں گے۔ ایس ایس سی بی دستے سمیت 28 ریاستوں اور آٹھ مرکز کے زیر انتظام علاقوں کے تقریباً 10,000 کھلاڑی ان کھیلوں میں حصہ لے رہے ہیں۔ ایس ایس سی بی کا دستہ درج ذیل 23 كھیلوں میں حصہ لے گا:

* پہلی شركت

آزادی سے پہلے سے ہی کھیلوں کے فروغ کا پیش پیش سروسیز اسپورٹس کنٹرول بورڈ شروع سے ہی قومی کھیلوں میں حصہ لے رہا ہے۔ سروسیز کے دستے کا مقصد این جی-23 میں کھیلوں کی مہارت، مسابقتی جذبے اور تمام شعبوں میں بہترین کارکردگی کا مظاہرہ کرنا ہے۔

ایس ایس سی بی کا دستہ 2007 سے تمغوں کی تعداد میں سرفہرست ہے۔ اس نے پچھلے چار مقابلوں میں سب سے زیادہ تمغے جیتے ہیں۔ این جی-22 میں جو گجرات میں منعقد ہوا، سروسیز نے مجموعی طور پر 128 تمغے - 61 طلائی، 35 نقرئی اور 32 كانسے - کے تمغوں كے ساتھ سرفہرست رہا اور راجہ بھلندر سنگھ ٹرافی جیتی جس كیلئے سبھی آرزومند رہتے ہیں۔ این جی-22 میں کل 480 مسلح افواج کے اہلکاروں نے حصہ لیا تھا۔

******

ش ح۔رف۔س ا

U.No:244

(Release ID: 1971075) Visitor Counter : 59