ماہی پروری کے شعبے کے لیے مالی ہمہ جہتی اور تعاون کو بڑھانے کی طرف ایک اہم قدم كے طور پر سکریٹری (ماہی پروری)، ڈاکٹر ابھیلکش لکھی نے 'گھر گھر كے سی سی ابھیان' پر توجہ مرکوز کرتے ہوئے ایک اہم میٹنگ کی صدارت کی۔

 

اس میٹنگ میں مختلف ریاستوں اور مرکز کے زیر انتظام علاقوں، ریزرو بینک آف انڈیا (آر بی آئی)، نیشنل بینک فار ایگریکلچر اینڈ رورل ڈیولپمنٹ (نبارڈ)، شیڈولڈ کمرشل بینکوں، محکمہ زراعت اور کسانوں کی بہبود، ریاستی سطح کے بینكروں كی كمیٹیوں اور علاقائی دیہی بینکوں كے سینئر افسران نے شرکت کی۔

 

اپنے خطاب میں ڈاکٹر ابھی لکش لکھی نے ماہی پروری کے ویلو چین کے آخری منزل تک كے سی سی کی سہولت کا داءرہ وسیع كرنے کی ضرورت پر زور دیا اور كہا كہ اس بات کو یقینی بنایا جاءے کہ ہر اہل فرد کا احاطہ ہو۔ انہوں نے یہ بھی کہا کہ کے سی سی کی درخواستوں کے مسترد ہونے کی وجہ کا تجزیہ کرنے کی ضرورت ہے اور كوشش كی جاءے كہ درخواستوں كو مسترد كءے جانے مین كمی آءے اور منظوری كی درخواستوں کو تیزی سے نمٹایا جاءے۔ انہوں نے نے مطلع کیا کہ ساگر پرکرما کے دوران خصوصی كے سی سی مہم حوصلہ افزا ہے اور تمام شرکاء سے 'گھر گھر كے سی سی ابھیان' کے کامیاب نفاذ کو یقینی بنانے کے لیے ان سے تعاون کی اپیل کی۔

 

جوائنٹ سکریٹری، محكمہ ماہی پروری جناب ساگر مہرہ نے ’گھر گھر کے سی سی ابھیان‘ کے اغراض و مقاصد پر تبادلہ خیال کیا اور ابھیان کے کامیاب نفاذ کے لیے ریاستوں اور مرکز کے زیر انتظام علاقوں اور بینکوں کی مؤثر شرکت کی اہمیت پر زور دیا۔ انہوں نے كہا کہ اس مہم کا مقصد عالمی مالیاتی ہمہ جہتی کے ذریعہ اس بات کو یقینی بنانا ہے کہ ہر ماہی پرور کو قرض کی سہولیات تک بلا رکاوٹ رسائی حاصل ہو جس سے ان کے زرعی حصول کو آگے بڑھانے میں مدد ملتی ہے۔

جوائنٹ سکریٹری نے دستاویزات اور بینک کے طریقہ کار سے متعلق استفادہ کنندگان کو درپیش مسائل پر بھی روشنی ڈالی جیسا کہ ریاستوں اور مرکز کے زیر انتظام علاقوں کے ذریعہ مطلع کیا گیا۔ انہوں نے بتایا کہ 1746.16 کروڑ روپے كی لاگت كے 1,59,903 کسان كریڈٹ كارڈ  کی منظوری دی گئی ہے۔ انہوں نے اس بات پر بھی روشنی ڈالی کہ مچھلی پانے والوں کی كے سی سی حاصل کرنے کی اہلیت کے بارے میں جاری کردہ آر بی آءی کے تازہ ترین رہنما خطوط سے متعلق بیداری بڑھانے کی ضرورت ہے۔ انہوں نے اس بات پر بھی زور دیا کہ بینکوں اور دیگر اسٹیک ہولڈرز کی جانب سے درخواستوں کے مسترد ہونے کا تجزیہ كیا جاءے اور  اصلاحی اقدامات كءے جاءیں تاکہ زیادہ سے زیادہ مستحقین اس سے مستفید ہو سکیں۔

 

ریاستوں اور مرکز کے زیر انتظام علاقوں کے شرکاء نے جاری ابھیان کے دوران اپنے مکمل تعاون کا یقین دلاتے ہوئے درخواستوں کو متحرک کرنے، اہلیت کے معیار، کریڈٹ کی حد اور دستاویزات وغیرہ کے امور اور چیلنجوں پر روشنی ڈالی۔ نابارڈ، شیڈولڈ کمرشل بینکوں، زراعت اور کسانوں کی بہبود كے محكمے، ریاستی سطح کی بینکرس کمیٹیوں، علاقائی دیہی بینکوں اور آر بی آءی نے یقین دلایا کہ وہ ماہی پروری کے شعبے کے لیے 'گھر گھر كے سی سی ابھیان' پر خصوصی توجہ دیں گے۔

 

***

ش ح۔ ع س۔ ک ا

U NO 14

 

(Release ID: 1969256) Visitor Counter : 88