حکومت ہند (جی او آئی) نے درج ذیل کے فروخت (دوبارہ جاری) کا اعلان کیا ہے

(i) یکساں قیمت کے طریقہ کار کا استعمال کرتے ہوئے قیمتوں پر مبنی نیلامی کے ذریعہ 7,000 کروڑ روپے (درج شدہ) کی اعلان کردہ رقم کے لیے نئی سرکاری حصص 2028، (ii) یکساں قیمت کے طریقہ کار کا استعمال کرتے ہوئے قیمتوں پر مبنی نیلامی کے ذریعہ 13,000 کروڑ روپے (درج شدہ) کی اعلان کردہ رقم کے لیے ’7.18 فیصد گورنمنٹ سیکورٹی، 2033‘ اور (iii) ایک سے زیادہ قیمت کے طریقہ کار کا استعمال کرتے ہوئے قیمتوں پر مبنی نیلامی کے ذریعہ 10,000 کروڑ روپے (درج شدہ) کی اعلان کردہ رقم کے لیے ’7.30 فیصد گورنمنٹ سیکورٹی، 2053‘ کی فروخت کرنے کااعلان کیا ہے۔ حکومت ہند کو مذکورہ بالا ہر ایک سیکورٹی کے مقابلے میں 2,000 کروڑ روپے تک کی اضافی خریداری برقرار رکھنے کا اختیار ہوگا۔ یہ نیلامی 20 اکتوبر، 2023 (جمعہ) کو ریزرو بینک آف انڈیا، ممبئی آفس، فورٹ، ممبئی کے ذریعہ منعقد کی جائے گی۔

گورنمنٹ سیکورٹیز کی نیلامی میں غیر مسابقتی طور پر قیمت لگانے کی سہولت کے لیے اسکیم کے مطابق سیکورٹیز کی فروخت کی اطلاع شدہ رقم کا 5 فیصد تک اہل افراد اور اداروں کے لیے مختص کیا جائے گا۔

نیلامی کے لیے مسابقتی اور غیر مسابقتی دونوں قسم کی بولیاں 20 اکتوبر 2023 کو ریزرو بینک آف انڈیا کور بینکنگ سلوشن (ای-کوبیر) سسٹم پر الیکٹرانک شکل میں جمع کی جائیں گی۔ غیر مسابقتی بولیوں کو صبح 10.30 بجے اور صبح 11.00 بجے کے درمیان اور مسابقتی بولیوں کو صبح 10.30 بجے اور 11.30 بجے کے درمیان جمع کیا جانا چاہیے۔

نیلامی کے نتائج کا اعلان 20 اکتوبر 2023 (جمعہ) کو کیا جائے گا اور کامیاب بولی لگانے والوں کے ذریعہ ادائیگی 23 اکتوبر ، 2023 (پیر) کو ہوگی۔

ریزرو بینک آف انڈیا کے ذریعہ جاری کردہ ‘سنٹرل گورنمنٹ سیکیورٹیز میں لین دین کب جاری کیا گیا’ کے رہنما خطوط کے مطابق ‘‘جب جاری کیا جاتا ہے’’ ٹریڈنگ کے لیے سیکورٹیز اہل ہوں گی سرکلر نمبر RBI/2018-19/25 مورخہ 24 جولائی 2018 کے ذریعے اس میں وقتاً فوقتاً ترمیم کی جاتی ہے۔

*************

ش ح۔ ج ق ۔ف ر

(U-10901)

(Release ID: 1968367) Visitor Counter : 92