وزیر اعظم نریندر مودی کی جانب سے ایک گھنٹے کی صفائی مہم کی اپیل کا خیر مقدم کیا جا رہا ہے اور ملک کے صفائی ستھرائی کے منظر نامے کو تبدیل کرنے کے لیے قوم ایک متحدہ  قوت کے طور پر کام رہی ہے۔ آندھرا پردیش بھی ان ریاستوں کی فہرست میں شامل ہو گیا ہے جو یکم اکتوبر 2023اتوار کی صبح 10 بجے ایک تاریخ ایک گھنٹہ ایک ساتھ صفائی مہم کے تحت سوچھتا شرمدان کی تیاریوں کی قیادت کر رہی ہیں۔. ملک بھر میں شرمدان کے لیے 8 لاکھ سے زیادہ پروگراموں کی منصوبہ بندی کی گئی ہے، جن میں سے ہزاروں آندھرا پردیش میں قطار میں کھڑے ہیں۔ ان منصوبوں کو عملی جامہ پہنانے کے لیے ایک موثر روڈ میپ تیار کرنا ضروری ہے، جس کو آندھرا پردیش یقینی بنا رہا ہے۔

آندھرا پردیش سوچھ بھارت مشن کے تحت صفائی ستھرائی کے بہترین طور طریقوں جیسے آر آر آر، سالڈ ویسٹ مینجمنٹ، سنگل یوز پلاسٹک پر پابندی، کچرے کو الگ کرنے، گندے پانی کے علاج اور دیگر کے معاملے میں سب سے زیادہ فعال اور کامیاب ریاستوں میں سے ایک رہا ہے۔ صفائی ستھرائی کی اہم سرگرمیوں کی اپنی روایت کو آگے بڑھاتے ہوئے آندھرا پردیش سوچھتا پکھواڑہ- سوچھتا ہی سیوا مہم کو مثبت انداز میں ختم کرنے کا ہدف رکھتا ہے۔ بڑے پیمانے پر عوامی شرکت اور متحرک ہونے کو یقینی بنانے کے لیے، اعلی ریاستی عہدیداروں نے فوری طور پر فعال موڈ میں قدم اٹھایا ہے۔ چیف سکریٹری ، شہری اور دیہی محکموں کے اسپیشل چیف سکریٹری ، سی اینڈ ڈی ایم اے اور مشن ڈائریکٹر ، ایس بی ایم کے ساتھ باقاعدگی سے ضلع کلکٹروں ، یو ایل بی اور دیگر فیلڈ سطح کے افسران کے ساتھ ویڈیو کانفرنس کر رہے ہیں۔ ریاستی وزراء، ایم ایل اے اور میئروں نے تقریبات کو فروغ دینے کے لیے پوسٹر جاری کیے ہیں۔ ہر یو ایل بی کو ہدایت کی گئی ہے کہ وہ فی گاؤں 2 ایونٹس اور ہر وارڈ میں 3 ایونٹس منعقد کریں  اور ہر ایونٹ میں کم از کم 100 شہریوں کو شرکت کروائیں۔ ایونٹ کے فروغ کے لیے، یہ مشورہ دیا گیا ہے کہ عوامی نمائندوں اور ممتاز شہریوں سمیت مقامی بااثر افراد کو وسیع تر رسائی کی کوششوں میں شامل کیا جائے۔ سیلف ہیلپ گروپس، ایم ای پی ایم اے، این سی سی کیڈٹس، این ایس ایس رضاکاروں، ریزیڈنٹ ویلفیئر ایسوسی ایشنز (آر ڈبلیو اے)، مارکیٹ ایسوسی ایشنز، این جی اوز اور ایم ای پی ایم اے کو شامل کرنے کی ہدایت دی گئی ہے۔

ریاست کے جن مشہور مقامات پر شرمدان صفائی مہم کی منصوبہ بندی کی گئی ہے ان میں شری درگا ملیشور سوامی مندر، شری ملکارجن مندر، رام کرشنا بیچ، رشی کونڈا بیچ، گنڈی کوٹہ قلعہ، انڈاولی غار، کرشنا ندی گھاٹ اور گوداوری ندی گھاٹ شامل ہیں۔ متعلقہ تقریبات میں مختلف شعبوں سے تعلق رکھنے والے ممتاز افراد صفائی ستھرائی کے لیے حوصلہ اور جوش و خروش کے ساتھ شرکت کریں گے۔ اولمپک میڈلسٹ پی وی سندھو اور کرنام ملیشوری جیسی اہم شخصیات، عوامی نمائندے، مذہبی رہنما، ممتاز شہری اور عوام کا دیگر اہم طبقہ عام شہریوں کو سوچھتا کے لیے ایک گھنٹہ کا حصہ ڈالنے کے لیے راغب کرنے کے لیے محنت میں حصہ ڈالیں گے۔

***

(ش ح – ع ا – ع ر)

U. No. 10167

(Release ID: 1962457) Visitor Counter : 79