पुणे, 28 सप्‍टेंबर 2023

 

दापोडी येथील लष्करी अभियांत्रिकी महाविद्यालयात आज म्हणजेच 28 सप्टेंबर 2023 रोजी 80 वा स्थापना दिन साजरा करण्यात आला.

ह्या लष्करी महाविद्यालयाची स्थापना आधी, म्हणजेच 28 सप्टेंबर 1943 साली रुरकीच्या थॉमसन महाविद्यालयात येथे लष्करी अभियांत्रिकी शाळा (स्कूल ऑफ मिलिटरी इंजीनियरिंग) म्हणून करण्यात आली होती. पुढे 1948 साली हे महाविद्यालय पुण्यात खडकी येथे स्थलांतरित झाले. या महाविद्यालयाला पंतप्रधान पंडित जवाहरलाल नेहरू, राष्ट्रपती ए पी जे अब्दुल कलाम आणि दिवंगत राष्ट्रपती प्रणव मुखर्जी यांच्यासारख्या दिग्गज मान्यवरांनी भेट दिली आहे. 28 सप्टेंबर 2018 रोजी या महाविद्यालयाने आपला अमृत महोत्सव साजरा केला.

अत्याधुनिक आणि अद्ययावत तंत्रज्ञान कौशल्ये तसेच पायाभूत सुविधांच्या मदतीने, देशातील प्रमुख प्रशिक्षण संस्था व्हावे, असे या महाविद्यालयाचे उद्दिष्ट आहे. लष्कराशी संबंधित अभियांत्रिकीसोबतच, रासायनिक, जैवशास्त्रीय, रेडियोलॉजीकल आणि अणू संरक्षण विषयक पैलू अशा सर्व क्षेत्रांविषयी येथे प्रशिक्षण दिले जाते. 2015 आणि 2021 साली, कॉम्बॅट इंजिनीअरिंगमध्ये उच्च दर्जाचे प्रशिक्षण देण्यात उत्कृष्ट योगदान दिल्याबद्दल कॉलेजला जनरल ऑफिसर कमांडिंग इन चीफ, लष्करी प्रशिक्षण विभाग, युनिट प्रशस्तिपत्र देऊन सन्मानित करण्यात आले आहे.

मेजर जनरल विनायक सैनी, सेना पदक, अभियांत्रिकी महाविद्यालयांचे कमांडंट अधिकारी, यांनी, महाविद्यालयाचे विशेष सैनिक संमेलन आयोजित केले आणि प्रशस्तीपत्रे देऊन कर्मचार्‍यांचा सत्कार केला. त्यांनी महाविद्यालयाच्या सर्व पदाधिकाऱ्यांना आणि नागरी कर्मचार्‍यांना, देशाला पुन्हा समर्पित करण्यासाठी आणि उत्कृष्टतेसाठी प्रयत्न करण्याचे तसेच सतत बदलणाऱ्या तंत्रज्ञानाच्या जगाशी जुळवून घेण्यासाठी सज्ज राहण्याचे आवाहन केले.

 

* * *

PIB Pune | M.Pange/R.Aghor/D.Rane

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 1961777) Visitor Counter : 80