فوڈ کارپوریشن آف انڈیا (ایف سی آئی) نے اسکریپ کو ٹھکانے لگانے کے ذریعے 30 لاکھ روپے کی آمدنی حاصل کی ہے، تقریباً 3 لاکھ پرانی فائلوں کو ختم کیا ہے، اور زیر التواء معاملات کو نمٹانے کے لیے خصوصی مہم 2.0 کے دوران 50,000 مربع فٹ سے زیادہ جگہ صاف کی ہے۔

زیر التواء معاملات کو نمٹانے اور سوچھتا کو فروغ دے کر وزارتوں اور محکموں کے کام میں کارکردگی کو بہتر بنانے کے لیے شروع کی گئی مہم کے ذریعے، فوڈ کارپوریشن آف انڈیا نے اکتوبر 2022 سے اگست 2023 تک 760 مہم کے مقامات پر زیر التواء معاملات کو نمٹانے کے لیے خصوصی مہم 2.0 کو مؤثر طریقے سے چلایا۔

اس مہم کے دوران کی گئی کارروائی نے ایف سی آئی کی اس بات کو یقینی بنانے کی صلاحیت کو مزید تقویت بخشی ہے کہ ملک بھر میں اچھے معیار کے غذائی اجناس مستفیدین تک پہنچیں کیونکہ صفائی مہم ایف سی آئی کے گوداموں کی دیکھ بھال اور اس کے کاموں کو بہتر بنانے میں بہت موثر اور مددگار ثابت ہوئی ہے۔ مہم 2.0 کے دوران کاروائیوں کو مزید ہموار کیا گیا جس کی وجہ سے ریکارڈ مینجمنٹ سسٹم متعارف کرانے اور جگہ کے بہترین استعمال کے ساتھ ساتھ ڈیجیٹلائزیشن کو شروع کرنے کے لیے کیے گئے اختراعی اقدامات بھی شامل ہیں۔

ملک بھر میں پھیلے اپنے تمام احاطے میں صفائی اور پائیداری کو فروغ دینے کے اپنے وعدوں کو پورا کرتے ہوئے، زیر التواء معاملات پر مہم 2.0 تمام ایف سی آئی احاطے بشمول ہیڈ کوارٹر، زونل دفاتر، علاقائی دفاتر، ضلع/ڈویژنل دفاتر، ڈپو، گودام، اور دیگر مراکز میں چلائی گئی۔

ملک کے ہر حصے کو خوراک کو محفوظ رکھنے کے لیے، ایف سی آئی کسانوں سے ایم ایس پی پر گندم اور دھان خریدتا ہے۔ یہ اس بات کو بھی یقینی بناتا ہے کہ ایک سال میں تقریباً 50 ملین ٹن غذائی اجناس کی نقل و حمل کے مختلف طریقوں سے ملک کے ہر حصے میں گندم اور چاول دستیاب ہوں۔ اس گندم اور چاول کو پھر 1000 سے زیادہ گوداموں میں ذخیرہ کیا جاتا ہے اور 28 ریاستوں اور 8 مرکز کے زیر انتظام علاقوں میں فیئر پرائس شاپس کے ملک گیر نیٹ ورک کے ذریعے تقسیم کیا جاتا ہے۔ حکومت کی خصوصی مہم 2.0 کے تحت، ایف سی آئی کو اپنے کاموں کو بہتر بنانے کے لیے بھرپور مدد ملی۔

مہم کی پیشرفت کی باقاعدگی سے نگرانی کی گئی اور محکمہ انتظامی اصلاحات اور عوامی شکایات (ڈی اے آر پی جی)  www.pgportal.gov.in/scdpm کے ایس سی پی ڈی ایم  پورٹل پر پیشرفت کو اپ ڈیٹ کیا گیا۔ کارپوریشن اب 2 اکتوبر 2023 سے شروع ہونے والی خصوصی مہم 3.0 کے لیے تیار ہے۔

*************

( ش ح ۔ ش ت ۔ ت ح  (

U. No 9925

(ریلیز آئی ڈی: 1960590) وزیٹر کاؤنٹر : 116